Malaki 3
3
Mutumwa wakubamba inzila mbwayootumwa
1 #
Inc 7:38; Is 40:3; 63:9; Hag 2:7; Mt 11:10; Mk 1:2; Lk 1:76; 7:27 Amubone! Ndatuma mutumwa wangu, kuti andisololele aku ndibambi la inzila, Nkabela Mwami ngu muli kuyamdaula uyooyutukila kuntempele yakwe, ngonguwe mutumwa wacizuminano ngumuyandisya. Uyoosika ncobeni, mbwaamba Jehova wamakamu. 2#Is 4:4; Joel 2:11; Ciy 6:17Pele nguni uuti konzye buzuba bwakusika kwakwe? Nguni uuti ime nji naazooboneka? Nkaambo uli mbuli mulilo wamufuzi, ambuli insipa yasikusanzya, 3#Is 1:25; Zek 13:9; Rom 15:16; 1 Pet 2:5Uyookala mbuli mufuzi uusalazya insiliva. Uyoosalazya bana ba-Levi, akubabotya mbuli mbwiibotesegwa ingolida ansiliva, kuti balerele Jehova cituuzyo camubululami, 4Elyo cituuzyo ca-Juda aca-Jerusalemu ciyoobotezya Jehova, mbubonya mbuli mumazuba aakamana amumyaka yakalekale, 5#1 Tes 1:7; Jak 5:4,8,9Nkabela nzoomuswenenena kuzoobeteka. Nzoofwambaana kuba kamboni wakutapatila balozi, abasimamambe, abasikukonka cakubeja, abasikunyanzya zyakuvola zyabasimilimo, abasikupenzya banabutema abamucaala, abasikukataazya beenzu, aboonse batalemeki ndime, mbwaamba Jehova wamakamu. 6#My 23:19; Rom 11:29; 1 Sam 15:29; Malo 3:22Nkaambo ndime Jehova, nsisanduki pe, aboobo nywebo nubana ba-Jakobo tamunyonyooki.
Bantu mbubamubbida Leza
7 #
Inc 7:51; Dt 30:1-4; Is 55:6,7; Zek 1:3 Kuzwa kumazuba aabasinsiku akusikila lino mwasia imbeta zyangu, teemwazibamba pe. Amuboole kulindime, lino ambebo nzooboola kulindinywe, mbwaamba Jehova wamakamu, Pele mwati, Tuboole buti? 8#Neh 13:10Sa ncibotu kuti muntu abbide Leza? Nkaambo inywe mulabba kulindime. Pele mwati, Twakubbida nzi? Mwandibbida zipanzi zyakumi azituuzyo. 9Mulitukidwe lutuko, nkaambo mwandibbida, oyu mukowa woonse. 10#Tus 3:9; 1 Mak 26:20; Matl 7:11; Lev 27:30; My 18:21-24; Dt 12:6; 14:22-29; Neh 13:12Amunjizye zipanzi zyakumi zyoonse muŋanda yaciyobwedo, mube zilyo muŋanda yangu, elyo amundisole obo, mbwaamba Jehova wamakamu. Munoobona kuti njoomujalwida zipulo zyakujulu akumutilila coolwe cakufwasuka loko, 11#Am 4:9Nkabela njoomutapatilila sikulyabantu, kuti atanyonyooni micelo yanyika, Misaansa yanu taikooyoosowa limbi micelo yayo mumuunda ciindi ceelede nicitana kusika, mbwaamba Jehova wamakamu, 12#Dan 8:9Elyo bantu bamisyobo yoonse bayooamba kuti muli acoolwe, nkaambo muyooba cisi ciyandwa, mbwaamba Jehova wamakamu.
13Majwi aanu andiyumina, mbwaamba Jehova. Pele mwati, Ino twakubisizya buti mukwaamba kwesu? 14#Job 21:14; Zef 1:12; Int 73:11-13Mwaamba kuti, Kumanina Leza milimo tacigwasyi pe. Twajana impindu nzi muku bamba imbeta zyakwe amukweenda mbuli basidilwe kubusyu bwa-Jehova wamakamu? 15#Int 73:12; 95:9Kuzwa sunu basikulisumpula mbombabo mbotuyeeya kuti bali acoolwe. Basizibi mbobajana coolwe, nkabela nibasunka Leza balaloboka buyo.
Ibbuku lyakwiibalusya lili kuli-Leza
16 #
Matl 22:12; 1 Bam 18:3,12; Int 33:18; 111:10; Job 28:28; Heb 3:13 Mpawo abo ibakali kuyoowa Jehova bakali kwaambaula umwi aumwi kumweenzinyina, nkabela Jehova wakaswiilila, wakamvwa, nkabela ibbuku lyakwiibalusya lyakalembwa kulinguwe nkaambo kabaabo ibakali kuyoowa Jehova akuyeeya izina lyakwe, 17Lino bayooba bangu, mbwaamba Jehova wamakamu, mubuzuba obo mbwenti bunge lubono luyandisi. Njoobafwida insoni mbubonya mbuli muntu mbwafwida mwanaakwe uumumanina milimo insoni. 18Elyo muyooboola kwaandaanya mululami asizibi, muntu uuyoowa Leza amuntu uutamuyoowi.
Currently Selected:
Malaki 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
