Johane 8

Mwanakazi mbwaakajatwa mubumambi

1 # Lk 21:37 Pele Jesu wakainka kukalundu ka-Elaioni. 2Nkabela cifumofumo wakabweeda kuyoonjila alimwi muntempele, abalo bantu boonse bakeza kulinguwe, mpoonya wakakala, wakabaiisya. 3Eno balembi aba-Farisi bakamuletela mwanakazi uwakajatwa mubumambi, bakamukazika akati, 4bamwaambila kuti, Omufundisi, oyu mwanakazi wakajatwa naakacili kucita bumambi, 5#Lev 20:10; Dt 22:22-24; Mt 22:15Eno Musa mumulao wakalailila kuti abali bobuya bafuswe mabwe, ino yebo uamba buti aalinguwe? 6Bali kwaamba obo kumusola kuti bamupe mulandu, Pele Jesu wakakotama, wakalemba ansi amunwe wakwe, 7#Dt 17:7Eno nobakacili kumubuzya tunjitunji, wakakotamuka, wakabaambila kuti, Oyo uutakwe cibi akati kanu, asaangune kumufusa bbwe. 8Alimwi wakakotama, wakalemba ansi amunwe wakwe. 9#Mt 22:22; Rom 2:22Abalo nobakamvwa majwi ayo, bakazwa omwe omwe, kutalika kumupati mane kumusyaalizi, awalo Jesu wakasiigwa alike, amwanakazi, mpoonya mpaali kubede akati, 10Eno Jesu wakakotamuka, wamwaambila kuti, Omwanakazi, bali kuli abakakubejelezya? Sena takukwe muntu uwakupa mulandu? 11#Joh 5:14Wakati, takukwe muntu, O mwami. Jesu wakati, Amebo nsikupi mulandu, koya buyo, kutalika sunu utaciti cibi limbi.

Jesu mbwaakabweedela kulyaamba

12 # Mt 5:14; Joh 9:5; Is 49:6; Joh 1:5,9; 12:46 Alimwi Jesu wakabaambila kuti, Ndime mumuni wenyika, uundicilila takooyooenda mumudima, pele uyooba amumuni wabuumi. 13#Joh 5:31Nkaambo kaako ba-Farisi bakamwaambila kuti, Ulalilungulula omwini, bukamboni bwako tabusinizizye. 14#Joh 5:31Jesu wakavuwa, wakati kulimbabo, Nendililungulula ndemwini, kulungulula kwangu kulisinizizye, nkaambo ndilizi nkwenzwa ankwenia, pele nywebo tamukuzi nkwendakazwa ankwenia. 15#Joh 7:24; 12:47Nywebo mubeteka aciimo, mebo nsikwe muntu ngwembeteka. 16#Joh 8:29Pele nembeteka kubeteka kwangu kulisinizizye, nkaambo nsili endike, pele mpembede mebo ndili a-Taata uwakandituma. 17#Dt 17:6; 19:15Ii, alimwi kwakalembwa mumulao wanu kuti bukamboni bwabantu bobile bulisinizizye. 18#1 Joh 5:9Ndime endililungulula ndemwini, awalo Taata uwakandituma ulandilungulula. 19#Joh 14:7Nkaambo kaako bakamwaambila kuti, Ino Uso nguli? Jesu wakavuwa, Tamundizi mebo naba Taata, kuti nomwali kundizi, nomumuzi Taata awalo. 20#Joh 7:30; 13:1; Lk 22:53Aya majwi Jesu wakaambila muciyobwedo calubono, naakali kwiisya muntempele, eno takukwe muntu uwakamujata, nkaambo ciindi cakwe teecalinasika.

21 # Joh 7:34; 13:33 Alimwi wakabaambila kuti, Ndainka, eno, muyoondiyandaula, pele muyoofwa muzibi zyanu, alimwi oko nkwenja tamukonzya kuza nkuko. 22#Joh 7:35Nkaambo kaako ba-Juda bakati, Sena alijaye mwini, mbwaamba kuti, Nkwenja tamukonzya kuza nkuko? 23#Joh 3:31Wakabaambila kuti, Nywebo muli baansi, mebo ndili wakujulu, nywebo muli benyika ino, mebo nsili wenyika ino pe. 24Ncendakamwaambila kuti, Muyoofwa muzibi zyanu, nkaambo mwatazumina kuti ndime yooyo, muyoofwa muzibi zyanu. 25#Joh 8:14Nkaambo kaako bakamwaambila kuti, Nduweni yebo? Jesu wakabaambila kuti, Nguwenya oyo ngwendakamwaambila kuzwa kumatalikilo, 26#Joh 8:38; 12:49Ndilijisi makani manjimanji aakwaamba aakubeteka ndinywe, nokuboobo oyo uwakandituma ulisinizizye, ayo ngendakamvwa kulinguwe ngangao ngeŋa-mba munyika, 27Tabakamvwisizye kuti wali kwaamba Wisi. 28#Joh 3:14; 12:32Nkaambo kaako Jesu wakabaambila kuti, Mwaakwaanzika Mwana a-Muntu, nomuti kazibe kuti ndime yooyo, akwalo kuti nsilicitili cintu ndemwini, pele ndaamba aya mbuli mbwandiisya Taata, 29#Joh 8:16; Mt 27:46Eno oyo uwakandituma uli mulindime, tandisiide endike pe, nkaambo ndacita lyoonse zintu izimubotela. 30#Joh 7:31; 10:42; 12:11Naakali kwaamba aya, banjibanji bakamusyoma.

