Myeelwe 8
8
Milimo yamalampi aamucikombelo
1 #
Kul 25:31-40; 37:17-24 Lino Jehova wakaambila Musa kuti, 2#Kul 40:25; Lev 24:1,2; Int 119:105; Is 8:20; Mt 5:14; Joh 1:9; 8:12Ambila Aroni kuti, Nobamba malampi, malampi aali musanu aabili aleelede kumunika kunembo lya ciimikilo camalampi. 3Nkabela Aroni wakacita obo. Wakaimika malampi kuti amunike kunembo lyaciimikilo camalampi, mbubonya mbuli Jehova mbwaakalailila Musa, 4#Kul 25:31Lino mbuboobu ciimikilo camalampi mbucakacitwa: cakali cifulamubisi; kuzwa kutako lyaco kusikila kumalubaluba aaco, coonse cakali cifula mubisi; mbuli cinkozya Jehoya ncaakatondezya Musa, wakacita ciimikilo camalampi mbubonya obo.
Ba-Levi mbubakasalazizigwa milimo yabo
5Lino Jehova wakaambila Musa kuti, 6#Int 26:6; Is 52:11; Heb 7:26; 10:22Gwisya ba-Levi akati kabana ba-Israyeli, ubasalazye. 7#Lev 14:8,9Mbuboobu mboelede kubacitila kukubasalazya, Kobasansaila maanzi aakumanya milandu; lino balinyoole kumubili woonse, basanzye zyakusama zyabo, balisalazye. 8#Lev 2:1Bamane obo babweze kapoho acipaizyo cako cabusu bunante buvwelene amafuta. Akamwi kapoho kabili ukabweze kabe cipaizyo cazibi. 9#Kul 29:4; 40:12; Lev 8:3Lino ba-Levi, uleelede kubaswenya afwaafwi kunembo lyatente lyambunganino akubunganya imbungano yoonse yabana ba-Israyeli. 10#Lev 1:4Lino waswenya ba-Levi afwaafwi kubusyu bwaJehova, bana ba-Israyeli babike maanza aabo amitwe yaba-Levi. 11Nkabela Aroni uleelede kuyumba ba-Levi mbuli cipaizyo cabana ba-Israyeli cakuyumba kubusyu bwa-Jehova, kuti bacite milimo ya-Jehova. 12#Kul 29:10; Lev 1:4; 8:14Lino ba-Levi babike maanza aabo amitwe yatupoho, nkabela kamwi kapaizigwe mbuli cipaizyo cazibi, akamwi kabe cipaizyo cakutentela Jehova, kuti umanye milandu yaba-Levi. 13Mbuboobo mboelede kwiimika ba-Levi kunembo lya-Aroni akunembo lyabana bakwe, akubayumba mbuli cipaizyo cakuyumba kubusyu bwa-Jehova,
14 #
My 3:45; 16:9; Mal 3:17 Aboobo ulaanzaanya ba-Levi akati kabana ba-Israyeli, ba-Levi babe bangu. 15#Kul 29:24Wamana kubasalazya akubayumba mbuli cipaizyo cakuyumba, ba-Levi banjile kukucita milimo yatente lyambunganino. 16#My 3:12,45Nkaambo bapegwa limwi kulindime, akati kabana ba-Israyeli, mucibaka cabaabo bajalula izyalilo acabana bataanzi babana ba-Israyeli. Ndabatola, babe bangu. 17#Kul 13:2,12-15; Lk 2:23; My 3:13Nkaambo boonse bana bataanzi babana ba-Israyeli mbebangu, nibaba bantu nibaba banyama; nkaambo mubuzuba obo nindakauma boonse bana bataanzi bamunyika ya-Egepita, ndakabasalazya kuti babe bangu. 18Lino ndatola ba-Levi mucibaka cabana bataanzi babana ba-Israyeli. 19#My 3:9; 18:2-6; 1:53; 16:46; 18:5Ndapa ba-Levi, babe ba-Aroni ababana bakwe, akati kabana ba-Israyeli, kuti bacitile bana ba-Israyeli milimo yatente lyambunganino, bamanye milandu yabana ba-Israyeli, kuti kutabi malwazi akati kabana ba-Israyeli ciindi cakuswena kufwaafwi kuzintu zisalalisya,
20Lino ba-Musa a-Aroni ambungano yoonse yabana ba-Israyeli bakacitila ba-Levi obo. Zintu zyoonse Jehova nzyaakalailila Musa kuba-Levi, bana ba-Israyeli bakabacitila nzizyonya. 21#Rom 15:16Lino ba-Levi bakalisalazya kuzibi akusanzya zyakusama zyabo, nkabela Aroni wakabayumba mbuli cipaizyo cakuyumba kubusyu bwa-Jehova, alimwi Aroni wakamanya milandu yabo kuti basalale. 22#2 Mak 30:15; 31:2Kusule lyayaaya ba-Levi bakanjila kukucita milimo mutente lyambunganino kubusyu bwa-Aroni akubusyu bwabana bakwe; mbubonya mbuli Jehova mbwaakalailila Musa aaba-Levi, bakabacitila mbubonya,
23Lino Jehova wakaambila Musa kuti, 24#My 4:3; 1 Mak 23:3; 24:27Mbuboobu ba-Levi mbubeelede kucita. Kuzwa kumyaka iili makumi obile amusanu akwiindilila banjile mumilimo yakubeleka mutente lyambunganino. 25Pele kuzwa kumyaka iili makumi osanwe baleke milimo akutacibeleka limbi. 26#My 1:53; 1 Mak 23:28-32; 26:20-29; Ezk 44:8,11Balakonzya kugwasya beenzinyina mutente lyambunganino akubamba imbeta, pele kubeleka tabakoonoocibeleka pe. Mbuboobo mbumweelede kubambila ba-Levi milimo.
Currently Selected:
Myeelwe 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
