Levitiko 11
11
Banyama baligwa abanyama batondwa
1Lino Jehova wakaambila Musa a-Aroni kuti, 2#Dt 14:4; Ezk 4:4; Dan 1:8; Mt 15:11; Inc 10:12; Rom 14:2; 1 Kor 8:8; Kol 2:16; Heb 9:10Amwaambile bana ba-Israyeli kuti, Mbaaba banyama mbemukonzya kulya akati kaba nyama boonse baansi. 3Kufumbwa munyama uujisi insumba zyaanzeene zyaandeene, alimwi ulaselula, nguuligwa. 4Nekubaboobo akati kabaabo bajisi insumba zyaanzeene zyaandeene abaabo baselula, aba tabaligwi. Inkamele ilaselula, nekubaboobo tiijisi insumba zyaanzeene, aboobo ilatondwa. 5Alakwe cibi la ulaselula, nekubaboobo tajisi insumba zyaanzeene, aboobo ulatondwa. 6#1 Tim 4:4,5Alakwe sulwe ulaselula, nekubaboobo tajisi insumba zyaanzeene, aboobo ulatondwa. 7#Is 65:4; 66:3,17Ayalo ingulube, ilijisi insumba zyaanzeene zyaandeene, pele tiiseluli, aboobo ilatondwa. 8#Is 52:11; Mt 15:11,20; Mk 7:2,15,18; Inc 10:14,15; 15:29; Rom 14:14,17; 1 Kor 8:8; Kol 2:16,21; Heb 9:10Abo boonse, nyama yabo tiiligwi, amitunta yabo tiigumwi. Boonse balatondwa.
9 #
Dt 14:9,10 Alimwi nzeezi ziligwa akati kazintu zikala mumaanzi: kufumbwa cintu cijisi tuyambyo amaamba mumaanzi aalwizi nanka mumaanzi aamumilonga, nzeziligwa. 10#Lev 7:18; Dt 14:3Pele zintu zyamumaanzi aalwizi azyamumilonga zitajisi tuyambyo amaamba, tuuka toonse twamumaanzi, azintu zimwi zipona mumaanzi, zilarondwa kulindinywe. 11Muleelede kuzisesemwa, Nyama yazyo tiiligwi, amitunta yazyo ilatondwa. 12Kufumbwa cintu camumaanzi citajisi tuyambyo amaamba cilatondwa.
13 #
Dt 14:12; Rom 14:1-23 Alimwi bayuni batondwa kulindinywe, bataligwi, mbaaba: cuungwe, ikubi, syaatongo, 14bimbe, balubanze bamisyobo misyobo, 15cikwangala abeenzinyina, 16impowani, sikolyo, nyengenge, basikakonze bamisyobo misyobo, 17tumba, sikabaandwa, siyaswimumba, 18#Int 102:6; Zef 2:14kakukubwi, sifundwe, sikwaze, 19itongola, inkolekole abeenzinyina, nangayabayuni, asimudima.
20Abalo bauka bauluka bali amyeendo yone, balatondwa. 21Nekubaboobo akati kabauka bauluka bali amyeendo yone, cilazumizigwa kulya abo bali amyeendo yakusotosya atala lyamaulu aabo. 22#Mt 3:4; Mk 1:6; Bab 6:5; Jer 46:23; Nah 3:17Cilazumizigwa kulya cisozi amusyobo waco, inswabanda amusyobo wayo, idiingo amusyobo walyo, acamusokonya amusyobo wakwe. 23Pele bamwi bauka bauluka bajisi myeendo yone, boonse balatondwa.
24Mbombabo bakonzya kusofwaazya, Kufumbwa muntu uuguma mitunta yabo ulasofwaala mane likabbile izuba. 25#Lev 14:8; 15:5; My 19:10,22; 31:24Amuntu uuyumuna cituli camitunta yabo uleelede kusanzya zyakusama zyakwe akusofwaala mane likabbile izuba. 26Alimwi kufumbwa munyama uuanzaanya insumba, nekubaboobo tazyaandeene loko, alimwi taseluli, ulatondwa; kufumbwa muntu uumuguma ulasofwaala. 27Abanyama boonse bajisi myeendo yane beenda azituta zyabo balatondwa; kufumbwa uuguma mitunta yabo ulasofwaala mane izuba likabbile. 28Amuntu uuyumuna mitunta yabo uleelede kusanzya zyakusama zyakwe akusofwaala mane izuba likabbile. Boonse balatondwa.
