Jobu 32
32
Elihu ulatongookela Jobu abazwalani bakwe botatwe
1Majwi aa-Jobu amana elyo abo bantu botatwe bakamuleka nkaambo wakaliyeeya kuti muntu uululeme. 2#Matl 22:21Lino Elihu mwana a-Barakeli waku-Buzi wamukowa wa-Ramu, wakamukalalila Jobu nkaambo wakalicita mubotu kwiinda Leza. 3Alimwi wakapya moyo kubazwalani bakwe botatwe nkaambo teebakamuvuwa kabotu nekuba kumubeteka Jobu mbuli uutaluleme. 4Mbobakali bapati kulinguwe, Elihu wakali kulindila majwi aabo; 5pele Elihu naakabona kuti bantu abo botatwe bakabula kuvuwa, wakapya moyo. 6Elyo Elihu mwana wa-Barakeli waku-Buzi wakaamba wati,
Ime ndimuniini, anukuti inywe muli bapati,
Elyo ndakalikasya kuti ndimwaambile ncenjeeya.
7 #
Job 8:8,9 Ndakayeeya kuti majwi ndubazu lwabuumi bulamfu,
Abulaililo mbwamyaka minji,
8 #
1 Bam 3:9
Pele ngumuuya wa-Leza uuli mumuntu
Uumucita kuti amvwisisisye;
9 #
1 Kor 1:21
Takuli lyoonse kuti bapati mbasongo,
Nebaba bacembeede mbazibisisya,
10Aboobo ndaamba, Kamundiswiilila;
Njoowamba miyeeyo yangu.
11Ndakalindila kwaamba kwanu,
Ndakateelela kuti njane busongo bwanu;
12 #
Tus 18:13
Ndakamuswiililisya mbomwakaindulula twaambo twanu,
Pele taakwe akati kanu wakazunda Jobu,
Na kwiingula kumajwi aakwe.
13 #
Jer 9:23
Mutaambi kuti, Twakomwa busongo bwakwe,
Ngu-Leza, teensi muntu, uuelede kumuzunda.
14Tanakwaambaula ambebo;
Mebo nsizoomuvuwi amajwi aanu.
15Abo bazyingwa, baleka kwaamba;
Nkaambo babula majwi.
16Pele, sa kuleelede kuti ndicuumune,
Nkaambo baliimvwi kabaumwine?
17Pe, andime ndilapa lubazu lwangu,
Ndilaamba ncindiyeeya.
18Nkaambo ndizwide zintu zyakwaamba,
Muuya wangu ulandigutaika kuti ŋambe.
19Muyeeyo uuli mbuli waini uubila mubbodela,
Ambuli bbodela liyanda kubbotoka akaambo kawaini uuli mulindilyo.
20Ndaambe kuti njoye,
Njalule milomo akwiingula.
21Nsisalululi muntu nabani,
Akuupaika nsikuciti;
22 #
Inc 12:22,23 Nsikonzyi kuupaika; kuti kakutali boobo,
Mulengi inga ulandimaninizya kufwambaana.
Currently Selected:
Jobu 32: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
