Luka 9

Basikwiiya mbobakatumwa

(Matayo 10:1-15; Marko 6:7-13)

1 # Mt 10:1,7,9-14; Mk 6:7-13 Elyo wakaita basikwiiya bakwe abali kumi abobile, wabapa nguzu abwami bwakugwisya badaimona boonse akuponya zilwazi. 2Wakaba tuma kuya bukambauka Bwami bwa-Leza, akuponya abaciswa. 3#Lk 10:4-11; Inc 13:51Nkabela wakabaambila kuti, Mutabwezi cintu calweendo, nuuba musako, niiba nkomo, nebuba bulilu, naaba mali, alimwi mutabi ezibaki zyobile. 4#Lk 10:5-7Kufumbwa ŋanda njomuti kanjile, mukakale mumonya omo mane mukainke, 5#Lk 10:11Abo abatamutambula, mwazwa kumunzi oyo, amukunkumune lusuko lwamatende enu, cibe ciluuzyo kulimbabo. 6Nkabela bakainka, baya bweenda muminzi yoonse, bali kukambauka Makani Mabotu akuponya bantu mumasena oonse.

Heroda a-Johane Mubapatizi

(Matayo 14:1-12; Marko 6:14-29; Luka 3:19-20)

7 # Mt 16:14; Mk 8:28; Lk 9:19 Eno mwami Heroda naakamvwa oonse aakacitwa, wakalikatazya aakwaamba kwabamwi abakati, Johane wabuka kubafu, 8abamwi baamba kuti, Eliya walibonya, bamwi bati, Musinsimi wakalekale wabuka. 9#Lk 23:8Eno Heroda wakati, Johane ndakamukosola mutwe, ino nguni oyu ngwemvwide makani aya? Nkabela wali kuyanda kumubona.

Jesu mbwaakasanina makamu makamu aabantu

(Matayo 14:13-21; Marko 6:30-44; Johane 6:1-14)

10 # Mt 14:13-21; Mk 6:30-44; Joh 6:1-13 Nobakaboola baapostolo bakamulungulwida zyoonse nzobakacita, Nkabela wakabatola wainka abo balike kumunzi uutegwa Betsaida, 11Elyo makamu makamu aabantu naakabona obo, bakamucilila, Wakabatambula, wabaambawida aa-Bwami bwa-Leza, wabaponya abali kubula kupona, 12Izuba nelyakatalika kubomba abali kumi abobile bakaboola kulinguwe bati, Bamwaisye bantu, bainke kuminzi iizingulukide, bakalale bajane zyakulya, nkaambo tuli musokwe, 13Pele wakabaambila kuti, Amubape nobeni, balye. Bakateeti, Tatujisi, pele mikamu yosanwe enswi zyobile, cita ambweni twiinke tukabaulile aba bantu boonse zyakulya, 14Nkaambo kwakali baalumi abati kamane myaanda iili makumi osanwe. Wakaambila basikwiiya bakwe kuti, Amubakazike zikamu zikamu zyamakumi osanwe, 15Nkabela bacita mbubonya, babakazika boonse, 16Elyo wakabweza mikamu yosanwe enswi zyobile, walanga kujulu walumba, wiikomona, wabatambika basikwiiya bakwe kuti baabile bantu, 17#2 Bam 4:44Bakalya bakuta boonse, alimwi kwakayolwa bufwefwelenga ubwakasyaala, kwakazyula zisuwo izili kumi muzibili.

Jesu mbwaakabuzya basikwiiya kuti, Ndimeni

(Matayo 16:13-28; Marko 8:27-33)

