Myeelwe 14
14
Bantu mbubakatongauka akuyeeya kupiluka ku-Egepita
1Lino bantu boonse bambungano bakatalika kuyoba, nkabela bakali kulila masiku ayo. 2#Int 106:25; Dt 28:68Bantu boonse ba-Israyeli bakali kutongaukila Musa a-Aroni. Imbungano yoonse yakabaambila kuti, Nicakabota nitwakafwa munyika ya-Egepita nanka kufwa munkanda. 3Ino nkaambonzi Jehova watusisya kunyika eyi kuti atujazye ipanga? Banakazi besu abana besu boonse balasaalwa. Sa tacikonzyi kuba cibotu kupiluka ku-Egepita?
4 #
Neh 9:17; Inc 7:39; Heb 11:15 Lino bakaamba umwi aumwi kumweenzinyina kuti, Atulibikile silutwe, atupilusye ku-Egepita. 5Mpoonya awo ba-Musa a-Aroni bakavundama kunembo lyambungano yabana ba-Israyeli. 6Alakwe Joshua mwana wa-Nuni a-Kalebe mwana wa-Jefune, bamwi basikutwela nyika, bakadelaula zyakusama zyabo, 7baambila bantu boonse bambungano yaba-Israyeli, bati, Nyika eyo njitwakaakutwela ninyika imbotu loko. 8#Dt 10:15; 2 Sam 15:25; 1 Bam 10:9; Int 22:8; Is 62:4; My 13:27Na Jehova twamubotela, ulatunjizya munyika eyo akwiipa ndiswe, nyika iikunka malili abuci. 9#Heb 3:16; Dt 9:7,23,24; Dt 20:3; Matl 48:21; Kul 33:16; Dt 20:1; 2 Mak 15:2; Is 41:10Pele mutapapili Jehova, alimwi mutayoowi bantu banyika eyo, nkaambo nzilyo zyesu, Citabilizyo cabo cazwa; Jehova uli aswebo; mutabayoowi. 10#Kul 17:4; 16:10; Lev 9:23Pele bantu boonse buyo bakati baumye mabwe. Lino bulemu bwa-Jehova bwakaboneka mutente lyambunganino kumeso aabana boonse ba-Israyeli,
Musa mbwaakakombela bantu bakwe
11 #
Heb 3:8; Int 78:22; Joh 12:37 Lino Jehova wakaambila Musa kuti, Ino bantu aba balaleka lili kundisampaula? Balaleka lili kukaka kundisyoma, nekuba kuti zitondezyo nzinji nzindakacita akati kabo? 12#Kul 32:10Ndabaumya malwazi, nsikoobapa lukono, pele njoocita kuti yebo ube musyobo mupati uuli anguzu kwiinda mbabo,
13 #
Kul 32:11-14; Ezk 20:9 Pele Musa wakaambila Jehova kuti, Na wacita obo, bayoomvwa ba-Egepita, nkaambo akati kabo mpowakagwisya bantu aba munguzu zyako. 14#Kul 15:14; Neh 9:12Lino bayooambila bantu bakede munyika eyi. Balimvwide kuti mpoli akati kabantu aba, O Jehova, nkaambo webo O Jehova ulaboneka busyu kubusyu, alimwi ijoba lyako liliimvwi atala lyabo, nkabela ulabazulwida mumusumpululu wajoba isikati amumusumpululu wamulilo ciindi camasiku. 15Na wanyonyoona bantu aba mbuli muntu omwe, bamasi bamvwide impuwo yako bayooamba kuti, 16#Jos 7:9Jehova wakakacilwa kunjizya bantu abo munyika eyo njaakabasyomezya, aboobo wabajaya munkanda. 17Lino inguzu zya-Mwami zikomene, mbubonya mbuli ijwi lyako lyakuti, 18#Kul 20:5-6; 34:6-7; Dt 5:9-10; 7:9-10; Int 103:8; 145:8; Joh 4:2; Kul 34:7Jehova tafwambi kukalala, ulizwide luzyalo, ulalekelela milandu ansotoko, nekubaboobo talulamiki bataluleme, ulauma bana abazukulu nkaambo kazibi zyabamawisi, mane kusikila kuzyalani lyatatu alyane. 19Ndakumbila kuti muluzyalo lwako lupati ulekelele bantu aba milandu yabo, mbubonya mbowabalekelela lyoonse kuzwa ku-Egepita akusikila lino.
