Jobu 20
20
Makani aa-Zofari kaamba babi mbobacitilwa
1Lino Zofari mu-Naama wakaamba alimwi wati,
2Eci cilaputausya miyeeyo yangu;
Intulu zili mulindime zyabusigwa,
3Sena ndeelede kuswiilila lululamiko lunduusya nsoni
Nondiingula yebo muluwo buyo lutamvwiki?
4Sena tonateelede kuti
Kuzwa kukubikilwa kwamuntu munyika,
5 #
Int 37:35
Kuti luzundo lwamucitazibi ndusyoonto,
Kuti kukondwa kwabatamvwi Leza nkuniini?
6Nekuba watanta kujulu
Amutwe wakwe waba mumayoba,
7Uyoomaninina limwi mbuli mazyu aakwe,
Abaabo bakamuzi bayoobuzya kuti, Uli kuli?
8Uyoozimingana mbuli ciloto akutajanwa limbi;
Uyooyuba mbuli cimpangaliko camasiku.
9Liso lyakali kumubona talikamuboni alimwi;
Abusena bwakwe tabukamulangi tubili,
10Bana bakwe bayookumbila kubacete,
Amaanza aabo ayoopilusya buvubi bwakwe.
11Zifuwa zyakwe kazicijisi nguzu zyabwana
Zilaya kukabanda.
12Nekuba kuti cibi cilalwela mukanwa kakwe,
Nekuba wacaalabanya munsi alulimi,
13Katayandi kucimena,
Kacibamba kucilakwila cakwe,
14 #
Jer 4:18
Cakulya cilaba buyoka bwankombola
Mucifu cakwe.
15 #
Mt 27:3,4 Ulamena buvubi akubuluka alimwi;
Ngu-Leza uumulusya mbubo,
16Ulalumwa andimi zyabacisasa
Akunyonka buyoka bwankombola.
17 #
Jer 17:6
Takakonzyi kulanga tufolo twamabisi,
Atulonga twabuci amaumba.
18Takooyootangala mubuvubi mbwajanide;
Impindu zyakusambala kwakwe tazikamuleteli lukondo.
19Nkaambo wakainga akuleka bacete,
Akufumpa maanda ngatakayaka.
20 #
Muk 5:13
Alimwi akaambo kakuti munyono wakwe teewakamana,
Takooyoofusya cimwi buyo canzyayanda.
21Taakwe cisyeede mukunyonokela kwakwe,
Aboobo lukupuko lwakwe talukookala.
22Nekuba kuti ulivubide uyoocetaala;
Uyakupenzegwa abaabo boonse bapengede.
23 #
My 11:33; Int 78:30,31 Ida lyakwe lyeelede kukuta,
Aboobo Leza ulamuwisizya nsima yalukalalo lwakwe.
24 #
Is 24:18; Jer 48:43; Am 5:19 Inga ulacija masumo aalubulo,
Pele ualayaswa amuvwi wamukuba,
25 #
Job 18:11; Int 73:19 Ulazwa kumusana, insonga yawo kiiyaside moyo;
Injoosyo zyalufu zilamuzinguluka.
26 #
Int 21:9
Mudima ulalindila ziyandisi zyakwe;
Mulilo uutadukulwi amuntu uyoomulya,
Kautenta zyoonse zili muŋanda yakwe,
27 #
Is 26:21
Ijulu lilayubununa mulandu wakwe;
Inyika ilabuka kuti imwaambanye.
28Iŋanda yakwe iizwide iyookukulwa akunyonyooka
Mubuzuba bwalunyemo lwa-Leza.
29 #
Dt 29:20,28; Job 18:21; 27:13; Int 11:5,6; Mt 24:51 Eci Leza ncapa muntu uucita cibi;
Nciceeci cipegwa a-Leza kuli uutaluleme.
Currently Selected:
Jobu 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
