Jobu 33
33
Elihu ulatondezya Jobu Leza mbwaiisya bantu muzilengaano amumapenzi
1 #
Job 13:6
Ino, Jobu, koswiilila majwi aangu,
Uteelele zyoonse nzeŋamba.
2Mpendili amulomo kaubbanunide,
Ngooyu mulaka kawaamba.
3 #
1 Tes 1:3
Moyo wangu ulaamba cabululami acakasimpe,
Majwi aangu alisinikizizye.
4 #
Matl 2:7
Muuya wa-Leza wakandilenga;
Singuzuzyoonse ulandiyoyela buumi.
5Kuti kokonzya, undivuwe;
Konyamuka undikazye.
6 #
Job 9:32
Yebo andime tuleelene kunembo lya-Leza;
Toonse twakabumbwa abulongo.
7 #
Job 13:21
Toelede kuyoosegwa akaambo kakundiyoowa; Nsikakujati cabuyumu.
8Mbuli mbowakaamba mukumvwa kwangu,
Nkaambo ndakakuteelela ulaamba kuti,
9 #
Job 10:7
Ndilisalalide, nsijisi cibi,
Nsijisi kampenda, nsijisi mulandu,
10 #
Job 13:24
Pele ngu-Leza uundizwanganya
Akundijata mbuli sinkondonyina,
11 #
Job 13:27
Ulandaangilila maulu aangu,
Ulalangisisya koonse nkunjenda,
12 #
Muk 7:20
Kolanga, tolulami muliceeci;
Leza mupati kwiinda muntu.
13 #
Is 45:9
Ulwaninanzi anguwe koti,
Tainguli kulila kwangu?
14Nkaambo Leza ulaanzila yomwe buyo yakwaamba?
Ii, aimwi kuti kotaboni,
15 #
Job 4:13
Muziloto amuzilengaano zyamumasiku
Bantu nebalyoonena ŋonzi amalo,
16Ulabayubunwida zintu,
Akubayoosya azilayo,
17Kuti bafutatikwe kuzwa kububi
Alimwi kuti baleke kulisumpula;
18Kuti myuuya yabo ifutulwe kulufu,
Alimwi kuti buumi bwabo butayi buyo kulunyonyooko,
19 #
Dt 8:5; Int 94:12,13 Alimwi muntu ulatundululwa akuciswa abulo;
Kulwana kuli muzifuwa zyakwe takumani.
20Mane muuya wakwe ukake zyakulya,
Azinono zimusesemye;
21 #
Int 102:5
Limwi nyama yakwe yakotela,
Azifuwa zyakwe zilibonye,
22Buumi bwakwe kabuyanda kufwa,
Kabuli afwaafwi abaangelo balufu.
23 #
2 Mak 36:15,16; Mal 2:7 Pele angelo umwi inga uleza kumugwasya,
Umwi wacuulu cabaangelo,
Akumutondezya ncaelede;
24 #
Rom 3:24
Elyo muluse ulamwaambilila
Kuti avunwe kulufu,
Nkaambo wamujanina cinunuzyo.
25Lino inyama yakwe ilaba impya kwiinda yamwana;
Inguzu zyabulombe bwakwe bulajoka;
26 #
2 Bam 20:2-5; Int 6:1-9 Ulapaila kuli-Leza akujana luzyalo lwakwe;
Ulakomba cakukondwa kubusyu bwakwe;
Ulaambila bantu Leza mbwaamufutula.
27Ulabaimbila bamwi kuti,
Ndakabisya, ndakalubizya,
Pele taakanditundululi;
28Wakanununa muuya wangu kulufu,
Wazumizya buumi bwangu kuti bubone mumuni alimwi,
29Ino Leza ulacitulula eci,
Tobile, totatwe kubantu,
30 #
Int 40:2; Zek 9:11 Kuti abajokolole kuzwa kulufu Kuzuba lyabuumi.
31Eno, Jobu, koteelelesya! Umuna, ndaambe!
32 #
2 Kor 1:24
Kuti kojisi aakuvuwa, koamba,
Nkaambo ndayanda kuti ukazuminizigwe.
33 #
Int 34:11
Pele, kakutali boobo, undiswiilile.
Koumuna, ndikwiisye busongo.
Currently Selected:
Jobu 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
