Matayo 3

Johane Mubapatizi

(Marko 1:1-8; Luka 3:1-18; Johane 1:6-8,19-34)

1 # Mk 1:1-8; Lk 3:3-18 # Lk 1:13 Kuciindi eco kwakasika Johane Mubapatizi ulakambauka munkanda lyaku-Judaya, 2#Mt 4:17; Mk 1:15wakati, Amweempwe, nkaambo kakuti Bwami bwakujulu buliswenede. 3#Is 40:3; Joh 1:23Nguwenya wakaambwa kuli-Isaya musinsimi kuti,

Ijwi lyasikoompolola munkanda, liti,

Amubambe mugwagwa wa-Jehova,

Amululamike inzila zyakwe.

4 # 2 Bam 1:8 Nkabela oyo Johane kasamide masani aaboya bwankamele, alutambo lwacikanda mucibuno cakwe, alimwi zilyo zyakwe kazili cisozi abuci bwamusokwe. 5Lino kwakalundumuka nkwaakabede bamu-Jerusalemu abamuJudaya boonse abamucisi ceengelede caku-Jordano boonse, 6bakabapatizigwa anguwe mumulonga wa-Jordano akulyaambwida zibi zyabo. 7#Mt 12:34; 23:33; Matl 3:15Elyo naakabona ba-Farisi aba-Saduki banji baleza kukubapatizya kwakwe, wakabaambila kuti, Inywe nubana bacipile, nguni wakamunaanizya kuti mucije kubukali buza? 8Lino amuzyale micelo yakweempwa kwinikwini, 9#Joh 8:33,39; Rom 2:28,29; 4:12nkabela mutayeeyi kwaamba mumyoyo yanu kuti, Tulijisi Abrahamu mbuli taateesu, pe, nkaambo ndamwaambila kuti Leza ulakonzya kusandula mabwe aya, abe bana bakwe Abrahamu, 10#Mt 7:19; Lk 13:6-9; Joh 15:6Lino beula lilibikidwe kale kumiyanda yamisamu, nkabela misamu yoonse iitazyali micelo mibotu ilatemwa akusowelwa mumulilo. 11#Joh 1:15,26,27,33; Inc 1:5Ime ndamubapatizya mumaanzi, kuti mweempwe, pele oyo uuza musule lyangu uli anguzu kwiinda ndime, nkabela mebo nsyeelede nikuba kuyumuna indyasyo zyakwe. Oyu uzoomubapatizya mu-Muuya Uusalala amumulilo. 12#Mt 13:30Cipupuluzyo cakwe cili mujanza lyakwe, nkabela uzoosalazya lubuwa lwakwe, uzoobunganya maila aakwe mubutala, pele buungu uzoobutentela mumulilo uutazimiki.

Jesu mbwaakabapatizigwa

(Marko 1:9-11; Luka 3:21,22; Johane 1:29-34)

13 # Mk 1:9-11; Joh 1:31-34 Lino Jesu wakazwa ku-Galilaya, wakasika ku-Jordano kuli-Johane kuti abapatizigwe anguwe, 14Pele Johane wakasi mukasye, wakati, Ndime enjeelede kubapatizigwa kulinduwe, anukuti yebo weza kulindime? 15Nkabela Jesu wakavuwa kuti, Akube boobo, nkaambo kakuti mbuboobo mbutweelede kuzulizya ziluleme zyoonse. Mpawo wakamuzuminina 16Lino Jesu naakamana kubapatizigwa, mpawo wakazwa mumaanzi. Nkabela kujulu kwakajaluka, elyo wakabona Muuya wa-Leza, ulaseluka mbuli inziba, uleza kulinguwe. 17#Matl 22:2; Int 2:7; Is 42:1; Mt 12:18; 17:5; Mk 1:11; Lk 9:35Lino kwakazwa ijwi kujulu, lyakati, Ngooyu mwanaangu uuyandika ngunkondelwa.

Currently Selected:

Matayo 3: Ibbaib63

Highlight

Copy