Hebrayo 11
11
Milimo yalusyomo yakalekale
1 #
Heb 3:14; 2 Kor 5:7 Eno lusyomo ndotupimine kuti luyootujanya ceeco ncotulangila, tulazumina kuzintu nzyotutana kubona. 2Mulusyomo olu basikale mobakajanina impuwo imbotu. 3#Matl 1:1; Int 33:6,9; Joh 1:3Alimwi kulusyomo lwesu tulimvwide kuti inyika yakalengwa kujwi lya-Leza, aboobo zintu zibonwa zyakalengwa kuzintu zitaboneka ameso.
4 #
Matl 4:3-10; Mt 23:35 Lusyomo ndolwakatuuzya Abelo cituuzyo ciinda ca-Kaini, Mulincico mwaakalungulwidwa kuti uliluzi (mbwaakalungulula Leza kukutambula cituuzyo cakwe), aboobo nekuba kuti wakafwa, ucaamba asunu.
5 #
Matl 5:21-24
Awalo Enoki ndusyomo ndwaakatolelwa kujulu, kuti atakaboni lufu, nkabela taakwe naakajanwa, nkaambo Leza wakalimutolede. Eno naatakalina kutolwa wakalungululwa kuti wakali kukonda Leza. 6#Heb 7:25; 10:35Pele kuti kakwiina lusyomo tacikonzeki kukonda Leza, nkaambo woonse muntu uuswena kulinguwe uleelede kuzumina kuti Leza mpali akuti nguupa cilumbo kulibaabo bamuyandaula.
7 #
Matl 6:8,9,13-22; 7:1; Rom 3:22,24; 4:20 Alimwi Nowa, naakacenjezegwa a-Leza kumakani aazintu izyatalina kubonwa, lusyomo ndolwakamugulunganya kubeza bwaato bwakufutusizya bana bakwe, aboobo wakiisampaula inyika, nkabela wakaba sikujana bululami obo buzwa kulusyomo,
8 #
Matl 12:1-5
Kukusyoma Abrahamu wakamvwisya kwiitwa kwakwe kwakuti apole, ainke kucisi ncayoopegwa mbuli lukono, Ncobeni wakapola mucisi cabanamuzyaabo, uwatakali kuzi ankwaakali kuya, 9#Matl 23:4; 26:3; 35:12,27nkabela kukusyoma wakasika akuyookala-kala mucisi icakasyomezegwa mbuli citali cisi cakwe, bakali kukala mumatente, antoomwe a-Izaka a-Jakobo basikusyomezegwanyina, 10nkaambo wakali kucilindila munzi mupati uujisi intalisyo injumu, uuyakwa akucitwa a-Leza,
11 #
Matl 17:19; 18:11-14; 21:2 Kukusyoma awalo Sara wakajana inguzu zyakuzyala mwana mubucembele bwakwe, nkaambo wakamuzumina kuti ulasyomeka oyo uwakamusyomezya. 12#Matl 15:5; 22:17; 32:12; Rom 4:19Mbombubo obo, kumuntu omwe buyo uwakali kale mbuli mufu, kwakazwa cabantu cinjicinji cibaanga ninyenyeezi, alimwi cibaanga musee wakunkomwe yalwizi uutabaliki,
13 #
Matl 23:4; 47:9; 1 Pet 1:1; 2:11; 1 Mak 29:15; Int 39:12 Boonse aba bakafwida mulusyomo. Tabakalina kutambula zeezyo izyakasyomezegwa, nekubaboobo bakalizibwene kule, bakali kuzitangalila, eno bakali kulyaamba kuti, Tuli bazwamasi, tuli beenzu buyo ansi ano. 14Ikuti aba baamba boobo balalibonya kuti balayandaula CISI cakwabo. 15Ncobeni kuti nobakali kuyeeya cisi cabo eco ncobakapola, anu no bakabweeda alimwi, 16#Kul 3:6; Mk 12:26,27pele bakalisukamine kuya kucisi cibotu ciinda, nkokuti kucisi cakujulu. Boobo, Leza taakwe naakausa insoni yakwaambwa kuti ngo-Leza wabo, nkaambo wakababambila kale munzi.
17 #
Matl 22:1; Jak 2:22 Kukusyoma Abrahamu naakasunkwa wakatuula Izaka. Ncobeni oyo uwakapegwa cisyomezyo wakaindilila akupaizya mwanaakwe uwakali alike mwida lyabanyina, 18#Matl 21:12nguwenya ngwaakaambilidwe kuti, Bazukulu bako bayoobalwa muli-Izaka, 19#Rom 4:17Nkaambo wakayeeya kuti Leza ulijisi inguzu neziba zyakubusya bantu kukufwa, elyo ncobeni wakaboozezegwa mwanaakwe mbuli muntu uwazwa kulufu.
