Matalikilo 38
38
Makani aa-Tamara. Mbwaakazyala Perezi a-Zera
1 #
2 Bam 4:8
Lino kuciindi eco Juda wakazwa kubakulana bakwe, waakuswaya umwi muntu waku-Adulamu, izina lyakwe kali Hira. 2#Matl 34:2; 1 Mak 2:3Nkabela nkukonya oko Juda wakabona musimbi mwana wa-Suwa umwi muntu mu-Kanana, elyo wakamukwata, waswanaana awe. 3#My 26:19Lino wakaminta, wazyala mwana mulombe, wamuulika izina lya-Eri. 4#Matl 46:12Wakaminta alimwi, wazyala mwana mulombe, wamuulika izina lya-Onani. 5#My 26:20Alimwi lwatatu wakazyala mwana mulombe, wamuulika izina lya-Sela. Kali ku-Kezibi naakamuzyala.
6 #
Matl 24:4
Nkabela Juda wakajanina Eri mwanaakwe mutaanzi mwanakazi, izina lyakwe kali Tamara. 7#Matl 46:12; 1 Mak 2:3Pele Eri mwana mutaanzi wa-Juda, kali mubi mumeso aa-Jehova, aboobo Jehova wakamujaya. 8#Mt 22:24Mpawo Juda wakaambila Onani kuti, Unjilile mwanakazi wamukulana wako, ucite mbweelede mulamu wako, ukabusizye mukulana wako lunyungu. 9#Dt 25:6Pele Onani wakaziba kuti lunyungu talukooyooba lwakwe, aboobo naakaswanaana amukamukulana wakwe wakasowela anyika kuti atapi mukulana wakwe lunyungu. 10#My 26:19Lino eco ncaakacita cakabija mumeso aa-Jehova, aboobo wakamujaya alakwe. 11#Rut 1:13; Lev 22:13Elyo Juda wakaambila Tamara mukamwana wakwe kuti, Kosyaala mbuli nabutema muŋanda yauso mane mwanaangu Sela akomene. Nkaambo wakali kuyeeya kuti, Ambweni ulafwa alakwe mbubonya mbuli bakulana bakwe. Aboobo Tamara wakainka kuyookala muŋanda yawisi,
12 #
2 Sam 13:39
Lino necakaba ciindi, mwana wa-Suwa (ngonguwe muka-Juda) wakafwa. Nkabela Juda, naakaleka kulila, wakainka ku-Timna, nkobakali kuyunda imbelele zyakwe, antoomwe amuzwalani wakwe Hira mu-Adulamu. 13#Jos 15:10,57Elyo Tamara wakalwiidwa kuti, Bona, usozyala wainka ku-Timna kuyooyunda imbelele zyakwe. 14#Tus 7:12; Matl 38:11,26Amvwe obo, wakasamununa zyakusama zyabunabutema bwakwe, waliputilila intambala kubusyu bwakwe, walyeenyeenya, waakukala kumulyango waku-Enaimu munzila iiya ku-Timna, Nkaambo wakabona kuti Sela wakomena kale, nekubaboobo tana kumupegwa kuti amukwate. 15Lino Juda naakabona, wakayeeya kuti ngusimamambe, nkaambo kavumbide busyu bwakwe. 16Mpawo wakaleya munzila mwaakabede, wamwaambila kuti, Wence tuswanaane ayebo, Nkaambo takwakaziba kuti ngumukamwana wakwe. Wakati, Ulandipanzi kuti uswanaane ambebo? 17#Ezk 16:33Wakavuwa kuti, Ndakutumina mwana wampongo kuzwa kutanga, Wakati, Sa tokonzyi kundipa citondezyo calusyomo mane ukatume? 18#Matl 38:25Wakabuzya kuti, Nkupe citondezyonzi? Wakati, Kondipa cinamatizyo cako antambo yako amusako uuli mujanza lyako. Wakamupa, waswanaana awe, nkabela wakaminta kuzwa kulinguwe. 19#Matl 38:14Lino wakanyampuka, waya kulinguwe, wasamununa intambala njakasamide, wasama zyakusama zyabunabutema bwakwe,
20Lino Juda wakatuma mwana wampongo kujanza lyamuzwalani wakwe mu-Adulamu, kuti aboozye citondezyo kuzwa kumaanza aamwanakazi, pele takwe naakamujana pe. 21Nkabela wakabuzya bantu bakooko kuti, Uli kuli simamambe iwakali kumbali anzila ku-Enaimu? Bakavuwa kuti, Katakwe simamambe okuno pe. 22Mpawo wakapiluka kuli-Juda, wati, Nsikwe kumujana pe. Abalo bantu bakooko bakati, Katakwe simamambe okuno. 23Lino Juda wakati, Atole biyo zintu, kuti tutasekwi. Wabona kuti ndalitumide oyu mwana wampongo, pele tokwe kumujana.
24 #
Bab 19:2; Lev 21:9; Dt 22:21 Lino ciindi cili mbuli myezi yotatwe necakamana, Juda wakalwiidwa kuti, Bona! Tamara mukamwana wako wacita bwaamu, wamintila mubwaamu, Mpawo Juda wakaamba kuti, Amumugwisye, aumpwe. 25#Matl 37:32Pele naakali mukugwisigwa, wakatumina wisizyala mulazyo wakuti, Muntu uuli azintu ezi nguwakandiminsya. Alimwi wakati, Bona, uzibe na nzizyani zintu ezi-cinamatizyo antambo amusako. 26#1 Sam 24:17; Matl 38:14; Job 34:31Mpawo Juda wakaziziba, wati, Uliluleme kwiinda ndime, nkaambo ndakabula kumupa Sela mwanaangu. Elyo takwe naakaindulula kumuziba.
27Lino ciindi cakwe cakutumbuka necakasika, mwakajanwa mayanga muzyalilo lyakwe. 28Nkabela mukuzyala kwakwe umwi mwana wakazuluzya ijanza lyakwe, Lino sikutumbusya wakajata ijanza lyakwe, walyaanga akatambo kasalala pyu, wati, Ngooyu mutaanzi kuzyalwa. 29Pele naakapilusya ijanza lyakwe, mweenzinyina wakazwa. Elyo wakati, Ma! Wapola buti yebo? Nciceeco izina lyakwe ncaakaulikwa kuti ngu-Perezi. 30Musule lyakwe mwakazyalwa mweenzinyina iwakajisi katambo kasalala ajanza lyakwe, nkabela wakaulikwa izina lya-Zera.
Currently Selected:
Matalikilo 38: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