18 # Mt 16:13-28; Mk 8:27–9:1 Eno naakacili kukomba alike, basikwiiya bakali awe, nkabela wakababuzya wati, Ino bantu baamba kuti ndimeni? 19#Mt 14:1-2; Mk 6:14-15; Lk 9:7-8Bakamuvuwa kuti, Bati nduwe Johane Mubapatizi, pele bamwi bati, Ngu-Eliya, abamwi, kuti, Musinsimi wakalekale wabuka kulufu. 20#Joh 6:68-69Nkabela wakababuzya kuti, Ino nywebo muti ndimeni? Petro wakavuwa wati, Nduwe Kristo, Mwana a-Leza. 21Mpoonya awo wakabaambilisisya akubalailila kuti bataambili muntu naba omwe obo. 22#Lk 9:44; 18:32,33Wati, Mwana a-Muntu uleelede kupenga zinjizinji, akutakatwa bapati abapaizi basimutwe abalembi, akajayigwe, akabuke kubuzuba bwatatu. 23#Mt 10:38; Lk 14:27Nkabela wakaambila boonse kuti, Anooli muntu uuyanda kuza musule lyangu, alilube, alitwike ciingano cakwe mazuba amazuba, anditobele. 24#Mt 10:39; Lk 17:33; Joh 12:25Nkaambo umwi umwi uuyanda kuyobola buumi bwakwe uyoobusweekelwa, kwalo uusweekelwa buumi bwakwe nkaambo kangu nguuyoobuyobola, 25Ino muntu uyoojananzi, kuti wavuba nyika yoonse, pele walisowa mwini, nekuba kusoogwa? 26#Mt 10:33Nkaambo umwi umwi uundyuusa mebo amakani aangu, awalo Mwana a-Muntu uyoomuusa, aakuboola mubulemu bwakwe abwa-Wisi abwabaangelo bakwe abasalala, 27Ncobeni ndamwaambila kuti, Mpobali bamwi abaimvwi awa, abatakooyoomvwa lufu mane babone Bwami bwa-Leza.

Jesu mbwaakasanduka acilundu

(Matayo 17:1-13; Marko 9:2-13)

28 # 2 Pet 1:17-18; Mt 17:1-9; Mk 9:2-9 Munsi lyakukambauka oku naati kamane mazuba aali musanu mwaatatu, Jesu wakatola Petro a-Johane a-Jakobo, wainka abo kucilundu kuyookomba. 29Naakacili kukomba, ciwa cabusyu bwakwe cakasanduka, ezyakusama zyakwe zyakatuba akunyengema. 30Nkabela kwakali kwaambaula awe baalumi bobile, bakali Musa a-Eliya, 31#Lk 9:22abakaboneka abulemu, bakaamba aakufwa kwakwe nkweelede kuzyulizya ku-Jerusalemu. 32#2 Pet 1:16-18; Joh 1:14Eno Petro ambaakali abo bakafwide Lonzi, nobakasinsimuka babona bulemu bwakwe, abaalumi abo bobile mbaali kwiimvwi abo. 33Nkokuya nobakainka, Petro wakaambila Jesu kuti, O mwami, ncibotu katucikede ano, tuyake zilao zyotatwe, cimwi cibe cako, cimwi cibe ca-Musa, cimwi cibe ca-Eliya. Pele taali kucizi ncaamba. 34Naacili kwaamba obo kwakasika ikumbi, lyabavumba, bakayoowa nobakanjila mukumbi. 35#Is 42:1; Mt 3:17; 12:18; Mk 1:11; Lk 3:22Elyo lyakazwa ijwi mukumbi lyati, Oyu ngomwanaangu ngwenkondwa, amukaswiilile nguwe. 36Ijwi nolyakamana kwaamba, Jesu wakajanika uli alike. Nkabela bakaumuna, tabaambili muntu mazuba ayo ezintu nzobakabona.

Jesu mbwaakaponya mwana uwakanjilwa daimona

(Matayo 7:14-23; Marko 9:14-29)

