Luka 15

Cikozyano cambelele iyakasweeka

(Matayo 18:12-14)

1 # Lk 5:29-30 Eno basimutelo abacitazibi boonse bakaswena afwaafwi kulinguwe kumuswiilila. 2#Lk 5:30Nkabela aba-Farisi abalembi bakatongauka bati, Oyu muntu utambula bacitazibi, ulalya abalo.

3Elyo wakabaambila cikozyano eci cakuti, 4#Mt 18:12-14#Ezk 34:11,16; Lk 19:10Ino nguuli muntu akati kanu uujisi mbelele izili mwaanda, nkabela kusweeke yomwe kulinzizyo, sena inga takoozisia musokwe izili makumi aali musanu mwaane amusanu muzine, ainke kuyoolangaula iyakasweeka mane akiibone? 5Aakwiibona, uliibika aziwezo zyakwe akubotelwa. 6Asika kumunzi ulaita beenzinyina ambobayakide abo, ateeti kulimbabo, Amubotelwe amebo nkaambo ndiibona mbelele yangu iyali kusweekede. 7Ndamwaambila kuti, Mbubonya obo akujulu kunooli kubotelwa nkaambo kaumwi mucitazibi uwasanduka, kwiinda baluleme abali makumi aali musanu mwaane amusanu mubane abatabuli kusanduka.

Cikozyano camali aakasweeka

8Mukaintu nguuli uujisi masheleni aali kumi, asweekelwa lyomwe, sena takootomeka lambe, akukulisye moonse muŋanda, akalangaulisye, mane alibone? 9Alibona ulaita beenzinyina ambobayakide abo ateeti, Kamubotelwa amebo nkaambo ndaliiana isheleni lyangu ilyali kusweekede, 10#Ef 3:10Mbubonya obo ndamwaambila kuti nkokuli kubotelwa kubaangelo ba-Leza nkaambo kaumwi mucitazibi uwasanduka.

Cikozyano camwana mutaka

11Alimwi wakaamba kuti, Muntu umwi wakali kujisi bana bobile balombe. 12Umuniini wakaambila wisi kuti, Taata, ndipa caabilo calubono iceelede ndime. Nkabela wakabaabanya lubono lwakwe. 13#Tus 29:3Naakamana mazuba mace buyo, oyo muniini wakabungika zyakwe zyoonse, wainka kucisi icili kule, oko wakaakusowaila lubono lwakwe kubutaka, 14Naakamana kulusowa loonse, kwakaba nzala mpati mucisi eco, walo wakatalika kupenga. 15Nkabela wakainka walinjizya kumuntu wamucisi eco, oyo wakamutuma mumakula aakwe kuti aembele ngulube. 16#Tus 23:31Wakali kuyanda kukusya ida lyakwe amakweleele aalya ngulube, kwalo taakwe muntu uwakamupa, 17Pele naakayeeya wakati, Taata ulijisi bazike banjibanji abakuta nsima mane baliileka, pele mebo kuno ndafwa nzala. 18#Jer 3:12,13; Int 51:4Nandoobuka, ndiinke kulitaata, ndikamwaambile kuti, Taata, ndabisizya ijulu ayebo, 19nsiceelede kutegwa mwanaako, undicite mbuli umwi wabazike bako, 20Ndilyonya wakanyamuka wainka kuliwisi, kwalo naakacili kulekule wisi wakamubona, wamufwida luzyalo, watijaana, wawida kunsingo yakwe, wamumyontesya. 21Mpoonya mwana wakamwaambila kuti, Taata, ndabisizya ijulu ayebo, nsiceelede kutegwa mwanaako. 22Pele wisi wakaambila bazike bakwe kuti, Kamuleta cisamo cibotu, mumusamike, mumubike nweenwe kujanza lyakwe, mumusamike endyasyo kumatende aakwe, 23alimwi mulete moombe uuneneede, mumujaye, tulye tusekelele. 24#Ef 2:1,5; 5:14Nkaambo oyu mwanaangu wakali mufu, sunu wapona, wakalisweekede, sunu wabonwa. Ndilyonya bakatalika kusekelela. 25Eno mwanaakwe mupati wakali mumuunda, Naakasika afwaafwi aŋanda, wakamvwa kwiimba akuzyana. 26Wakaita muzike umwi, wamubuzya kuti, Ino ninzi eco? 27Wakamuvuwa kuti, Mwanaakwanu wasika, uso wajaya moombe uuneneede, mbwaamubona ucipona, 28#Lk 15:2Pele wakanyema, wakaka kunjila, elyo wisi wakazwa wamukombelezya, 29Kwalo mwana wakavuwa, waambila wisi kuti, Bona, imyaaka yavula njendakubelekela, nsinasotokede nuuba omwe mulao wako, nekubaboobo tonandipede nekaba kapongo kuti tusekelele abeenzuma. 30Pele oyu mwanaako uwakamwaya lubono lwako antoomwe abasibaalumi, mbwaasika buyo wamujayila moombe uuneneede, 31#Joh 17:10Wakati kulinguwe Mwanaangu, tuli ayebo ciindi coonse, zyoonse zyangu nzizyako. 32Twaleelede kusekelela akubotelwa, nkaambo oyu mwanikaako wakalifwide, sunu wapona, wakalisweekede, sunu wabonwa.

Currently Selected:

Luka 15: Ibbaib63

Highlight

Copy