20 #
Matl 27:27-29,39-40 Alimwi kulusyomo Izaka wakabalongezya ba-Jakobo a-Esau kumakani aaciindi icakacili kuza. 21#Matl 47:31–48:15,16,20Kulusyomo Jakobo, naakali kuyeeya kufwa, wakalongezya bana boonse bobile ba-Josefa, eno wakalisiminina amusako wakwe akulumba Leza. 22#Matl 50:24-25; Kul 13:19Kulusyomo awalo Josefa, necakaba afwaafwi ciindi cakufwa kwakwe, wakaamba kuti caakuba ciindi bana ba-Israyeli bayoopolela ku-Egepita, nkabela wakalailila azifuwa zyakwe.
23 #
Kul 2:2; 1:22 Kulusyomo Musa, naakazyalwa, wakasiswa abazyazi bakwe kumyeezi yotatwe, nkaambo bakamubona kuti wali mwana mubotu nkabela tabakwe nobakayoowa mulao wamwami. 24#Kul 2:10-12Alimwi Musa, naakakomena, lusyomo ndwaakakakila kwaambwa kuti mwana wamwana wa-Farao. 25Walmsala kupenzegwa antoomwe abantu ba-Leza kwiinda kubotelwa misalo iimana buyo. 26#Int 89:50; 69:9; Heb 13:13; 10:34,35Nkaambo wakeezeezya kuti kusampuka kwakusampaulilwa Kristo mbobuvubi bwiinda lubono loonse lwamu-Egepita, nkaambo wakali kucilangila bulumbu ibwakacili kuza. 27#Kul 2:15; 12:51Eno kukusyoma wakapola mu-Egepita, taakwe naakayoowa bukali bwamwami wamumo, nkaambo wakalibilamine mbuli sikubona yooyo uutabonwa, 28#Kul 12:12,13,21-30Alimwi kukusyoma wakaanza Pasika akusansaila bulowa, kuti sikujaya bana bataanzi kuzyalwa atazoojayilizya bana baba-Israyeli.
29 #
Kul 14:21-31
Kukusyoma bakazubuka Lwizi Lusalala, bakazubuka anga baya bweenda iitakwe maanzi, pele balo ba-Egepita nobakasola kucita mbubo bakainkila boonse, bakaloba.
30 #
Jos 6:12-21
Lusyomo ndolwakadilisya munzi wa-Jeriko, nowakamana kuzingulukwa kumazuba aali musanu mwaabili. 31#Jos 2:1-21; 6:17,22-25; Jak 2:25Alimwi kukusyoma Rahabu, uwakali mwaamu, taakwe naakafwida antoomwe abaabo abakali basigama, nkaambo wakatambula baabo basikutwela akubakazika kabotu muŋanda yakwe.
32 #
Bab 6:11–8:32; 4:6–5:31; 13:2–16:31; 11:1–12:7; 15:20 Ino nkencaambanzi lino? Nkaambo ciindi cilandimanina kuti nkencaamba aa-Gideoni a-Baraki a-Samsoni a-Jafita, aaba-Davida a-Samuele abasinsimi. 33#Dan 6:1-27; Bab 14:6; 1 Sam 17:34,35Aba bantu kulusyomo lwabo bakazunda masi, bakoonda milimo iiluzi, bakatambula zisyomezyo, bakamuma milomo yandavu, 34#Dan 3:1-30bakazimya bukali bwamulilo, bakayokoka kunsonga zyamapanga, mukulengauka bakapegwa inguzu, bakaba basinguzu munkondo, bakaamwaya makamu aabazwamasi. 35#1 Bam 17:17-24; 2 Bam 4:25-37Bamwi banakazi abakafwidwa bakwabo baka busizigwa kuzwa kulufu. Bamwi bantu bakacitwa ipenzya-bulanga nobakayeeya kufwa, bakakaka kuvunwa, kuti bakajane buumi bwiinda buciza. 36#1 Bam 22:26-27; 2 Mak 18:25-26; Jer 20:2; 37:15; 38:6Bamwi bakalikudinkaulwa akukwabbaulwa, ncobeni bakapenzegwa kunkeetani akukwaangwa muntolongo. 37#2 Mak 24:21Bakali kufuswa mabwe, bakali kukosolwa akati, bakali kusunkwa, bakali kujazigwa mapanga. Bakali kuya butuntulika akudabila masalu aambelele ampongo, bakali kweenda kaumbaumba akufwabizigwa akugutaikwa, 38Inyika teeyakabeelede. Bakali kuya bupobaila munkanda amumalundu, limwi bakali kuya butuntumana mumampangala amumadindi.
39Pele abo nobakajana boobo impuwo imbotu nkaambo kalusyomo lwabo, tabakwe nobakacijana icakasyomezegwa, pe, 40nkaambo Leza wakalitubambilide swebo cintu cimwi ciinda kubota, kuti notwatakali ndiswe nebatakalondolwa.
Currently Selected:
Hebrayo 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
