Johane 18

Jesu mbwaakajatwa

(Matayo 26:36,47-56; Marko 14:43-50; Luka 22:47-53)

1 # Mt 26:36; Mk 14:32; Lk 22:39; 2 Sam 15:23 Naakamana kwaamba majwi aya, Jesu wakainka antoomwe abasikwiiya bakwe, wazubuka kalonga akali kutegwa Kedroni, ukwali muunda, nkwaakaakunjila walo abasikwiiya bakwe, 2#Mt 26:47-56; Mk 14:43-52; Lk 22:47-53#Lk 21:37Awalo Judase, uwakamwaaba, wali kubuzi busena obo, nkaambo Jesu nkwaali kuya kanjikanji antoomwe abasikwiiya bakwe. 3Nkaambo kaako Judase, naakaakupegwa nkamu yabamapulisa abasilumamba abakazwa kubapaizi bapati akuba-Farisi, wakasika nkukonya, bakali kujisi malambe aminzenge amasumo. 4#Joh 19:28Eno Jesu, mbwaakali kuzi zyoonse iziti muzide, wakainka nkukonya kubacinga, wakababuzya kuti, Ino nguni ngomuyandaula? 5Bakamuvuwa kuti, Jesu waku-Nazareta, Jesu wakati kulimbabo, Ndime uno. Awalo Judase, uwakamwaaba, wakali kwiimvwi abo, 6Ndilyonya naakabaambila kuti, Ndime uno, bakainka cifuteesule, bawida ansi. 7Nkaambo kaako alimwi wakababuzya kuti, Nguni ngomuyandaula? Bakati, Jesu waku-Nazareta. 8Jesu wakavuwa kuti, Ndamwaambila kale kuti ndime uno, Na muyandaula ndime, aba abazwe. 9#Joh 17:12Wakaamba obo kuti ijwi lyakwe lizyulile ndyaakaamba kuti, Nsikasweekeledwe naba omwe wabaabo mbookandipa. 10Nkabela Simoni Petro uwakalijisi iceba wakalisomona, wakauma muzike wamupaizi mupati, wamukosola kutwi kwalulyo. Izina lyamuzike oyo wakali Maiko. 11#Mt 26:39; Mk 14:36; Lk 22:42Mpoonya Jesu wakamwaambila Petro kuti, Bweedezya iceba mucikanda calyo. Sena cinywido ncaakandipa Taata entacinywi?

Jesu mbwaakabetekwa ba-Juda, ambwaakatamwa Petro

(Matayo 26:57-75; Marko 14:53-72; Luka 22:54-71)

12 # Mt 26:57-75; Mk 14:53-72; Lk 22:54-71 Eno nkamu yabamapulisa amusolozi wabo abasilumamba baba-Juda, bakamujata Jesu, bamwaanga, 13bakamutola kuli-Anasi kusaanguna, nkaambo wakali mukwe wa-Kayafa, mupaizi mupati kumwaaka oyo. 14#Joh 11:49-50Eno ngu-Kayafa uwakalaya ba-Juda kuti, Ncecibotu kuti muntu omwe afwide bantu.

15 # Joh 20:3; 21:20; Inc 3:1 Simoni Petro wakatobela Jesu, awalo sikwiiya umwi wakamutobela. Eno oyo sikwiiya wali kuzizilwe kumupaizi mupati, wakaakunjila antoomwe a-Jesu mumonya muŋanda yamupaizi mupati, 16pele Petro wakaima kumulyango anze. Nkaambo kaako oyo sikwiiya umwi uwali kuzizilwe kumupaizi mupati, wakazwa anze waakwaambila musimbi uulindila mulyango waakumuleta Petro mukati. 17Mpoonya musimbi oyu uwakali kulindila mulyango wakati kuli-Petro, Sena enduwe umwi wabasikwiiya bayooyu muntu? Wakati, Endime pe. 18Eno bazike abasilumamba bakali kwiimvwi nkukonya oko, bakakutwide mulilo nkaambo kwali mpeyo, bali kuyota. Awalo Petro wakali abo, wali kwiimvwi ulayota.

