Johane 13

Jesu mbwaakasanzya matende aabasikwiiya

1 # Joh 7:30; 8:20; 15:13; Gal 2:20; 1 Joh 3:16 Eno ipobwe lya-Pasika nelyatakalinacitwa, Jesu mbwaali kuzi kuti ciindi cakwe casika kuti azwe munyika eyi aye kuli-Wisi, mbwaakali kubayanda bana bakwe abali munyika ino, wakabayanda mane kusikila kumamanino. 2#Lk 22:3Nokwakali kulalilwa, Saatani wakalibikide kale mumoyo wa-Judase Iskariote, mwana a-Simoni kuti amwaabe, 3#Joh 3:35; 16:28; 17:2Jesu, mbwaali kuzi kuti Wisi wakamupa zintu zyoonse mumaanza aakwe, akuti wakazwa kuliLeza, alimwi uya kuli-Leza, 4#Mt 11:29; 20:28; Lk 12:37wakanyamuka mpoonya nobali kulalila, wakatula zyakusama zyakwe ambali, wabweza cisansamuzyo walyaanga mucibuno. 5Nkabela watila maanzi mumutiba, watalika kusanzya matende aabasikwiiya bakwe, akwaasansamuna acisansamuzyo ncaakali kulyaangide, 6#1 Pet 5:3Elyo wakasika kuli-Simoni Petro. Walo wakamwaambila kuti, O mwami, nduwe oosanzya matende aangu sena? 7Jesu wakamuvuwa wakati, Ncencita tocizi eno, pele uyoocimvwisya caakuba ciindi. 8#Joh 13:12Petro wakamwaambila kuti, Tokoosanzya matende aangu noliba lili, pe, pe. Jesu wakamuvuwa wakati, Ndatakusanzya, tokooswaana amebo. 9Simoni Petro wamwaambila kuti, O mwami, ino kutabi matende alo, ndisanzya kumaanza akumutwe. 10#Joh 15:3Jesu wamwaambila kuti, Oyo uwasamba kale tabuli pele kumatende alo, kwalo ulisalalide mubili woonse. Anywebo mwasalala, pele tamuli nyoonse. 11#Joh 6:64,70,71Nkaambo wali kumuzi uuyoomwaaba, ncaali kwaamba kuti, Tamusalali nyoonse.

12 # Lk 22:27 Naakamana kubasanzya kumatende, wakabweza zyakusama zyakwe, wakala alimwi, wabaambila kuti, Sena mulizi ncendamucitila? 13#Mt 23:8,10Mundyaamba kuti, Mufundisi, akuti, Mwami. Mwaamba kabotu, nkaambo mbwembede. 14#Lk 22:27; 1 Tim 5:10Eno ndanooli Mwami a-Mufundisi nendasanzya matende aanu, anywebo mulyeelede kusanzyanya matende aanu. 15#Flp 2:5; Kol 3:13; 1 Pet 2:21Nkaambo ndamupa citondezyo, kuti anywebo mucite mbuli mbwendamucitila. 16#Mt 10:24; Lk 6:40; Joh 15:20Ncobeni ndamwaambila kasimpe, Muzike taindi simalelaakwe, awalo uutumwa taindi uwakamutuma. 17#Mt 7:24; Jak 1:25Mwanoozizi zintu ezi, muli acoolwe mwanoozicita. 18#Int 41:9Nsyaambi ndinywe nyoonse. Ndilibezi mbendakasala. Pele nkokuti Magwalo azyulile aati, Oyo uulya nsima amebo wandilyata ecisindi cakwe. 19#Joh 14:29Ndamwaambila makani aya kaatanasika, kuti asika, mukasyome kuti ndime. 20#Mt 10:40; Mk 9:37; Lk 9:48; 10:16Ncobeni ndamwaambila kasimpe, Uutambula ngwendatuma, watambula ndime, awalo uunditambula watambula oyo uwakandituma.

Jesu mbwaakaamba Judase sikumwaaba

(Matayo 26:21; Marko 14:18-21)

21 # Mt 26:21-25; Mk 14:18-21; Lk 22:21-23 # Joh 12:27 Naakaamba obo Jesu wakapenga mumuuya wakwe, wakalungulula wakati, Ncobeni ndamwaambila kasimpe kuti umwi wanu uyoondyaaba. 22Basikwiiya bakalangana, bali kuzululwa kuti nguni ngwaamba. 23#Joh 19:26; 20:2; 21:7,20Awo acilido kwakali umwi wabasikwiiya bakwe, ngwaali kuyanda Jesu, waakuyaama acamba cakwe. 24Nkaambo kaako Simoni Petro wakamoobola, wakamwaambila kuti, Twaambile nguni ngwaamba. 25Walo mbwali kuyeeme acamba ca-Jesu, wakamubuzya kuti, O mwami, nguni? 26Jesu wakavuwa wakati, Nguwenya ngwenti sunsile akumupa. Eno naakasunsa mukusu, wakuupa Judase, mwana a-Simoni Iskariote. 27#Joh 13:2Nkabela naakatambula mukusu, mpoonya Saatani wakanjila mulinguwe. Nkaambo kaako Jesu wakamwaambila kuti, Eco ncocita cifwanzaanye. 28Awo tokwali muntu uuzi na nkaambonzi nkaakamwaambilila boobo. 29#Joh 12:6Nkaambo bamwi bali kweezeezya kuti, nkaambo Judase ngowali kujisi nkomo yamali, antela Jesu umwaambila kuti, kaule ezyo nzotwabula zyapobwe, antela kuti akape bacete zintu zimwi. 30Nkabela naakamana kutambula mukusu wakazwa mpoonya, akali masiku.

Makani aakumamanino ngaakaamba Jesu

31Oyo naakazwa anze Jesu wakati, Eno Mwana a-Muntu walemezegwa, awalo Leza walemezegwa mulinguwe. 32#Joh 12:23; 17:1-5Kuti Leza walemezegwa mulinguwe, Leza ulamulemya mulinguwe mwini, mpoonya mpoonya ulamulemya, 33#Joh 7:34; 8:21Nobana baniini, kuli ciindi ciniini ncendi anywebo. Muyoondiyandaula, mbuli mbwendakaamba kuba-Juda, oko nkwenja, tamukonzya kuya nkuko, eno ndaamba kulindinywe mbubonya. 34#Joh 15:12,13,17; Joh 3:23; 2 Joh 1:5; 1 Joh 2:8,10Ndamupa mulao mupya wakuti, amuyandane umwi amweenzinyina, mbuli mbwendali kumuyanda, anywebo muyandane mbubonya. 35Kuliceeci bantu boonse bayoomuziba, kuti muli ba-ikwiiya bangu, mwanooyandana umwi amweenzinyina.

36 # Mt 26:33-35; Mk 14:29-31; Lk 22:31-34 # Joh 7:34; 21:18,19 Simoni Petro wakamwaambila kuti, O mwami uyai? Jesu wakamuvuwa wakati, Oko nkwenja tokonzya kundicilila eno, pele uyoondicilila caba ciindi, 37Petro wakamwaambila kuti, O mwami, nkaambonzi ncentakonzya kukucilila neliba eno? Ndatuula buumi bwangu nkaambo kako. 38Jesu wamuvuwa kuti, Sena ulatuula buumi bwako nkaambo kangu? Ncobeni ndakwaambila kasimpe, Muzingili takoolila mane unoonditamide kale totatwe.

Currently Selected:

Johane 13: Ibbaib63

Highlight

Copy