Myeelwe 9
9
Ba-Israyeli mbubakalya Pasika munkanda
1 #
Kul 12:1-13
Lino Jehova wakaambila Musa munkanda ya-Sinai mumwaka wabili wakuzwa munyika ya-Egepita, mumwezi mutaanzi, wati, 2#Kul 12:1; Lev 23:5; Dt 16:1,2; My 28:16; Heb 10:1Bana ba-Israyeli balye ipobwe lya-Pasika kuciindi calyo ceelede. 3Mubuzuba bwakumi aane bwamwezi uno, kuciindi cagoko, amulye ipobwe kuciindi calyo ceelede, mbubonya mbuli milao yalyo yoonse ambeta zyalyo zyoonse. 4Mpoonya awo Musa wakaambila bana ba-Israyeli kuti balye Pasika. 5#Jos 5:10Nkabela bakalya Pasika mumwezi mutaanzi, mubuzuba bwakumi aane bwamumwezi, ciindi cagoko, oko kunkanda ya-Sinai; mbubonya mbuli Jehova mbwaakalailila Musa mbubonya obo ba-Israyeli mbubakacita.
6 #
My 5:2; 6:6,7; Joh 18:28; Kul 18:15; My 27:2 Pele kakuli bamwi bantu ibakasofweede nkaambo kakuguma mutunta, aboobo bakakacilwa kulya Pasika mubuzuba obo, Aba bantu bakaswena kuli ba-Musa a-Aroni mubuzuba obo mbubonya, 7#1 Kor 5:7,8bati, Tulisofweede nkaambo kakuguma mutunta; sa ncibotu kuti tukasigwe kuletela Jehova cituuzyo akati kabana ba-Israyeli kuciindi ceelede? 8#Int 25:14; 85:8; Joh 7:17; Ef 1:9,18; Heb 3:5,6Nkabela Musa wakavuwa kuti, Amulindile, kuti mvwe na Jehova ulalailila buti aandinywe.
9Lino Jehova wakaambila Musa kuti, 10Ambila bana ba-Israyeli kuti, Kufumbwa muntu akati kanu na akati kabana banu uusofweede nkaambo kamutunta, nanka uuli mulweendo, alye ipobwe lya-Pasika lya-Jehova. 11#2 Mak 30:2,15; Kul 12:8Alye ipobwe mumwezi wabili, mubuzuba bwakumi aane bwamumwezi, kuciindi cagoko. Balilye azinkwa zitakwe bumena azisyu zilula. 12#Kul 12:10,43,46; Joh 19:36Batasyaazyi imbutikwa mane kusikila cifumo pe, alimwi mutatyoli cifuwa neciba comwe. Babambe Pasika mbubonya mbuli milao yalyo yoonse. 13#Matl 17:14; Kul 12:15; Lev 17:4; Heb 6:6; 12:25; My 5:31; Gal 3:10; Heb 10:26Muntu uutasofweede uutali mulweendo, na wacelwa kulya ipobwe lya-Pasika, oyo muntu ulatandwa muciinga cakwe. Mbuli mbwaakacelwa kuleta cituuzyo ca-Jehova kuciindi ceelede, oyo muntu ulapegwa mulandu. 14#Kul 12:49Nkabela na kuli mweenzu uukalakala akati kanu uuyanda kulya ipobwe lya-Pasika lyaJehova, alye mbubonya mbuli milao yalyo ambeta zyalyo, Kulaba mulao omwe buyo kubantu boor se, nebaba bazyalwa micusi nebaba bazwakule.
Ijoba lyakuvumbilila cikombelo
15 #
Kul 13:21
Lino mubuzuba obo cikombelo necakayakwa, ijoba lyakavumbilila cikombelo, itente lyambunganino, nkabela kuciindi cagoko lyakali mbuli mulilo atala lyacikombelo mane kubucedo. 16#Kul 13:21,22; 40:34; Dt 1:33; Neh 9:12Mbucakabede lyoonse. Ijoba lyakali kucivumbilila isikati, acintu cibaanga mulilo masiku. 17#Kul 40:36,37; My 10:11,33,34; Int 78:14; 80:1; Is 49:10; Joh 10:4Nkabela kufumbwa ciindi ijoba nelyakaumbuluka kuzwa atala lyatente, bana ba-Israyeli bakalonga, alimwi ijoba mpolyakaboolela kukala, mpoonya awo ba-Israyeli mpobakayaka zilao zyabo. 18#1 Kor 10:1Kumulomo wa-Jehova bana ba-Israyeli bakali kweenda, akumulomo wa-Jehova bakali kulyokezya. Mazuba oonse ijoba nelyakacikede acikombelo, bakacilikede abalo. 19Na ijoba lyakasyaala atala lyacikombelo mazuba manji, bana ba-Israyeli bakabamba imbeta zya-Jehova, kabateendi nee. 20#Int 48:14; Tus 3:5,6Alimwi cimwi ciindi ijoba lyakalikede atala lyacikombelo mazuba mace buyo; lino kumulomo waJehova bakalikede mumalabba, alimwi kumulomo wa-Jehova bakeenda. 21#Mt 28:20Cimwi ciindi ijoba lyakakala kuzwa kumabbililo kusikila kubucedo, lino ijoba nelyakaumbuluka cifumofumo bakeenda, Alimwi na lyakasyaala buzuba boonse, isikati amasiku, kufumbwa ciindi nelyakaumbuluka bakatalika kweenda. 22#Kul 40:36,37; Int 73:24; 107:7; Is 63:14Kufumbwa ciindi, naaba mazuba obile nuuba mwezi naaba mazuba manji loko, ijoba nelyakakede atala lyacikombelo, bana ba-Israyeli bakalikede mumalabba aabo, kabateendi pe, Nelyakaumbuluka buyo bakeenda. 23#Int 73:24; 107:7; Is 63:14Kumulomo wa-Jehova bakayaka zilao zyabo, akumulomo wa-Jehova bakeenda. Bakabamba imbeta zya-Jehova, mbubonya mbuli Jehova mbwaakalailila kumulomo wa-Musa.
Currently Selected:
Myeelwe 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
