Johane 6

Jesu mbwaakasanina makamu mahamu aabantu

(Matayo 14:13-21; Marko 6:30-44; Luka 9:10-17)

1 # Mt 14:13-21; 15:32-39; Mk 6:32-44; 8:1-10; Lk 9:10-17 Munsi lyaaya Jesu wakainka kutala limwi lyalwizi lwa-Galilaya, (ndolwizi lwa-Tiberiya). 2Eno makamu makamu aabantu bakamucilila, nkaambo bakali kubona malele ayo ngaakacita kulibaabo abakali kuciswa. 3Mpoonya Jesu wakatanta atala adundu mpaakaakukala abasikwiiya bakwe. 4#Joh 2:13; 11:55; Lk 22:1Eno Pasika, ipobwe lyaba-Juda, lyakali afwaafwi. 5Nkaambo kaako Jesu naakalanga, wakabona bantu banjibanji baleza kulinguwe, wakaambila Filipo kuti, Nkukuli nkotuti kaule mikamu kuti balye aba? 6Naamba obo wali kumusola buyo, nkaambo walo mwini wali kuzi mbwati cite. 7Filipo wakamuvuwa kuti, Mikamu niiulwa mpondo zili musanu muzibili tiikoobazyulizya, kuti, umwi umwi atole kaniini buyo. 8Omwe wabasikwiiya bakwe uutegwa Andreya, mwanaakwabo Simoni Petro, wamwaambila kuti, 9#2 Bam 4:42,43Mpokali kalombe akajisi mikamu yosanwe yabbaale answi zyobile, ino alyalo mpaanzi kubantu banjibanji bali bobuya? 10Jesu wakati, Amukazike bantu ansi. Eno kwakali bwizu bunjibunji awo mpobakabede. Nkabela baalumi bakakala, kweelekwa kwabo kwali afwaafwi kuba makumi osanwe aamyaanda. 11Mpoonya Jesu wakabweza mikamu, naakamana kulumba, wakabaabanya abo bali kukede ansi, azyalo inswi mbubonya mbuli mbobali kuyanda. 12Nobakakuta wakabaambila basikwiiya bakwe kuti, Amubweze bufwefwelenga ubwasyaala, kuti kutasweeki cintu. 13Nkabela bakabubweza, bakazuzya zisuwo zili kumi muzibili zyabufwefwelenga bwamikamu yosanwe yabbaale, ubwakasyaala kulibaabo abakali kulya. 14#Dt 18:15Nkaambo kaako nobakabona malele ngaakacita bakati, Ncobeni oyu ngomusinsimi uuelede kusika ansi.

Jesu mbwaakeenda atala lyalwizi

(Matayo 14:22-34; Marko 6:45-52)

15 # Joh 18:36 Mpoonya Jesu, mbwaakaziba kuti bali kuyanda kumutola cakumusungilizya kuti abe Mwami wabo, wakabweeda alimwi kudundu alike.

16 # Mt 14:22-33; Mk 6:45-52 Eno nokwakasia, basikwiiya bakwe bakaselemuka kuya kulwizi, 17bakanjila mubwaato, bakazubuka lwizi akuya kutala lya-Kapemauma. Mpoonya kwakabasiila, awalo Jesu taalinasika kulimbabo. 18Eno lwizi lwali kuyuuntana, nkaambo kaluuwo lupati ulwali kuunga. 19Nobakakwasula bamaile botatwe na bone, bakabona Jesu uleenda atala lyalwizi, wakaswena afwaafwi abwaato, mpoonya bakayoowa, 20Pele walo wakabaambila kuti, Ndime, mutayoowi. 21Ncobakazumina kuti anjile mubwaato, ndilyonya bwaato bwakasika kunkomwe nkobakali kuya,