31Eno Jesu wakabaambila ba-Juda abo abakamusyoma kuti, Mwajatisya majwi aangu, ncobeni mwaba basikwiiya bangu, 32alimwi muyooziba bwini, abwalo bwini buyoomunununa. 33#Mt 3:9; Lk 3:8; Neh 9:36Bakamuvuwa kuti, Swebo tuli bana ba-Abrahamu, tatunavubidwe buzike kumuntu, uamba buti kuti muyoonununwa? 34#Rom 6:16,20; 1 Joh 3:8Jesu wakabavuwa, Ncobeni ndamwaambila kasimpe, Muntu woonse uucita cibi ngomuzike wacibi. 35#Gal 4:30Eno muzike takali munanda lyoonse, pele mwana nguukala lyoonse. 36#Rom 6:18,22Nkaambo kaako kuti Mwana wamunununa, ncobeni mulaba banunukide. 37Ndilizi kuti muli bana baAbrahamu, nokuboobo muyanda kundijaya, nkaambo ijwi lyangu talijisi bukalilo mulindinywe. 38Ndaamba zintu nzendakabona antoomwe a-Taata. Anywebo mulacita nzomwakamvwa kumauso. 39#Mt 3:9Bakamuvuwa kuti, Taateesu ngu-Abrahamu. Jesu wakabaambila wakati, Kuti nomwali bana ba-Abrahamu, nomwali kucita milimo njaakali kucita Abrahamu. 40Pele eno muyanda kundijaya, ndi muntu uumwaambila bwini, mbwendakamvwa kuli-Leza. Abrahamu takacitide bobuya pe. 41#Matl 3:15; Dt 23:2Nywebo mucita milimo yamauso. Bamwaambila kuti, Tatukazyalidwe mubwaamu, tulijisi Taata omwe, ngo-Leza. 42#1 Joh 5:1Jesu wakabaambila wakati, Kuti Leza naali uso, nomwali kundiyanda, nkaambo ndakazwa kuli-Leza. Nsikalizidide ndemwini, pele wakandituma. 43#Joh 12:39; Mt 12:34; Rom 8:7Ino ncinzi ncomutamvwi kwaamba kwangu? Nkaambo kakuti tamukonzya kumvwa ijwi lyangu, 44#1 Joh 3:8-10; Matl 3:4; 2 Pet 2:4Nywebo muzwa kuliuso Saatani, muyanda kucita iziyanda uso. Walo wali mujayi kuzwa kumatalikilo, alimwi takede mubwini, nkaambo takukwe bwini mulinguwe. Naamba cakubeja waamba zyakwe mwini, nkaambo nguubeja, ngowisi wababeja. 45#Lk 22:67Pele nkaambo ndyaamba bwini tamundisyomi. 46#2 Kor 5:21; 1 Pet 2:22Nguuli mulindinywe uti ndipe mulandu wazibi? Eno anooli ndyaamba bwini, i ncomutandisyomi? 47#Joh 18:37; 1 Joh 4:6Muntu woonse wa-Leza ulamvwa majwi aa-Leza, Ncomukakilwa kwaamvwa, nkaambo tamuli bana ba-Leza, 48#Joh 7:20; Mk 3:21Ba-Juda bakamuvuwa kuti, Sena tatwaambide kabotu kuti uli mu-Samariya, uli adaimona? 49Jesu wakavuwa kuti, Nsijisi daimona, pele ndilemya Taata, nywebo mulandyuubya. 50#Joh 5:41Pele nsiliyandawidi kulidumaizya, mpali omwe uuyandaula, uubeteka, 51#Joh 5:24; 6:40,47; 11:25Ncobeni ndamwaambila kasimpe, kuti muntu anooyobola ijwi lyangu, takooyoobona lufu, 52#Mk 9:1Nkabela ba-Juda bakamwaambila kuti, Eno twaziba kuti uli adaimona, Abrahamu wakafwa, abasinsimi, eno koamba kuti, Muntu anoobamba majwi aangu, takooyoofwa. 53#Joh 4:12Sena uli mupati kwiinda mufu taata Abrahamu, abafu basinsimi? Ino ulicitani yebo? 54Jesu wakavuwa wakati, Kuti ndanoolidumaizya ndemwini, bulemu bwangu mbwabuyo, ngu-Taata uundilemya, ngomuamba kuti, Ngo-Leza wesu. 55#Joh 7:28Tamunamuziba, pele mebo ndilimuzi; na ndaamba kuti, Nsimuzi, ndilabeja anga ndinywe, pele ndilimuzi, ndabamba majwi aakwe. 56Uso Abrahamu wakabotelwa kubona buzuba bwangu, wakabubona, wakakondwa. 57Nkaambo kaako ba-Juda bakamwaambila kuti, Ootanaba amyaaka iili makumi osanwe, sena wakamubona Abrahamu? 58Jesu wakabaambila kuti, Ncobeni ndamwaambila kasimpe, Abrahamu katanazyalwa mebo mpendi, 59#Joh 10:31Mpoonya bakabweza mabwe kuti bamufuse, pele Jesu wakalisisa, wakazwa muntempele.

Currently Selected:

Johane 8: Ibbaib63

Highlight

Copy