29 #
Heb 9:10; Is 66:17 Abaaba bayavula ansi balatondwa: silukobo, imbeba, tombela abeenzinyina, 30#Int 58:8; Is 2:20syazibumbu, imbulumusanza, palamabwe, sibbulu, anamuntambwe. 31Abo boonse balatondwa akati kabayavula ansi; kufumbwa uubaguma kabafwide ulasofwaala mane likabbile izuba. 32#Lev 15:12Azintu zyoonse ziwidwa mbabo kabafwide zilasofwaala, neciba cibelesyo cazisamu neciba cikobela neliba itobo neliba isaka na cibelesyo cimwi acimwi cibelesegwa milimo, Cileelede kubikwa mumaanzi, cisofwaale mane likubbile izuba; elyo cilasalala. 33#Lev 6:28Alimwi na umwi wabo wawida mucilongo cabulongo, zyoonse zili mukati zilasofwaala, acilongo cileelede kupwayigwa. 34Na mozili zilyo ziligwa, na zyatilwa maanzi, zilasofwaala; azyalo zyakunywa zili buti na buti zili mucilongo zilasofwaala. 35Acintu ne ciba cimwi ciwidwa mitunta yabo cilasofwaala, neciba ciko neciba ciyokelo. Cileelede kupwayigwa. Balisofweede boonse, balatondwa. 36Pele kasensa nanka cikala cili amaanzi, cilasalala. Pele kufumbwa cintu ciguma mitunta yabo cilasofwaala. 37Imbuto yakubyala, na yawidwa mitunta yabo, ilasalala; 38nekubaboobo na imbuto yabikilwa maanzi, lino yawidwa mitunta yabo, ilasofwaala.
39Lino munyama uuligwa, na wafwa, kufumbwa muntu uuguma mutunta wakwe ulasofwaala mane likabbile izuba. 40#Lev 17:5; 22:8; Dt 14:21; Ezk 4:14; 44:31Ayooyo uulya mutunta wakwe uleelede kusanzya zyakusama zyakwe akusofwaala mane likabbile izuba. Amuntu uuyumuna mutunta wakwe uleelede kusanzya zyakusama zyakwe akusofwaala mane likabbile izuba.
41Kufumbwa cinyama ciyavula ansi cilatondwa, taciligwi pe. 42Kufumbwa cikumba abula, akufumbwa ceenda amyeendo yone, akufumbwa cijisi myeendo minji, azinyama zyoonse ziyavula-yavula ansi, taziligwi pe; zilatondwa. 43#Lev 20:25Mutalisanduli kuba zisesemyo kuzinyama zyoonse ziyavula ansi, mutalisofwaazyi anzizyo pe, kuti mutasofwaali. 44#Lev 19:2; 1 Pet 1:15,16; Is 51:15; 43:3; Kul 19:6; 1 Tes 4:7Nkaambo ndime Jehova Leza wanu; amulisalazye, musalale, nkaambo ndasalala mebo, Mutalisofwaazyi acinyama neciba cimwi ciyavula ansi. 45#Matl 35:1,2; Kul 6:7; 20:2; Rom 14:17; 12:1; 1 Kor 6:11Nkaambo ndime Jehova iwakamupozya mucisi ca-Egepita, kuti mbe Leza wanu, Amusalale, nkaambo ndasalala mebo.
46Mbuubede mulao wabanyama abayuni azinyama zyoonse zikala mumaanzi azinyama zyoonse ziyavula ansi, 47#Lev 10:10; Jer 15:19; Ezk 22:26; 44:23kuti mupambukanye zisofweede azisalala, banyama baligwa abanyama bataligwi.
Currently Selected:
Levitiko 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
