Luka 13

Jesu mbwaakaambilwa kuti ba-Galilaya bakajayigwa

1 # Inc 5:37 Eno kuliceeco ciindi kwakasika bamwi abakamwaambila makani aabaGalilaya, abulowa bwabo Pilato mbwaakabuvwelanya azipaizyo zyabo, 2#Joh 9:2Jesu wakabavuwa wati, Sena muyeeya kuti ba-Galilaya abo bakali babi kwiinda ba-Galilaya boonse, mbobakafwa obo? 3#Int 7:12Pe, ndamwaambila kuti mwatasanduka muyoofwidilila anywebo nyoonse, 4Abaabo abakali kumi amusanu mubatatu abakawidwa ŋanda ndamfu yaku-Siloamu, iyakabajaya, sena muyeeya kuti abo bakali basimilandu kwiinda bantu boonse abakayakide ku-Jerusalemu? 5Pe, ndamwaambila kuti mwatasanduka muyoofwidilila anywebo nyoonse.

Cikosyano camukuyu uutazyali micelo

6 # Lk 3:9; Mt 3:10; 21:19; Mk 11:13 Elyo wakaamba cikozyano eci cakuti, Muntu umwi wakali kujisi mukuyu uwakasimpidwe mumuunda wakwe, wakaboola kuzoolanga micelo kulinguwo, pele takiijene, 7Nkabela wakaambila mulimi kuti, Bona, myaaka yotatwe nkensika kuzoolanga micelo kulooyu mukuyu, pele nsiijani, uteme, usinkilanzi insi? 8#2 Pet 3:9,15Wakamuvuwa kuti, O mwami, uleke amwaaka uno, nkuulimine nkuubike bufumba, 9Kuti wazyala micelo ncibotu, kwalo kuti pe, uyooutema.

Jesu mbwaakaponya mukaintu uuvungene

10Eno wakali kwiisya mucikombelo mu-Sabata. 11Nkabela kwakali mukaintu uwali kujisi muuya uumulengaula myaaka iili kumi amusanu mwiitatu, walivungene, tali kukonzya koololoka akaniini pe. 12Jesu naakamubona wakamwiita, wamwaambila kuti, Bama, waangululwa kucilwazi cako, 13#Mk 7:32Wakabika maanza alinguwe, woololoka ndilyonya, walumbaizya Leza. 14#Kul 20:9-10; Dt 5:13-14Anu mweendelezi wacikombelo wakanyema nkaambo Jesu wamuponya ku-Sabata, wakavuwa waambila bantu kuti, Kuli mazuba aali musanu mubumwi aakubeleka, amuboole mumazuba ayo, muponyegwe, mutabooli kubuzuba bwa-Sabata. 15#Lk 14:5Mwami wakamuvuwa kuti, Nywebo nobasikuupaupa ameso, sena umwi umwi wanu tasungununi ŋombe yakwe niiba mbongolo yakwe ku-Sabata, akwiitola kuyoonywa maanzi? 16#Lk 19:9; Inc 3:25Ayooyu mukaintu, mwana a-Abrahamu, uwakaangwa Saatani eyi myaaka iili kumi amusanu mwiitatu, sena takweelede kuti aangululwe kuliceeco caanzyo kubuzuba bwa-Sabata? 17Naakaamba obo, bakausa boonse mbaakali kukazyanya abo, amakamu makamu aabantu bakabotelwa emilimo yoonse mibotu njaakacita.

Cikozyano camusitada ecamimena

(Matayo 13:31-33; Marko 4:30-32)

18 # Mt 13:31-33; Mk 4:30-32 Nkaako wakateeti, Bwami bwa-Leza bulikozyene enzi? Ndiyoobukozyanya anzi ino? 19#Dan 4:12,21; Ezk 17:23; 31:6Bulikozyene enseke yamusitada njaakabweza muntu, wiisyanga mumuunda wakwe. Nkabela yakamena, lyaba samu ipati, abayuni bamujulu bali kukala kumitabi yalyo.

20Alimwi wakateeti, Bwami bwa-Leza ndiyoobukozyanya anzi? 21Bulikozyene amimena njaakabweza mukaintu, wiivwela muzyeelelo zyotatwe zyabusu, mane bwafufumuka boonse.

Mulyango uusyanikide

(Matayo 7:13,14)

22Wakali kuya bweenda akwiisya muminzi amutunzi, kuya ku-Jerusalemu. 23Nkabela umwi wakamubuzya kuti, O mwami, abafutwidwe sena mbace buyo? Elyo wakabaambila kuti, 24#Mt 7:13,14; Flp 3:12; 1 Tim 6:12Kamusolekesya kunjila kumulyango uusyanikide, nkaambo ndamwaambila kuti banjibanji bayooyanda kunjila, pele bayookakilwa, 25#Mt 25:11,12Mukamwini ŋanda abuka kale ajala mulyango, anywebo mutalika kwiima anze akukonkomona kucitendele muteeti, Omwami, tujulile, amuvuwe kuti, Nsimuzi nkomwazwida, 26#Mt 7:22,23mpoonya mpoonya nomuyootalika kwaamba kuti, Twakalya akunywa kubusyu bwako, ayebo wakaiisya munzila zyesu, 27#Int 6:8pele walo uyooti, Ndamwaambila, nsimuzi nkomuzwa, amuzwe kulindime nywebo nyoonse nomucitazibi. 28#Mt 8:11-12#Mt 22:13; 25:30Kuyooba kulila akuluma ntwino, awo mwabona Abrahamu, a-Izaka, a-Jakobo, abasinsimi boonse, balikede mu-Bwami bwa-Leza, pele nywebo mwasowelwa buyo anze. 29#Mal 1:11; Is 49:12; 59:19; Int 107:3; Lk 14:15Bayoozwa kujwe akumbo, akunyika akumabizi, kuzookala mu-Bwami bwa-Leza, 30#Mt 19:30; 20:16; Mk 10:31Amumvwe, nkobali bamunsi abayooba bataanzi, alimwi nkobali bataanzi abayooba bamunsi.

Mbobakacenjezya Jesu aa-Heroda, Jesu mbwaakalilila Jerusalemu

(Matayo 23:37-39)

31Kuciindi eco kwakasika ba-Farisi bamwi abakamwaambila kuti, Konyamuka, uzwe okuno, nkaambo Heroda uyanda kukujaya: 32Jesu wakabavuwa kuti, Kamuya mukaambile mwaaba oyo kuti, Bona, sunu ejunza ndicigwisya badaimona akuponya bantu, ezyona ndiyoozyulizya mulimo wangu. 33Nokubaboobo ndileelede kuya mulweendo lwangu sunu ejunza ezyona, nkaambo takuzuminiki kuti musinsimi afwide kumbi, pele ku-Jerusalemu. 34#Mt 23:37-39Akaka Jerusalemu, Jerusalemu, yebo oojaya basinsimi akubawaala mabwe abatumwa kulinduwe, Kanjikanji ndali kuyanda kubungika antoomwe bana bako, mbuli nkuku mbwiifukatila twana twayo mumababa aayo, pele mwakaka, 35#Int 69:25; 118:26; Jer 12:7; 22:5Amubone, iŋanda yanu mwiilekelelwa kiimwaikide. Eno ndamwaambila kuti, Tamukooyoondibona limbi, mane mukaambe kuti, Uli acoolwe uuboola muzina lya-Jehova.

Currently Selected:

Luka 13: Ibbaib63

Highlight

Copy