19Nkabela mupaizi mupati wakabuzya Jesu makani aabasikwiiya bakwe akwiisya kwakwe. 20#Joh 7:14,26; Mt 10:27Jesu wakamuvuwa kuti, Ndakaamba cakutasisa kunyika, lyoonse ndali kwiisya muzikombelo amuntempele, oko nkobabunganina ba-Juda boonse, taakwe ncendali kwaambila kumbali pe. 21Ino undibuzizyanzi? Buzya abo abakandimvwa makani ngendakali kubaambila, balo balizi ngendakabaambila. 22#Joh 19:3; Inc 23:2Naakaamba obo umwi wabasilumamba uwali kwiimvwi afwaafwi wakauma Jesu lubayi wakati, Sena mbovuwa obo kumupaizi mupati? 23Jesu wakamuvuwa wakati, Kuti nandaamba bubi, lungulula bubi, pele na cililuzi, ino wanduuminanzi? 24Nkabela Anasi wakamutuma ulaangidwe kuli-Kayafa, mupaizi mupati.

25Eno Simoni Petro wakaliimvwi, ulayota awo. Nkaambo kaako bakamubuzya kuti, Sena yebo toli umwi wabasikwiiya bakwe? Wakakazya wakati, Endime. 26Umwi wabazike bamupaizi mupati, uwakali wamukowa wayooyo ngwaakakosola kutwi Petro wakati, Sena enduwe ngwendakabona mumuunda antoomwe awalo? 27Alimwi Petro wakakazya, ndilyonya muzingili walila.

Jesu mbwaakabetekwa Pilato

(Matayo 27:1,2,11-31; Marko 15:1-20; Luka 23:1-25)

28 # Mt 27:2,11-30; Mk 15:1-19; Lk 23:1-25 Bakamutola Jesu kuzwa kuli-Kayafa kuya kucibetekelo, cakali cifumofumo. Balo beni tabakanjide mucibetekelo, kuti batasotoki icitondwa, pele kuti bamulye kabotu Pasika. 29Mpoonya Pilato wakazwa waya kulimbabo wakati, Ino nkaambonzi nkomwamuletela muntu oyu? 30Bakamuvuwa kuti, Atanooli mubi, notwatamuleta kulinduwe. 31#Joh 19:6,7; Inc 18:15Nkaambo kaako Pilato wakabaambila wakati, Amumutole nobeni, mumubeteke mbuli mulao wanu. Ba-Juda bakamwaambila kuti, Tatuzumizigwa kujaya muntu. 32#Joh 3:14; 12:32; 19:32,33; Mt 20:19Kwakaba obo kuti lizyulile ijwi ndyaakaamba Jesu, ilitondezya lufu ndwati kafwe,

33Nkaambo kaako Pilato wakanjila alimwi mucibetekelo, wakamwiita Jesu wakumubuzya kuti, Sena nduwe Mwami waba-Juda? 34#Mt 16:13Jesu wakavuwa kuti, Sena walyaambila obo omwini, na waambilwa bambi aandime? 35#Joh 1:11; Mt 21:39Pilato wakavuwa wakati, Sena ndi mu-Juda mebo? Umukowa wako abalo bapaizi bapati bakakuleta kulindime, ino wakacitanzi? 36Jesu wakavuwa kuti, Bwami bwangu tabuli bwaansi ano, bwami bwangu nobwali bwaansi ano, abazike bangu nobandilwanina, kuti entatolwa ba-Juda, Pe, bwami bwangu tabuli bwakokuno. 37#1 Tim 6:13; Joh 8:47; 10:27Nkaambo kaako Pilato wakamwaambila kuti, Ena, uli Mwami na? Jesu wakavuwa kuti, Nduwe ooamba kuti ndi Mwami. Ncendakazyalilwa, ncendakasikila ansi ano, kuti nkalungulule bwini. Boonse bana bwini banoomvwa ijwi lyangu. 38Pilato wakamwaambila kuti Ino bwini ninzi?

Naakaamba obo wakazwa alimwi akuya kuba-Juda, wakabaambila kuti, Nsijene kaambo mulinguwe. 39Pele mulijisi ciyanza, kuti kuciindi caPasika mulaangulwidwa muntu omwe uuangidwe. Sena muyanda kuti mwaangulwide oyu uutegwa Mwami waba-Juda? 40Mpoonya bakoompolola alimwi kuti, Oyu pe, pele Baraba, Eno Baraba wali mubbi.

Currently Selected:

Johane 18: Ibbaib63

Highlight

Copy