Luka 20

Jesu mbwaakabuzigwa abwami bwakwe

(Matayo 21:23-27; Marko 11:27-33)

1 # Mt 21:23-27; Mk 11:27-33 Bumwi buzuba naakali kwiisya bantu muntempele akukambauka Makani Mabotu, kwakamusikila bapaizi basimutwe abalembi antoo mwe abapati, 2bamubuzya kuti, Twaambile, ino mbwaminzi mbocitya zintu ezi? Ino nguni uwakakupa bwami obu? 3Jesu wakabavuwa wateeti, Amebo ndamubuzya cintu comwe, mundyaambile. 4Lubapatizyo lwaJohane sena lwakazwa kujulu na kubantu? 5Elyo bakabuzyanya lwabo beni bateeti, Na twati lwakazwa kujulu ulati, Ino nkaambonzi ncomwatakamusyoma? 6Pele na twati, Lwakazwa kubantu, bantu boonse balatufusa mabwe, nkaambo balasyoma kuti Johane wali musinsimi. 7Nkabela bakamuvuwa kuti, Tatuluzi pe, nkolwakazwida. 8Jesu wakabaambila kuti, Amebo nsikoomwaambila bwami mbwencitya zintu ezi.

Cikozyano cabasimuunda

(Matayo 21:33-46; Marko 12:1-12)

9 # Mt 21:33-46; Mk 12:1-12 # Is 5:1 Elyo wakatalika kubaambila cikozyano eci cakuti, Umwi muntu wakacita muunda wamusaansa, wuusia mumaanza aabalimi, wakainka kucisi cimwi ciindi cilamfu. 10#2 Mak 36:15,16Nocakasika ciindi camicelo wakatuma muzike wakwe kubalimi kuti bakamupe micelo yamumuunda, kwalo balimi bakamuuma, bamupilusya buyo. 11Alimwi wakatuma muzike umbi, awalo bakamuuma, bamunyansya, bamupilusya aminwe buyo. 12Alimwi wakatuma watatu, walo bamuyasa, bamugwisizya anze. 13Elyo mukamwini muunda wakati, Ino nkacite buti? Ndiyootuma mwanaangu uuyandwa, ambweni bayoomulemeka baakumubona. 14Kwalo balimi nobakamubona, bakavwiya bati, Ngooyu mulyezina, atumujaye, lukono lube lwesu. 15Ndilyonya bakamugwisizya anze amuunda, bamujaya. Ino mukamwini muunda uzoobacita buti? 16Uzooboola abajaye balimi abo, ape bambi muunda wakwe, Nkabela nobakamvwa obo, bakaamba kuti, Pe, kutabi boobo. 17#Int 118:22Pele wakabalanga wati, Ino kutinzi oku ukwakalembwa kuti,

Ibbwe ndobakasowa bayaki,

Ndilyonya ndelicitwa mutwe wacooko?

18 # Is 8:14 Umwi umwi uuwida abbwe elyo ulatyokauka, pele umwi umwi uuzoowidwa ndilyo, lizoomupupulula mbuli bungu.

Makani aamutelo

(Matayo 22:15-22; Marko 12:13-17)

19 # Lk 19:48 Eno balembi abapaizi bapati bakali kuyanda kumujata kuciindi eco, kwalo bakayoowa bantu, nkaambo bakalizi kuti waamba mbabo muliceeci cikozyano. 20#Mt 22:15-22; Mk 12:13-17#Lk 11:54Elyo bakamulindila, batuma balangi abalibejezya kuti baliluleme, kuti bakamujate kukwaamba kwakwe, nkokuya bakamwaabe kubwami akunguzu zyamweendelezi. 21Balo bakamubuzya bati, Mufundisi, tulizi kuti ulaamba akwiisya cakululama, tolangilili ciimo camuntu, pele ulatwiisya nzila ya-Leza cakusinizya. 22Sena kuliluleme kupa Kaisara mutelo na pe? 23Pele wakaziba lucengo lwabo, wakabaambila kuti, Ino mundicengelanzi? 24Amunditondezye sheleni. Ino lijisi cikozyano cani, abulembo mbubwani? Baamba kuti, Nzizya-Kaisara, 25Elyo wakabaambila kuti, Mbubo, amupe Kaisara zintu zya-Kaisara, akuli-Leza zintu zya-Leza. 26Nkabela bakakakilwa kujata nkani eyo kumbele lyabantu, bakayoowa kukuvuwa kwakwe, baumuna buyo.

