Johane 20

Jesu mbwaakabuka kuzwa kukufwa

(Matayo 28:1-10; Marko 16:1-8; Luka 24:1-12)

1 # Mt 28:1-10; Mk 16:1-11; Lk 24:1-12 Mubuzuba bwakusaanguna bwensondo Maliya Magadalene wakasika kucuumbwe cifumofumo, kakucisia-sia, wabona kuti ibbwe lyaligwi sisidwe kucuumbwe, 2#Joh 13:23Nkaako wakazuzaana, wakaya kuli-Simoni Petro, akulooyo sikwiiya umwi ngwaali kuyanda Jesu, wabaambila kuti, Bamugwisya Mwami kucuumbwe, eno tatuzi nkobakamubika. 3Nkaambo kaako Petro wakainka, ayooyo umwi sikwiiya, bakaya kucuumbwe. 4Bakazuza boonse bobile, pele oyo sikwiiya umwi wakamusia Petro, wasaanguna kusika kucuumbwe, 5Naakasondela mukati wakabona zisani zituba mpozili, nokubaboobo takanjide, 6Simoni Petro awalo wasika, uza bumucilide, wanjila mukati mucuumbwe, wabona zisani zituba mpozili, 7#Joh 11:44acalo cisani icakali kuzingulusidwe kumutwe, teecakali azyeenzinyina, pele cakali kuvungidwe aanka. 8Mpoonya umwi sikwiiya uwakasaanguna kusika kucuumbwe, awalo wanjila, wabona, wasyoma. 9#1 Kor 15:4; Inc 2:24-32Nkaambo tabalinaziba Magwalo, kuti ulyeelede kubuka kuzwa kukufwa. 10Mpoonya basikwiiya bakabweeda kulibo.

11Pele Maliya wakaliimvwi anze lyacuumbwe, ulalila, Naakacili kulila wakasondela mucuumbwe, 12wabona baangelo bobile abasamide izituba balikede, umwi kumutwe, umwi kumitandabilo, mpowali kulede mutunta wa-Jesu. 13Bakamubuzya kuti, Omwanakazi, ulilanzi? Wakabaambila kuti, Nkaambo bagwisya Mwami wangu, nsizinkobamubika. 14Naakaamba obo, wakacebuka kusule, wabona Jesu uliimvwi, tali kuzi kuti ngu-Jesu 15Jesu wakamwaambila kuti, Omwanakazi, ulilanzi? Nguni ngoyandaula? Walo wakayeeya kuti nguubeleka mumuunda, wamwaambila wati, Mwami, na nduwe owamugwisya kuno, ndaambila nkowamubika, nkamutole. 16Jesu wati kulinguwe, Maliya. Wacebuka, wamwaambila muci-Hebrayo kuti, Raboni, nkokuti, Mufundisi. 17#Heb 2:11,12; Rom 8:29Jesu wamwaambila wati, Utandijati, nkaambo nsinatanta kuli-Taata, Pele koya kubanabakwesu, ukabaambile kuti, Ndatanta kuli-Taata akuli-Uso, kuli-Leza wangu akuli-Leza wanu. 18Maliya Magadalene wakapiluka kuyooambila basikwiiya kuti, Ndamubona Mwami, ambwaakamwaambila makani aya.

Jesu mbwaakabonwa abali kumi muumwi

(Luka 24:33-43)

19 # Mk 16:14-18; Lk 24:36-49 Eno nokwakaba kumazuba mbubonya buzuba obo, ubwakusaanguna bwensondo, milyango neyali kujedwe omo mobali kubede basikwiiya, nkaambo kakutija ba-Juda, Jesu wakeza waima akati kabo, wabaambila kuti, Amube aluumuno. 20#1 Joh 1:1Naakaamba obo wakabatondezya maanza aakwe ebbazu lyakwe. Basikwiiya bakakondwa nobakabona Mwami. 21#Joh 17:18Nkabela Jesu wakabaambila alimwi kuti, Amube aluumuno, mbubonya mbwaakandituma Taata, amebo ndamutuma mbubonya. 22#Matl 2:7Naakaamba obo wakafula muuya kulimbabo, wabaambila kuti, Amutambule Muuya Uusalala, 23#Mt 16:19; 18:18Kufumbwa bantu mbomujatila zibi, balajatilwa nzizyo, abaabo mbomukaka kujatila zibi zyabo, banoozijisi.

24 # Joh 11:16; 14:5 Pele Tomaso uwali kutegwa mwana wamayanga, umwi wabali kumi mubabili, taakali abalo naakasikide Jesu. 25#Joh 19:34Basikwiiyanyina ncobakamwaambila kuti, Twakamubona Mwami. Pele wakabaambila kuti, Ndatalubona lubata lwanembe mumaanza aakwe, akubika munwe wangu mucipulo canembe, akubika ijanza lyangu kulubazu lwakwe, nsikoozoosyoma pe.

26 # Joh 20:19 Naakamana mazuba aali musanu mwaatatu basikwiiya bakwe bakali mukati alimwi, awalo Tomaso wakali abalo. Jesu wakasika imilyango neyakajedwe, waima akati kabo wati, Amube aluumuno. 27Mpoonya waambila Tomaso kuti, Tambika munwe wako, ubone maanza aangu. Tambika ijanza lyako, ulibike mulubazu lwangu. Utabi muntu uutasyomi, pele uusyoma. 28#Joh 1:1Tomaso wakamuvuwa kuti, O mwami wangu, Leza wangu. 29#1 Pet 1:8Jesu wakamwaambila kuti, Tomaso, nowandibona wasyoma, bali acoolwe abo abatandibwene, nokubaboobo balasyoma.

30Zitondezyo zimwi zinji Jesu wakazicita kumeso aabasikwiiya bakwe, izitalembedwe mubbuku eli. 31#1 Joh 5:13; Rom 1:17Anu ezi zyakalembwa kuti mukasyome kuti Jesu ngu-Kristo, Mwana a-Leza, akuti kukusyoma mukabe abuumi muzina lyakwe.

Currently Selected:

Johane 20: Ibbaib63

Highlight

Copy