Jobu 21
21
Jobu ulaamba ncaelede kutyompokelwa nkaambo mbabi bajana zyoolwe. Nekubaboobo baluleme ababi baleelene mulufu
1Elyo Jobu wakavuwa wati,
2Amuswiililisye kwaamba kwangu;
Muzooumuzigwa kuti kamuteelela.
3Amundizumizye kuti ndaambe,
Elyo ndamana, kamucinonga buyo.
4 #
1 Sam 1:16; Job 7:11,13; Int 22:1-3 Teensi muntu ngumbwentela,
Elyo nkaambonzi ndeelede kukazika moyo?
5Amulange! Amukankamane aceeci,
Mutulumane.
6Nendayeeya mebo ndaba acindebwe,
Ndilaba abunyele.
7 #
Job 12:6; Jer 12:1-3 Nkaambonzi babi nkobapona,
Akucembaala, akujana nguzu?
8Izyalani lyabo lilaimikwa mumeso aabo,
Balabona bana babo.
9Minzi yabo yavunwa kuzwa kukuyoowa;
Kalusu ka-Leza takabaumi.
10Bapoho babo balatanta cakutaimpa,
Ampwizi zyabo zilazyala akutasowa.
11Bana babo balaya mbuli butanga mumacelelo;
Balazyana kabakondwa;
12Balaimba kukalumbu akundandala;
Balasekelela kulwiimbo lwamusengele,
13Balakala mukuliiba
Akufwa muluumuno,
14Anu balaamba kuli-Leza kuti, Kozwa kulindiswe,
Tatukuyandi anzila zyako.
15Nimpindunzi kuti katunyonena Singuzuzyoonse?
Tujananzi notukomba kulinguwe?
16Sa taluli mumaanza aabo lukupuko lwabo?
(Pele babi mbobayeeya ncintu cili kulamfu andime).
17Ulabazimya tongaye bantu babi?
Balawidwa tongaye lunyonyooko?
Ulabacisya tongaye mulunyemo lwakwe?
18Balaba lili mbuli bwizu muluuwo,
Abuungu mukambizi?
19Mulaamba kuti,
Leza ulabatundulula bana akaambo kaako.
Naabacita bantu beni, balimvwe lupubulo!
20Muntu mubi kabona mwini kusaalwa kwakwe;
Kanywa mwini lukalalo lwa-Singuzuzyoonse.
21Nkubotelwa kuli buti aciinga cakwe
Nibwamana buumi bwakwe?
22Sena nkwali uunga ulaiisya Leza luzibo?
Ayeeye kuti ulababeteka bali mujulu!
23Amulange, umwi ulafwa kacijisi nguzu,
Kaliibide akusangalilwa;
24Nkamelo zyakwe zilizwide,
Ulikupukide, ula pona kabotu.
25Umwi ulafwa katyokede moyo,
Katanalabide bubotu bwamubuumi.
26 #
Muk 9:2; Is 14:11 Boonse bobile baloona mukasuko
Akuvumbwa amvunyu.
27Ndilizi neemuyeeya,
Amiyungo njemundiyeeyela.
28Nkaambo mulaamba kuti, Ili kuli ŋanda yamwami,
Atente mobakali kukala babi?
29Amubuzye kai kulibasilweendo,
Muteelele ncebaamba:
30 #
Tus 16:4; Nah 1:2 Kuti muntu mubi ulavunwa kuzwa kumapenzi;
Kuti ulafutuka mubuzuba bwabukali bwa-Leza.
31Ngwani uumwaamba kubusyu bwakwe?
Ngwani uumusubula akaambo kamilimo yakwe?
32Pe, ulayumunwa kucuumbwe,
Abantu balalanga kabanda kakwe;
33 #
Job 3:17,18 Uloona muluumuno akati kamakuti,
Mbuli baabo banji bakamusolweda Abaabo bayakumutobela.
34Mwanditambikilanzi njumuzyo zyanu zyabuyo,
Anu kulaya koonse kwanu nkubeja buyo?
Currently Selected:
Jobu 21: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