Ba-Saduki ahubuka kwabafu

(Matayo 22:23-33; Marko 12:18-27)

27 # Mt 22:23-33,46; Mk 12:18-27,34 # Inc 23:8 Elyo bakasika bamwi ba-Saduki, abo abakazya kuti takuwo kubuka kwabafu, bamubuzya bati, 28#Dt 25:5,6Mufundisi, Musa wakatulembela kuti, Na muntu wafwa, uujisi mukaintu, pele tajisi bana, mwanaakwabo uleelede kumukwata oyo mukamufu, akazyalile mupati wakwe bana. 29Mbombubo obo kwakali baalumi bosanwe mubabili, mutaanzi wakakwata mukaintu, wafwa tajisi mwana, 30uwabili wakamukwata oyo mukamufu, awalo wafwa tasii mwana, 31awalo watatu wakamukwata, mane boonse bosanwe mubabili, mbubonya bakafwa, tabasii bana. 32Munsi lyabo boonse awalo mukaintu wakafwa. 33Ino kukubuka uyooba mukani? Nkaambo boonse bosanwe mubabili bakali kumukwete. 34Jesu wakabavuwa wati kulimbabo, Bana bacisi ecino balakwata, balakwasigwa, 35pele abo abaambwa kuti baliceelede cisi eco, akukubuka kulufu, tabakwati, tabakwasigwa pe. 36#1 Joh 3:1,2Nkaambo tabacikafwi limbi, bayooba mbuli baangelo, mbobakali bana babubuke bayooba bana ba-Leza. 37#Kul 3:2,6Pele kuti bafu balabusigwa, awalo Musa wakaakutondezya mwaakalembela makani aacivuna, awo naakali kwaamba Jehova kuti, ngu-Leza wa-Abrahamu, Leza wa-Izaka, Leza wa-lakobo. 38#Rom 14:8Leza tali Leza wabafu, pele ngwabaumi, nkaambo boonse balapona kulinguwe. 39Elyo balembi bamwi bakamwaambila kuti, Mufu-ndi si, waamba kabotu. 40Nkaambo tabakacili kukonzya kumubuzya nkani niiba yomwe.

Kristo Mwana a-Davida

(Matayo 22:41-46; Marko 12:35-37)

41 # Mt 22:41-45; Mk 12:35-37 Elyo wakababuzya wati, Ino baamba buti kuti Kristo ngomwana aDavida? 42#Int 110:1; Joh 7:42Nkaambo Davida mwini ulaamba mubbuku lyenyimbo kuti,

Jehova wakaambila Mwami wangu,

Kala kujanza lyangu lyalulyo,

43Mane nkacite basinkondonyoko

Cikabe citandabalilo camatende aako,

44Aboobo Davida lwakwe mwini wakamwaamba kuti Mwami, ino waba buti Mwanaakwe?

Jesu mbwaakacenjezya basikwiiya kubalembi

(Matayo 23:1-7; Marko 12:38-40)

45 # Mt 23:1,5-7,14; Mk 12:38-40 # Lk 11:43 Elyo nobakali kuswiilila bantu boonse, wakaambila basikwiiya bakwe kuti, 46Amucenjele kubalembi, abayanda kweendeenda balisamide zyakusama zilamfu, abayanda kwaanzigwa muzisambalilo, akukala azyuuno zyabulemu muzikombelo azyuuno zipati mumapobwe, 47abatola maanda aabakaintu bamukabafu, abalikombya-kombya ciindi cilamfu kuupaupa buyo, aba bazoojana mulandu kwiindilila.

Currently Selected:

Luka 20: Ibbaib63

Highlight

Copy