Jesu mbwaakaamba kuti, Ndime nsima ya-Buumi

22Nobwakaca, inkamu yabantu abakali kwiimvwi kutala limwi lyalwizi, bakabona kuti kwali kunyina bwaato bumbi, pele bomwe, akwalo kuti Jesu takanjilide abasikwiiya bakwe mulimbubo, pele kuti basikwiiya bakwe bakainka balike, 23#Joh 6:11(nokuboobo kwakasika maato amwi aazwa ku-Tiberiya afwaafwi ebbazu mpobakali kulida mukamu Mwami naakamana kulumba), 24elyo inkamu yabantu nobakabona kuti Jesu taliwo, nobaba basikwiiya bakwe, balo beni bakanjila mumaato, bakasika ku-Kapemauma kuyandaula Jesu. 25Nobakamujana kutala limwi lyalwizi, bakamwaambila kuti, Rabi, wakeza lili kuno? 26Jesu wakabavuwa wakati, Ncobeni ndamwaambila kasimpe, mulandiyandaula, takuli kuti mwakabona malele, pele nkaambo mwakalya mikamu, mwakakuta. 27#Joh 4:14; 5:36; Mt 16:12Mutabelekeli kulya ukubola, pele kulya ukukalilila mane kubuumi ubutamani, oko kulya nkwati mupe Mwana aMuntu, nkaambo ngonguwe ngwaakasinizya Wisi, Leza nguwenya. 28Bakamwaambila kuti, Tucite buti kuti tubeleke milimo ya-Leza? 29#1 Joh 3:23Jesu wakavuwa wakati, Ngooyu mulimo wa-Leza, kuti mumusyome oyo ngwaakatuma, 30#Joh 2:18; Mk 8:11Nkaambo kaako bakamwaambila kuti, Ino ncitondezyonzi ncocita kuti tucibone, tukusyome? Mulimonzi ngocita? 31#Kul 16:4,15; Int 78:24Bamataata bakalya Mana munkanda, mbuli mbokulembedwe. Wakabapa kulya ukuzwa kujulu kuti balye, 32#Joh 6:49Jesu wakabaambila kuti, Ncobeni ndamwaambila kasimpe, Tali Musa uwakamupa nsima iizwa kujulu, pele Taata nguumupa nsima iini iizwa kujulu. 33#Joh 6:51Nkaambo insima ya-Leza ngooyo uuzwa kujulu, uupa nyika buumi. 34Bakamwaambila kuti, O mwami, kotupa lyoonse nsima eyi. 35#Joh 4:14; 6:48; 7:37Jesu wakabaambila kuti, Ndime insima yabuumi, oyo uuza kulindime takooyoofwa nzala, awalo uundisyoma takooyoofwa limbi nyota. 36#Joh 6:26,29Pele ndakamwaambila kuti mwandibona ndime uno, nokuboobo tamusyomi. 37#Joh 17:6-8; Mt 11:28Boonse mbandipa Taata baleza kulindime, awalo uuza kulindime nsikoomutanda akaniini pe. 38#Joh 4:34; Mt 26:39Nkaambo ndaseluka kuzwa kujulu, takuli kucita ncenianda ndemwini, pele nkucita luyando lwayooyo uwakandituma. 39#Joh 10:28,29; 17:12Eno ndoolu luyando lwakwe uwakandituma, kuti entakasweekelwa naba omwe wabo boonse mbaakandipa, pele kuti nkababusye kubuzuba bwakumamanino. 40#Joh 5:29; 11:24Eno ndoolu luyando lwa-Taata, kuti umwi umwi uubona Mwana akumusyoma, abe abuumi ubutamani, amebo ndiyoomubusya kubuzuba bwakumamanino.