37 # Mt 17:14-23; Mk 9:14-32 Nobwakaca, nobakaseluka kuzwa acilundu, bantu banjibanji bakamucinga. 38Eno mwaalumi umwi waamakamu makamu wakoompolola wati, Mufundisi, ndakukomba, langa mwanaangu mulombe nkaambo mbwabede alike. 39Kuli muuya uumujata, inga ndilyonya ulakwiila, nkabela ulamuyuminizya akumuzwisya jovu, ulamuleka anguzu mane inga wandoozapaula. 40Ndakakumbila basikwiiya bako kuti bamugwisye, pele bakakakilwa. 41Jesu wakavuwa wati, Akaka, nywebo nobasunu nomutasyomi, ino ciindi cilamfu cili buti ncenga njookala anywebo akumubosezya moyo? Mulete kuno mwanaako. 42#Lk 7:15Naakacili kuza, daimona wamukankatila ansi, wamuyuminizya. Mpoonya Jesu wakatapatila muuya uusofweede, wakaponya kalombe, wakabweedezya kuliwisi. 43Nkabela bakaankamana boonse anguzu mpati zya-Leza. Boonse nobakacili kuyoowede azyoonse nzyaali kucita Jesu, wakaambila basikwiiya bakwe, 44#Lk 9:22wati, Majwi aya anjilisye mumatwi aanu, nkaambo Mwana a-Muntu uyooabwa mumaanza aabantu. 45#Lk 18:34; Mk 9:32Anu tabakamvwide kabotu nkani eyi, yakasiswa kulimbabo kuti batiizibi, nkabela bakayoowa kumubuzya mbwiibede nkani eyi.

Nguni mupati mubwami bwa-Leza?

(Matayo 18:1-5; Marko 9:33-37)

46 # Lk 22:24 # Mt 18:1-5; Mk 9:33-40 Eno kwakaba kukazyanya akati kabo kuti na nguni mupati kulimbabo? 47Jesu naakabona kuyeeya kwamyoyo yabo, wakabweza mwana, wamubika kumbali lyakwe. 48#Mt 10:40; Lk 10:16; Joh 13:20Nkabela wakabaambila kuti, Uutambula mwana oyu muzina lyangu watambula ndime, alimwi uunditambula watambula uwakandituma, nkaambo muniini akati kanu nyoonse ngomupati.

Uucita ciluleme takasigwa

(Marko 9:38-40)

49Elyo Johane wakati kulinguwe, O mwami, twakabona muntu uugwisya badaimona muzina lyako, twakamukasya, nkaambo tatweendi awe. 50#Lk 11:23; Flp 1:18Jesu wakabaambila kuti, Mutamukasyi nkaambo uutamulwanyi wamwiiminina.

Ba-Samariya mbobakakaka Jesu

51 # Mk 10:32; Joh 7:1 Eno nocakaba afwaafwi ciindi ncaakeelede kutambulwa kujulu, wakalanzya busyu bwakwe kuya ku-Jerusalemu, 52#Joh 4:4wakatuma batumwa kumbele. Nkabela bakainka banjila mumunzi waba-Samariya kuti bamululamikile. 53#Joh 4:9Pele tabakamutambwide, nkaambo busyu bwakwe bwakalanzizye ku-Jerusalemu, 54#2 Bam 1:9-16Basikwiiya bakwe, Jakobo a-Johane, nobakabona obo bakati, O mwami, sena uyanda kuti tulailile mulilo useluke kujulu ubatente, mbubonya mbwaakacita Eliya? 55Anu wakabacebukila, wabatapatila wati, Tamuzi muuya wanu mbuubede. 56Nkabela bakainka kumunzi umwi.

Jesu mbweelede kucililwa

(Matayo 8:18-22)

57 # Mt 8:19-22 Nobakali kuya bweenda munzila, umwi muntu wakamwaambila kuti, O mwami, ndiyookucilila koonse nkoya. 58Jesu wakamuvuwa wati, Bamwaaba balijisi malyango, abayuni bamujulu bali eziteente, kwalo Mwana a-Muntu taakwe mpaoneka mutwe wakwe, 59Nkabela wakati kuluumwi, Ndicilila, Walo wakati, O mwami, ndileka sansi nkazike taata. 60Jesu wakamuvuwa kuti, Leka bafu bazike bafu babo beni, koya yebo ukambauke Bwami bwa-Leza. 61#1 Bam 19:20Umwi awalo wakati, O mwami, ndizookucilila, kwalo sansi undileke nkabalaye abali kumunzi. 62Pele Jesu wakati kulinguwe, Taakwe muntu uwakajata jamba ejanza lyakwe akucebukila munsi, uuelede Bwami bwa-Leza.

Currently Selected:

Luka 9: Ibbaib63

Highlight

Copy