Matayo 9

Jesu mbwaakaponya muntu uuyuminide mubili

(Marko 2:1-12; Luka 5:17-26)

1 # Mk 2:1-12; Lk 5:17-26 # Mt 4:13 Lino wakanjila mubwaato, wakazubuka, wakasika kumunzi wabanamuzyaabo. 2Lino mpawo bakamuletela umwi uuyuminide mubili, ulilede abulo. Nkabela Jesu naakabona lusyomo lwabo wakaambila oyo uuyuminide mubili kuti, Mwanaangu, sekaseka, walekelelwa zibi zyako. 3#Mk 2:7Mpawo bamwi balembi bakaamba mumyoyo yabo bati, Muntu oyu ulatukila Leza. 4#Mt 12:25; Joh 2:25Nkabela Jesu wakaziba miyeeyo yabo, elyo wakati, Ino nkaambonzi mulayeeya bubi mumyoyo yanu? 5Citete ncicili, kwaamba, Walekelelwa zibi zyako, na kwaamba, Buka, uende? 6Pele mukazibe kuti Mwana a-Muntu uli abwami ansi ano bwakulekelela bantu zibi, lino waambila oyo uuyuminide mubili kuti, Buka, bweza bulo bwako, uye kuŋanda yako. 7Mpawo wakabuka, wakaya kwakwe. 8Lino makamu naakabona obo akayoowa, akalumba Leza iwakapede bantu bwami buli boobu.

Jesu mbwaakaita Matayo

(Marko 2:13-22; Luka 5:27-38)

9 # Mk 2:13-17; Lk 5:27-32 Lino Jesu naakazwa oko wakabona muntu ulikede kucitelelo, izina lyakwe ngu-Matayo, nkabela wakamwaambila kuti, Unditobele. Lino wakabuka, wakamutobela.

10 # Lk 15:1-2 Lino naakasendeme muŋanda, kwakasika basimutelo abasizibi banjibanji, bakasendama antoomwe a-Jesu abasikwiiya bakwe. 11Nkabela ba-Farisi nibakabona obo bakaambila basikwiiya bakwe kuti, Ino nkaambonzi mufundisi wanu ulalya abasimutelo abasizibi. 12Amvwe boobu wakati, Teensi baponi bayanda musiliki pe, pele balwazi. 13#Mt 12:7; Hos 6:6; 1 Sam 15:22; 18:11Kamuya, mukaiye ncikaamba kapango aka kati, Ncinjanda nduse, teensi cipaizyo pe, nkaambo teensi baluleme mbenzidide kwiita, pele basizibi.

14 # Mk 2:18-22; Lk 5:33-38 # Lk 18:12 Lino kwakasika kulinguwe basikwiiya ba-Johane, bakati, Ino nkaambonzi tulaliimya kulya kanjikanji, iswe aba-Farisi, pele basikwiiya bako tabaliimyi kulya? 15#Joh 3:29Nkabela Jesu wakabaambila kuti, Sa beenzinyina simusa balakonzya kulila, simusa naacili abo? Azoosika mazuba nibazoonyangwa simusa, elyo bazooliimya kulya. 16#Joh 1:17Taakwe muntu uumamya cimamo cacisani cipya acikobela cikulukulu, nkaambo cisinsyo caco cilazakazya cikobela, nkabela cilakomena cimanga. 17Alimwi tabatuntili waini mupya munkomo inkulukulu, nkaambo inkomo zilabbosoka, elyo waini ulanyonyauka, azyalo inkomo zilafwa. Balatuntila waini mupya munkomo impya, lino zyoonse zilalondolwa.

Jesu mbwaakabusya musimbi, akuponya mwanakazi uuciswa bulwazi bwabulowa

(Marko 5:22-43; Luka 8:41-56)

18 # Mk 5:22-43; Lk 8:41-56 Lino naakacili kubaambila obo, kwakasika mwami umwi, wakamufugamina, wakati, Mwanaangu musimbi wafwa lino lino, nekubaboobo uboole, ukamwaampe ajanza lyako, elyo ulapona. 19Lino Jesu wakanyampuka, wakamutobela, abasikwiiya bakwe. 20Nkabela umwi mwanakazi iwakali kuciswa bulwazi bwakuzwa bulowa myaaka iili ikumi aibili wakeza musule lyakwe, wakaampa bwaya bwacikobela cakwe. 21#Mt 14:36Nkaambo wakaamba mumoyo wakwe kuti, Ndaampa buyo cikobela cakwe, ndapona. 22Lino Jesu wakacebuka, wakamubona, wakaamba kuti, Mwanaangu, sekaseka, lusyomo lwako lwakufutula. Nkabela mwanakazi wakafutuka kuzwa kuciindi eco nciconya. 23Lino Jesu naakasika kuŋanda yamwami, wakabona basinyeele ankamu iiyoba, 24#Joh 11:11,14,25nkabela wakaamba kuti, Amundiinzizye, nkaambo kasimbi takafwide pe, kaloona buyo. Lino bakamuwelela. 25Pele inkamu niyakatandwa wakanjila, wakajatila kasimbi ijanza, wakakabusya. 26Lino impuwo yakaya mucisi eco coonse.

Jesu mbwaakaponya balwazi bobile, asyataambi

27Lino Jesu naakazwa oko, kwakamutobela boofu bobile, bakoongolola bati, Utufwide luzyalo, mwanaakwe Davida. 28Mpawo naakanjila muŋanda abo boofu bakamuswenenena, nkabela Jesu wakabaambila kuti, Sa mulazumina kuti ndakonzya kucita obo? Bakamwaambila bati, Ii, mwami. 29#Mt 8:13Lino wakaampa meso aabo, wati, Akube kulindinywe mbubonya mbuli lusyomo lwanu. 30#Mt 8:4Nkabela meso aabo akanamuna. Lino Jesu wakabanyetukila, wakati, Amubone, kutazi muntu naba omwe. 31Nekubaboobo bazwe buyo, bakatola impuwo yakwe mucisi eco coonse.

32Lino bacizwa buyo abo, kwakamuletelwa sidaimona syataambi, 33Nkabela daimona naakatandwa, syataambi wakaamba, Lino makamu akagamba, akati, Cintu cili boobo tacina kubonwa mu-Israyeli lyoonse. 34#Mt 10:25; 12:24; Mk 3:22; Lk 11:15Pele baFarisi bakaamba kuti, Mwami wabadaimona ngwabatandya badaimona.

Jesu mbwaakali kuya bukambauka muminzi

35 # Mt 4:23; Mk 1:39; Lk 4:44 Nkabela Jesu wakali kuya bweendeenda muminzi yoonse amutunzi toonse, kaya bwiisya muzikombelo zyabo akukambauka makani mabotu aa-Bwami, akuponya malwazi oonse amalengwa oonse. 36#My 27:17; 1 Bam 22:17; 2 Mak 18:16; Ezk 34:5; Mk 6:34; Mt 14:14Nkabela naakabona makamu aabantu wakabafwida luzyalo, nkaambo kakuti bakalikatede akumwaika mbuli imbelele zitakwe mweembezi. 37#Lk 10:2Lino waambila basikwiiya bakwe kuti, Kutebula kwavula, batebuzi bacea. 38Nkaambo kaako amukumbile mwami uuli amuunda kuti atume batebuzi kukutebula kwakwe.

Currently Selected:

Matayo 9: Ibbaib63

Highlight

Copy