Juda 1

Injuzyo

1 # Mt 13:55; Mk 6:3 Ndime Juda, muzike wa-Jesu Kristo, kumwi ndi munyina Jakobo. Ndamujuzya nyoonse nomwakaitwa akuyandwa muli-Leza Taateesu akuyo-bwedwa Jesu Kristo. 2#2 Pet 1:2Amuvuzizigwe luzyalo aluumuno aluyando.

Ulabakombelezya kuti bakakatile kulusyomo lwabo. Makani aabaiyi babeji

3 # 1 Tim 1:18; 2 Pet 1:5; 2:21 Nomuyandwa, ndakalisungweede kumulembela makani aalufutuko ndotufutusigwa toonse, nywebo aswebo, nkabela lino moyo wangu wandisinikizya kumulembela akumukombelezya kuti mulwanine lusyomo ndobakapegwa basalali lomwe lwalyoonse. 4#Gal 2:4; 2 Pet 2:1Nkaambo kulisobelede akati kanu bamwi bantu, abakalembeledwe nkuko kale. Mbasikasampusampu, balasandula luzyalo lwa-Leza wesu kuba zisusi zibi, alimwi balatama Jesu Kristo, ngonguwe alike Simalelo wesu, Mwami wesu.

5 # Kul 12:51; My 14:29-30,35; 1 Kor 10:5; 2 Pet 1:12 Lino ndayanda kumwiibalusya, nomwaazi kale oonse, kuti Jehova wakafutula cisi kuzwa kunyika ya-Egepita, pele kusule wakabanyonyoona batazumina. 6#Matl 6:1; Joh 8:44; 2 Pet 2:4,9Abalo baangelo abatakajatisya bwami bwabo bwakusaanguna pele bakabusia busena bwabo, wakabaanga azyaanzyo zitamani mumudima uusia mbi, kuti bakalindile mane kusikila kulubeteko lwabuzuba bupati. 7#Matl 19:1-24; 2 Pet 2:6,19Mbubonya obo Sodoma a-Gomora aminzi imwi iyakabambene ayo mbuyakabisya kukucita bwaamu akuba azisusi ziteelede, nkabela yakabikwa kuti ibe citondezyo cakuciswa kwaluumo lwamulilo uutamani. 8#2 Pet 2:10Nokubaboobo aba basikulota-lota bacibisya mbubonya, balalisofwaazya kumibili, balaubaansya bwami akusampaula malemu.

9 # Dt 34:6; Dan 10:13,21; 12:1; Zek 3:2; Ciy 21:7; 2 Pet 2:11 Anu Mikayelo angelo simutwe, naakali kuzumanana a-Saatani akukazyanya mutunta wa-Musa, wakayoowa kumubeteka cakusampaula, wakaamba buyo kuti, Jehova akutapatile. 10#2 Pet 2:12Pele abo balasampaula makani ngobatezi, alimwi makani ngobamvwa buyo mbuli banyama batajisi miyeeyo, balalibisya kulingao. 11#Matl 4:3-8; My 22:1-35; 16:1-35; 31:16; 2 Pet 2:15Maawe kulimbabo, nkaambo kakuti baleenda munzila yaKaini, balitakaanya kumulandu wa-Balamu cakuyandaula lubono, nkabela bafwa mukukazyanya kwa-Kore.

12 # Ezk 34:8; 2 Pet 2:13 Aba bantu mbobali mabwe aayubide mumapobwe aanu, balapobola anywe cakutayoowa akulilela beni buyo. Makumbi buyo aatakwe maanzi aapepuluka amuuwo. Masamu aakunkumukide aatazyali micelo, aafwide kobile, aakazyulwa miyanda. 13#Is 57:20; 2 Pet 2:17Mayuwe aalwizi aafutu Luka, alakovola bweeme bwao. Ntunyenyeezi tuendeenda buyo, twakayobwedwa mudinla uusia mbi uutamani.

14 # Matl 5:18,21-24; Dt 33:2; Zek 14:5 Mbabonya aba mbaakasinsimina Enoki, kuli-Adamu. Wakati,

wamusanu mubabili kuzwa

Amubone! Jehova waboola abasalali bakwe abali myaanda yamyaanda

15 # Mt 25:31 Weza kukubeteka boonse,

Akubapa mulandu boonse basikasampusampu, Nkaambo kamasampu oonse ngobakasampaula

Amajwi mayumu oonse ngobakaamba aanguwe basizibi basikasampusampu.

16 # 2 Pet 2:10,18 Aba bantu mbasyolausi, mbatongausi, abeenzegwa azisusi zyabo zibi. Milimo yabo ilaamba majwi aakulitunkula, nkabela balalangilila ziwa zyabantu kuti balivubye.

17 # 2 Pet 3:2 Pele nywebo nomuyandwa, amuyeeye majwi aakaambwa kalekale kumilomo yabaapostolo ba-Mwami Jesu Kristo, 18#2 Pet 3:3,5; 1 Tim 4:1nkaambo bakamwaambila kuti, kucindi camamanino kuyooba basabuzi, abeenzegwa muzisusi zyabo zyakasampusampu. 19#1 Kor 2:14Mbambabo bacita mipampo mipampo. Mbasinyama buyo, tabajisi Muuya, 20#Kol 2:7; 1 Tes 5:11Pele nywebo nomuyandwa, amuliyake mulusyomo lwanu lusalala cakwiinda, akukomba mu-Muuya Uusalala, 21akuliyobola muluyando lwa-Leza cakulangilila lweetelelo lwa-Mwami wesu Jesu Kristo lutola kubuumi butamani. 22Lino bamwi amubeetelele nokuba kuciindi ncobakazyanya anywe, 23#Am 4:11; Zek 3:2; Jak 5:19; Ciy 3:4bamwi mubafutule cakubakwempa kumulilo, abamwi amubeetelele cakuyoowa acakusesemwa niiba ingubo iisofweede amubili.

Kulumba kwakumamanino

24 # 1 Tes 5:23; Flp 1:10; 2 Pet 3:14 Lino kuliyooyo uukonzya kumukwabilila kukulebwa, akumusitikizya cakukondwa kubusyu bwabulemu bwakwe, kamutakwe akampenda, 25#Rom 16:27; 1 Tim 1:17; 2 Pet 3:18kuliLeza uuli alike, Mufutuli wesu, nkaambo ka-Jesu Kristo Mwami wesu, akube bulemu abupati anguzu abwami, kuzwa kumatalikilo, asunu, alyoonse mane kukabe kutamani. Ameni.

Currently Selected:

Juda 1: Ibbaib63

Highlight

Copy