41Nkaambo kaako ba-Juda bakali kutongauka aalinguwe, mbwaakati, Ndime nsima iyakazwa kujulu. 42#Lk 4:22Bakati, Sena engwe Jesu, mwana a-Josefa, ngotuzi wisi abanyina? Ino uamba buti eno kuti, Ndakazwa kujulu? 43Jesu wakavuwa kuti, Mutatongauki akati kanu. 44#Joh 6:55Takukwe muntu uukonzya kuza kulindime Taata uwakandituma atamukwela, amebo ndiyoomubusya kubuzuba bwakumamanino. 45#Is 54:13; Jer 31:33,34Kulilembedwe mubasinsimi kuti, Boonse bayooiisigwa Leza. Umwi umwi uwakamvwa kuli-Taata, akwiiya kulinguwe, uleza kulindime. 46#Joh 1:18Takuli kuti kuli muntu uwakabona Taata, pele oyo uuzwida kuli-Leza, ngonguwe uwakabona Taata. 47#Joh 3:16Ncobeni ndamwaambila kasimpe, Oyo uusyoma uli abuumi ubutamani. 48#Joh 6:35Ndime nsima yabuumi. 49#Joh 6:31,32; 1 Kor 10:3,5Bamauso bakalya Mana munkanda, bakafwa. 50Njeeyi nsima iizwa kujulu, kuti muntu uuilya takooyoofwa. 51#Heb 10:5,10Ndime nsima ngumi iyakazwa kujulu, na muntu wiilya nsima eyi unooli muumi lyoonse, alimwi insima njenti pe ngomubili wangu, kuti inyika ibe abuumi.

52 # Joh 6:60 Nkaambo kaako ba-Juda bakazumanikana mulicabo bakati, Ino muntu oyu ulakonzya buti kutupa mubili wakwe kuti tuulye? 53Jesu wakabaambila kuti, Ncobeni ndamwaambila kasimpe, Mwatalya mubili wa-Mwana a-Muntu, mwatanywa bulowa bwakwe, tamukwe buumi mulindinywe. 54Oyo uulya mubili wangu, akunywa bulowa bwangu uli abuumi ubutamani, alimwi ndiyoomubusya kubuzuba bwakumamanino. 55Nkaambo mubili wangu nkokulya kwinikwini, bulowa bwangu nkokunywa kwinikwini. 56#Joh 15:4; 1 Joh 3:24; 2:24Oyo uulya mubili wangu akunywa bulowa bwangu nguukede mulindime, amebo ndikede mulinguwe. 57Mbubonya Taata muumi mbwaakandituma, amebo mbwendi muumi nkaambo ka-Taata, mbubonya obo awalo uundilya unooli muumi nkaambo kangu. 58Njeeyi nsima iyakazwa kujulu, iitali mbuli njobakalya bamauso, akufwa, oyo uulya nsima eyi unooli muumi lyoonse. 59Aya makani wakaambila mucikombelo naakali kwiisya muKapemauma.

60Nkaambo kaako banjibanji babasikwiiya bakwe, nobakamvwa obo bakati, Majwi aya mayumu, nguni uuti amvwe? 61Pele Jesu mbwaali kuzi kuti basikwiiya bakwe bali kutongauka majwi aya, wakabaambila kuti, Sena aya alamulebya? 62#Joh 3:13Ino mbuti mwaakubona Mwana a-Muntu ulatanta, ukuya nkwaakabede kusaanguna? 63#2 Kor 3:6Muuya nguupa buumi, mubili ngwabuyo, majwi ngendakamwaambila muuya, mbuumi. 64#Joh 13:11Pele mpobali bamwi banu abatasyomi. Nkaambo kuzwida kumatalikilo Jesu wakali kuzi abo abatakali kusyoma, awalo uuti kamwaabe. 65#Joh 6:44Wakati, Nkaambo aka nkendakamwaambila kuti, Takukwe muntu uukonzya kuza kulindime Taata atamuzumizya.

66Nkaambo kaako basikwiiya bakwe banjibanji bakapiluka, tabacili kweenda limbi awalo. 67Jesu wakabaambila abali kumi mubabili kuti, Sena anywebo mulainka? 68#Mt 16:16; Mk 8:29; Lk 9:20; Joh 6:63Simoni Petro wakamuvuwa wakati, O mwami, tuye kuli? Nduwe oojisi majwi aabuumi ubutamani, 69#Joh 1:49; 11:27; Mt 14:33; 16:16Eno swebo twakasyoma, alimwi tulizi kuti nduwe Uusalala wa-Leza. 70Jesu wakabavuwa wakati, Sena endime ndakamusala nomuli kumi mubabili? Pele umwi wanu mubi. 71Wali kwaamba Judase mwana a-Simoni Iskariote, nkaambo ngonguwe uuti kamwaabe, wali omwe wabali kumi mubabili.

Currently Selected:

Johane 6: Ibbaib63

Highlight

Copy