20 #
Jak 5:16; 1 Joh 5:14 Elyo Jehova wakati, Mbubo, ndabalekelela, mbubonya mboamba. 21#Heb 3:18; Int 72:19; Is 5:16; 11:9; 61:11; Ezk 18:3; Hab 2:14; Ciy 11:15Nekubaboobo, ncobeni mbundi muumi, anyika yoonse mbiiyoozula bulemu bwa-Jehova, 22#Dt 1:31,34; Int 95:11; Heb 4:6,7; Matl 31:7aba bantu boonse babwene bulemu bwangu azitondezyo zyangu nzindakacita munyika ya-Egepita amunkanda, nekubaboobo bandisunka ziindi ezi zili ikumi akutaswiilila ijwi lyangu, 23#Dt 1:35; Int 106:26; Ezk 20:15; Heb 3:18; 4:3tabakooyoobona nyika eyo njindakasyomezya bamawisi. Akati kabaabo basampaula takukooyooba naba omwe uuyooibona. 24#Jos 14:9-12; Int 25:13; Is 33:15; Mt 5:5Pele mulanda wangu Kalebe, mbuli mbwajisi moyo wakwe alike, alimwi wanditobela camoyo woonse, njoomusisya kunyika eyo nkwaakabona, nkabela lunyungu lwakwe luyooivuba. 25Lino ba-Amaleki aba-Kanana balikede mukuti. Junza amupiluke, mulongele kunkanda, kunzila yaku-Lwizi Lusalala.
Basikutongauka mbubakakasigwa kunjila munyika ya-Kanana
26Lino Jehova wakaambila Musa a-Aroni kuti, 27#Kul 16:28; Mt 17:17; Mk 9:19; Kul 16:12; 1 Kor 10:10Ino inkamu eyi imbi ilaleka lili kunditongaukila? Ndimvwide matongauko aabana ba-Israyeli ngebanditongauka. 28#Heb 3:17Kobaambila kuti, Mbundi muumi, mbwaamba Jehova, ndamucitila cintu eco nciconya ncimwaamba mumatwi aangu. 29#My 26:64Mitunta yanu iyoosyaala okuno kunkanda, amweelwe woonse wabaabo ibakabalwa akati kanu, nkokuti bajisi myaka iili makumi obile abaindilila, boonse banditongauka. 30#Dt 1:36,38Ncobeni tamukooyoonjila munyika eyo njendakakonkezya kuti mukale mulinjiyo, cita Kalebe mwana wa-Jefune a-Joshua mwana wa-Nuni abalike. 31#Int 106:24; Tus 1:25,26; Heb 12:16,17Pele twana twanu, oto ntomwakaamba kuti tulasaalwa, njootunjizya munyika njemwasampaula. 32#1 Kor 10:5Pele nywebo, mitunta yanu iyoosyaala okuno kunkanda. 33#Inc 7:36; Int 107:40; Dt 2:14Bana banu bayooembela munkanda myaka iili makumi one, aboobo bayoopenga nkaambo kakutasyomeka kwanu, mane mitunta yanu ikamane munkanda. 34#My 13:25; Int 95:10; Ezk 4:6; 1 Bam 8:56; Int 77:8; Heb 4:1Mbubonya mbuli mweelwe wamazuba aakutwela nyika, nkokuti mazuba aali makumi one, mbuboobu mbumuyoopegwa mulandu, buzuba nkokuti mwaka omwe, myaka ibe makumi one, muzibe kubijilwa kwangu. 35#My 23:19Mebo nde-Jehova ndaamba. Ncobeni mbuboobo mbunjoocitila eti izyalani ibbi lyoonse lindibusizya inkondo. Bayoomaninina kufwa omuno munkanda.
36 #
My 13:31
Lino abo bantu Musa mbaakatumide kuyootwela nyika, ibakaboola akucita kuti bantu boonse batongauke nkaambo kampuwo imbi njibakaleta, 37#Jer 28:16,17; 1 Kor 10:10; Heb 3:17; Jud 1:5abo bantu ibakaleta impuwo imbi yanyika bakafwa malwazi kubusyu bwa-Jehova. 38#Jos 14:6Joshua mwana wa-Nuni a-Kalebe mwana wa-Jefune mbebakafutuka abalike akati kabantu abo basikutwela nyika.
39 #
Tus 19:3; Mt 8:12; Heb 12:17 Lino Musa wakalwiida bantu boonse ba-Israyeli makani aya, nkabela bantu bakalila loko. 40#Dt 1:41; Muk 9:3; Mt 7:21; Lk 13:25Buce buyo, bakafumina kucilundu, bati, Bona! Mpotuli. Tulaya kucisi eco Jehova ncaakaamba, nkaambo twabisya. 41#2 Mak 24:20; Job 9:4; Is 59:1,2; Jer 2:37; 1 Kor 10:22Pele Musa wakati, Ino nkaambonzi mulasampaula malailile aa-Jehova? Kucita obo takukonzyi kuleta coolwe pe. 42#Dt 1:42; Int 44:1-3Mutainki pe, kuti mutakazundwi kulibasinkondonyoko, nkaambo Jehova tawo akati kanu. 43#Dt 1:43,44; Bab 16:20BaAmaleki aba-Kanana nkubali oko kunembo lyanu. Muyoojazigwa ipanga, nkaambo mwaleka kutobela Jehova, aboobo Jehova takooyooba anywebo. 44Nekubaboobo bakakakatila kuya kumutwe wacilundu, nekuba kuti ibbokesi lyacizuminano ca-Jehova teelyakeenda kuzwa kumalabba, naba Musa. 45Mpawo ba-Amaleki aba-Kanana ibakede mucilundu eco bakaseluka, babazunda akuba tanda mane kusikila ku-Horima.
Currently Selected:
Myeelwe 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
