Popular Bible Verses from Luka 9

Share

Nkabela wakaambila boonse kuti, Anooli muntu uuyanda kuza musule lyangu, alilube, alitwike ciingano cakwe mazuba amazuba, anditobele.

Nkaambo umwi umwi uuyanda kuyobola buumi bwakwe uyoobusweekelwa, kwalo uusweekelwa buumi bwakwe nkaambo kangu nguuyoobuyobola

Pele Jesu wakati kulinguwe, Taakwe muntu uwakajata jamba ejanza lyakwe akucebukila munsi, uuelede Bwami bwa-Leza.

Ino muntu uyoojananzi, kuti wavuba nyika yoonse, pele walisowa mwini, nekuba kusoogwa?

Nkaambo umwi umwi uundyuusa mebo amakani aangu, awalo Mwana a-Muntu uyoomuusa, aakuboola mubulemu bwakwe abwa-Wisi abwabaangelo bakwe abasalala

Jesu wakamuvuwa wati, Bamwaaba balijisi malyango, abayuni bamujulu bali eziteente, kwalo Mwana a-Muntu taakwe mpaoneka mutwe wakwe

Nkabela wakabaambila kuti, Uutambula mwana oyu muzina lyangu watambula ndime, alimwi uunditambula watambula uwakandituma, nkaambo muniini akati kanu nyoonse ngomupati.