Ezara 1

Koresi mbwaakazumizya ba-Juda kupiluka ku-Jerusalemu

1 # 2 Mak 36:22; Jer 25:12; Lev 26:42; Ezr 5:13 Lino mumwaka mutaanzi wabwami bwa-Koresi mwami wa-Persia, kuti lizuzigwe ijwi lya-Jehova ndyaakaamba kumulomo wa-Jeremiya, Jehova wakabusya moyo wa-Koresi mwami wa-Persia, nkabela wakatuma impuwo mubwami bwakwe boonse, alimwi wakalemba mbubonya, wati, 2#Is 44:28Mbuboobu mbwaamba Koresi mwami wa-Persia. Zisi zyoonse zyaansi, Jehova Leza wakujulu wazyaaba mumaanza aangu. Alimwi wandilailila kumuyakila iŋanda mu-Jerusalemu mucisi ca-Juda. 3#Dt 3:24; 2 Sam 22:32; Int 86:10; Is 37:16; Dan 6:26; Mk 12:32; 1 Kor 8:6Lino nguni akati kanu uuli wabantu bakwe? Leza wakwe abe awe. Anyamuke kuya ku-Jerusalemu mucisi ca-Juda, ayake iŋanda ya-Jehova Leza wa-Israyeli. Ngonguwt Leza uukede mu-Jerusalemu. 4Kufumbwa uusyaala mumasena oonse nkwaakali kukala-kala, bantu babusena bwakwe bamugwasye insiliva angolida ambono aŋombe azipo zyamoyo zyakugwasya iŋanda ya-Leza yaku-Jerusalemu.

5 # Tus 16:1; Flp 2:13 Mpoonya awo bapati banzubo zya-Juda azya-Benjamini abapaizi abaLevi bakabuka, boonse Leza mbaakabusya myoyo yabo, kuti baye kukuyaka iŋanda ya-Jehova mu-Jerusalemu. 6Aboonse ibakeengelede bakayumya maanza aabo, babapa zibelesyo zyansiliva azyangolida, ambono aŋombe azintu ziyandisi, kutaamba zipo zyamoyo izyakaletwa.

7 # Ezr 5:14; 6:5; 2 Bam 24:13; 2 Mak 36:7 Alakwe mwami Koresi wakagwisya zibelesyo zyaŋanda ya-Jehova, nzyaakagwisya Nebukadinezara kuzwa ku-Jerusalemu nzyaakabika muŋanda yamuzimu wakwe, 8#Ezr 5:14; Hag 1:1Koresi mwami wa-Persia wakazigwisya kujanza lyaMiteridati siziyobwedo, wazibala, wapa Sezibazara silutwe waba-Juda. 9Ngooyu mweelwe wazyo: mitiba yangolida iili makumi otatwe, mitiba yansiliva iili cuulu, intibba zili makumi obile amusanu azine, 10inkomeki zyangolida zili makumi otatwe, inkomeki zyansiliva zyamusyobo umbi zili myanda yone akumi, azibelesyo zimwi zili cuulu. 11Zibelesyo zyoonse, zyangolida azyansiliva, zyakali zyuulu zyosanwe amyanda yone. Ezi zyoonse Sezibazara wakeza azyo naakeza abazike baangulwidwe ibakazwa ku-Babuloni kuya ku-Jerusalemu.

Currently Selected:

Ezara 1: Ibbaib63

Highlight

Copy