Marko 13
13
Jesu mbwaakasinsima mapenzi aaciza
(Matayo 24:1-14; Luka 21:5-19)
1 #
Mt 24:1-51; Lk 21:5-36 Nkabela naakali mukuzwa muntempele, umwi sikwiiya wakwe wakamwaambila kuti, Mufundisi, langa! Ayoosya mabwe aya amayake aya! 2Jesu wakamwaambila kuti, Sa wabona mayake aya mapati? Alasaalwa oonse mane takukwe libwe niliba lyomwe liti kasyaale liyeeme kubbwenyina.
3Lino naakakede acilundu ca-Elaioni kumbali antempele, bakamubuzya kumbali ba-Petro a-Jakobo a-Johane a-Andreya, bakati, 4Tulwiide, ino kai ayooba lili, aya makani? Alimwi, ncinzi ciyooba citondezyo cakuti aya makani oonse aamba kulondolwa? 5Lino Jesu wakatalika kubaambila kuti, Amucenjele kuti kutakabi muntu uumuunina. 6Banjibanji bayoosika kuzina lyangu, baamba kuti, Ndime yooyo, nkabela bayoounina banji. 7Lino nimuyoomvwa mamba ampuwo zyamamba, mutakayoowesyi, nkaambo ezi zileelede kuba, anu alo mamanino taakoonooyoosikide. 8#Is 19:2; 2 Mak 15:6Nkaambo cisi cizoolwana acisinyina, abwami buzoolwana abwaminyina. Alimwi kuzooba mizuzumo yanyika mumasena aansininsini, ayalo inzala iyookola. Anu ezi matalikilo aacimyonzi.
9 #
Mt 10:17-20; Lk 12:11-12 Pele nywebo amucenjele, nkaambo bayoomwaaba kumbeta, akumuuma muzikombelo, alimwi muyooima kubusyu bwabeendelezi abami nkaambo kandime, kuti mukabe bakamboni bangu. 10#Mk 16:15Pele kuleelede kuti anzina Makani Mabotu akakambaukwe kumasi oonse. 11Lino bantu nibayoomutola kuyoomwaaba, mutayoolitibauki kuti ino tukaambe buti, pele makani ngumuyoopegwa kuciindi eco nciconya mukaambe ngao, nkaambo endinywe mwaamba pe, ngu-Muuya Uusalala nguuamba. 12#Mik 7:6Nkabela muntu uyooaba mwanaakwabo kukufwa, alakwe wisi uyooaba mwana, alimwi bana bayoobukila bazyali babo, bakabajazye. 13#Mt 10:22; Joh 15:21Muyoosulwa kubantu boonse nkaambo kazina lyangu, pele walo oyo uuyookakatila mane do kumamanino nguuyoofutulwa.
Jesu mbwaakasinsima mapenzi mapati
(Matayo 24:15-28; Luka 21:20-24)
14 #
Dan 9:27; 11:31; 12:11 Lino mwaakubona cisesemyo cabusaale ciliimvwi mpociteelede kwiima (oyo uubala amvwisye), elyo abo bali mu-Judaya bakacijile muzilundu, 15#Lk 17:31ayooyo uuti kajanwe alululi atakaseluki nikuba kunjila kuti agwisye cintu niciba comwe camuŋanda, 16ayooyo uuti kajanwe mumuunda, atakapilukili kuleta cikobela cakwe. 17Pele maawe, kuyoopenga banakazi bamitide abaabo banyonsya kuciindi eco. 18Pele kamukomba kuti ayo atakabi muciindi campeyo. 19#Dan 12:1; Inc 7:14; Joel 2:2Nkaambo ayo ayooba mazuba aamapenzi. Kuzwa kumalengelo Leza naakaanza nyika mane sunu ayo mapenzi aali boobo taakwe naakabwenwe, alimwi taakwe naati kabonwe limbi pe. 20Nkabela Jehova naatakafwiinsya mazuba ayo, nikwatazooba muntu naba umwi wali kunoozoofutulwa, pele nkaambo kabasale mbaakasala ncaayoofwiinsigwa. 21Lino kuciindi eco kufumbwa muntu nayoomwaambila kuti, Amubone, nguuno Kristo, nikuba kuti, Nguulya, mutakazumini. 22#Dt 13:1Nkaambo kuyooba bakristo babeji abasinsimi babeji, bayoocita zitondezyo amalele, kwaakukonzeka mane do bakalengawide abaabo basalidwe. 23Lino amulibambe, ndamwaambila caali nezitana kuba.
Jesu mbwaakasinsima aakuboola kwakwe
(Matayo 24:29-36; Luka 21:25-33)
24 #
Is 13:10; Ezk 32:7; Joel 2:10,31; 3:15; Ciy 6:12 Pele kuciindi eco, aakumana mapenzi ayo, izuba liyoosizigwa, awalo mweezi uyooleka kutuba, 25#Is 34:4; Joel 2:10; Inc 6:13azyalo inyenyeezi ziyooloka kujulu, anguzu zyamujulu ziyoozungaana. 26#Dan 7:13; Ciy 1:7Elyo nobati kabone Mwana a-Muntu uleza mumakumbi anguzu abulemu bupati. 27#Zek 2:6; Dt 30:4; Mt 13:41Nkabela lino nati katume baangelo bakwe kuti bakakobe basale bakwe bazwa kumabazu one, akujwe akumbo akunyika akumusanza, mane do kumagolelo aansi ajulu.
28Lino amwiiye cikozyano cizwa kumukuyu. Mpoonya mutabi wawo mbuwasonsela, aalo matu asyuuka, elyo mwaziba kuti mainza aba afwiifwi. 29Mbubonya obo anywebo, mwaakubona kuti makani aya atalika kuba, amukazibe kuti ciindi cili afwiifwi, cili kumulyango. 30Ncobeni ndamwaambila kuti basyaasunu tabakooyooindilila mane do makani aya oonse akabe. 31Lyalo ijulu liyooloba, anyika iyooloba, pele majwi aangu alo takooyooloba pe. 32#Mt 24:36Pele taakwe muntu uubuzi buzuba obo, niciba ciindi, pe, nibaba baangelo bakujulu, naba Mwana, pele Taata alike nguuzi. 33Amucenjele, kamulindila akukomba, nkaambo tamuzi ciindi nociyooba. 34#Lk 12:36-38; 19:12; Mt 25:14Cilikozyene amuntu wakainka kucisi cimbi, wasia iŋanda yakwe, wakapa bazike bakwe bwami akubaabila umwi aumwi milimo yabo, elyo wakalailila sikulindila kumulyango kuti alangile. 35#Lk 12:38Boobo, amulangile, nkaambo tamuzi ciindi ncayoosika mukamwini iŋanda, na uyoosika kumazuba, na mpakati kamasiku, na nobuumbuluka na cifumofumo. 36Amulangile, antela uyoomusinkilizya akamujane mucoona. 37Nkabela mbundamwaambila nywebo, mbubonya mbundaambila boonse, Ndati, Amulangile.
Currently Selected:
Marko 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
