Levitiko 12
12
Alutumbu mbweelede kulisalazya
1Lino Jehova wakaambila Musa kuti, 2#Lk 2:22; Lev 15:19Ambila bana ba-Israyeli kuti, Mwanakazi uutumbuka mwana mulombe ulasofwaala mazuba aali musanu aabili, mbubonya mbuli mazuba aakutondwa kwakwe. 3#Matl 17:12; Lk 1:59; 2:21; Joh 7:22,23Lino mubuzuba bwamusanu aatatu, ulapalulwa kunyama yalulomo lwakwe. 4Lino mwanakazi unoocibede mubulowa bwakulisalazya kwakwe mazuba aali makumi otatwe aatatu, Atagumi cintu cisalala nanka kunjila mucikombelo mane mazuba aakulisalazya kwakwe azulile. 5Pele na wazyala mwana musimbi ulasofwaala insondo zyobile, mbubonya mbuli kuciindi cakutondwa kwakwe, alimwi unoocibede mubulowa bwakulisalazya kwakwe mazuba aali makumi aali musanu alimwi amusanu abumwi.
6 #
Lk 2:22; Is 53:7; Lk 24:26,27; Joh 1:29,36; 1 Pet 1:18,19; Ciy 5:6-8; 7:14 Amane mazuba aakulisalazya kwakwe, naaba aamwana mulombe naaba aamwana musimbi alete kabelele kajisi mwaka omwe kabe cipaizyo cakutenta, amwana wanziba nanka inkwilimba, ibe cipaizyo cazibi. Azilete kumulyango watente lyambunganino, ape mupaizi, 7#Heb 9:9-28; 10:1-12azipaizye kubusyu bwa-Jehova akumanya milandu yakwe, kuti asalazigwe kubulowa bwakwe, Mbuubede mulao wamwanakazi uutumbuka mwana mulombe na mwana musimbi. 8#Lk 2:24; Lev 5:7; 2 Kor 8:9; Lev 4:26Pele na wacetaala aboobo takonzyi kujana kabelele, alete inziba zyobile nanka bana bobile bankwilimba, umwi abe wacipaizyo cakutenta aumwi wacipaizyo cazibi. Lino mupaizi amanye milandu yakwe, asalale.
Currently Selected:
Levitiko 12: Ibbaib63
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.