Matalikilo 39

Josefa mbwaakabeleka kuli-Potifara

1 # Int 105:17 Lino Josefa wakatolwa ku-Egepita, nkabela Potifara, umwi wabasilutwe ba-Farao, sikulanga wabasikutabilila, muntu mu-Egepita, wakamuula kuzwa kumaanza aaba-Ismayeli ibakamuletede nkuko. 2#Inc 7:9; Matl 21:22; 28:15; 1 Sam 16:18; 18:14; Int 5:12; Tus 3:7-10; 30:5Lino Jehova wakali a-Josefa, aboobo wakajana coolwe muŋanda yasimalelo wakwe mu-Egepita. 3#Int 1:3; Tus 10:6,22; 28:20Nkabela simalelo wakwe wakabona kuti Jehova uli awe, alimwi zyoonse nzyaakali kucita Jehova wakazikondezya mujanza lyakwe. 4#Matl 18:3; 19:19; 24:2Elyo Josefa wakafwidwa buuya mumeso aakwe. Wakamumanina milimo, wakamubika kuti abe mupati waŋanda yakwe, azyoonse zintu nzyaakajisi wakazyaaba mumaanza aakwe. 5#Matl 30:27Lino kuzwa kuciindi eco naakamubika kuti abe silutwe waŋanda yakwe, awazintu zyoonse nzyaakajisi, Jehova wakalongezya iŋanda yamu-Egepita nkaambo ka-Josefa, Lulongezyo lwaJehova lwakalikede ambono zyakwe zyoonse, neziba zyamuŋanda neziba zyamumuunda. 6#1 Sam 16:12Nkabela zyoonse biyo nzyakajisi wakazisia mumaanza aa-Josefa. Walo mwini takwakaziba cintu neciba comwe ncaakali aco cita insima njaakali kulya.

Josefa mbwaakabikwa muntotongo

Lino Josefa kali aciwa cibotu, keebeka loko. 7#2 Sam 13:11Nkabela kusule lyayaaya, mukasimalelo wakwe wakavundula meso aakwe kuli-Josefa, wati, Atweende ayebo. 8Pele wakakaka. Wakaambila mukasimalelo wakwe kuti, Bona! Simalelaangu talikataazyi kucintu neciba comwe muŋanda; zyoonse buyo nzyaajisi wazyaaba mumaanza aangu. 9#Tus 6:29; Matl 20:6; Lev 6:2; 2 Sam 12:13; Int 51:4Taakwe mupati kwiinda ndime muŋanda ino. Tana kundikasizye cintu neciba comwe, cita nduwe luzutu nkaambo uli banakwe. Nkacite buti bubi bupati buli boobu akubisizya Leza? 10Nkabela mazuba oonse, nekuba kuti wakacili kwaambila Josefa, taakwe naakazumina abuniini koona awe nanka kuba awe. 11Pele buzuba bumwi naakanjila muŋanda kukubeleka milimo yakwe, katakwe naba omwe wabasiŋanda bamwi omo muŋanda, 12#Tus 7:13nkabela wakajata cikobela cakwe, wati, Atulale ayebo. Mpawo wakasia cikobela cakwe mujanza lyakwe, wacija, waya anze. 13Abone buyo kuti wasia cikobela cakwe mujanza lyakwe, wacija, waya anze, 14wakaita basiŋanda bakwe, wabaambila kuti, Amubone! Watuletela mu-Hebrayo kuti atusampaule. Weza kulindime kuti alale ambebo, elyo ndalila ajwi ipati. 15Amvwe kuti ndongololesya akulila, wasia cikobela cakwe kulindime, wacija, waya anze. 16Mpawo wakabamba cikobela cakwe kulinguwe mane simalelo wakwe asike kuŋanda. 17#Kul 23:1; Int 120:3; Tus 6:25; 23:27; 26:28Asike, wakamwaambila alakwe mbubonya. Wakati, Mulanda muHebrayo nguwakatuletela weza kulindime kuzoondisabwida. 18Pele nendoongololesya akulila wasia cikobela cakwe kulindime, wacija, waya anze.

19 # Tus 6:34 Lino simalelo wakwe naakamvwa majwi aamukaakwe ngaakamwaambila aakuti, Mbuboobo mulanda wako mbwandicitila, bukali bwakwe bwakabuka. 20#Matl 40:3; 41:14; Int 105:18; 1 Pet 2:19Mpawo simalelo wa-Josefa wakamujata, wamubika muntolongo, baange bamwami mobakaangidwe, nkabela wakakala mumonya muntolongo. 21#Inc 7:9; Kul 3:21; 11:3; 12:36; Int 106:46; Tus 16:7; Dan 1:9Pele Jehova kali a-Josefa, wamufwida luzyalo, wamupa buuya mumeso aamulangi wantolongo. 22#Matl 40:3,4Nkabela mulangi wantolongo wakabika baange boonse buyo bamuntolongo mumaanza aa-Josefa, aboobo kufumbwa cintu cakacitwa oko, ngonguwe wakali kucicita. 23#Matl 39:2,3; Tus 11:11Mulangi wantolongo takakali kulikataazya kucita neciba comwe icakali mumaanza aakwe, nkaambo Jehova wakali awe, azintu zyoonse nzyaakacita, Jehova wakazibotezya.

Currently Selected:

Matalikilo 39: Ibbaib63

Highlight

Copy