Ezekieli 47
47
Cilengano camaanzi aazwa muntempele
1 #
Zek 13:1; 14:8; Joh 7:38; Ciy 22:1; Int 46:4; Joel 3:18 Lino wakandiboozya kumulyango waŋanda, nkabela ndakabona maanzi alazwa kunsi lyacikunguzyo caŋanda kulubazu lwakujwe, nkaambo iŋanda keelangide kujwe; alimwi maanzi akali kukunka kuzwa ansi lyalubazu lwaŋanda lwalulyo kumusanza wacipaililo. 2Elyo wakanditola anze, wandiinzya kumulyango wakunyika, wandizyungulusya anze kusikila kumulyango waanze uulangide kujwe, nkabela ndakabona maanzi alamiminya kulubazu lwakululyo.
3 #
Ezk 40:3; Zek 2:1; Ciy 11:1 Lino muntu uuli antambo yakweelesya mujanza lyakwe, naakaya kujwe, wakeeleka tukokola tuli cuulu, elyo wakandiinzya akati kamaanzi, nkabela maanzi akali kutanwa mungo. 4Kuzwa oko wakeeleka alimwi tukokola tuli cuulu, wandiinzya akati kamaanzi, nkabela maanzi akali kutanwa mumazwi. Alimwi wakeeleka tukokola tuli cuulu, wandiinzya, nkabela maanzi akali kutanwa kucikungu, 5Alimwi wakeeleka tukokola tuli cuulu, nkabela ndakajana mulongo uutaindiki, nkaambo maanzi akalifutide, aba maanzi aakuyamba, mulonga uutazubukiki, 6Lino wakandibuzya kuti, Sa wabona eci, O mwana amuntu?
Kuzwa oko wakandipilusya, wandiinzya ankomwe yamulonga, 7#Int 1:3; 92:12; Is 41:19; Ciy 22:2Nkabela mukupiluka kwangu ndakabona kuti ankomwe yamulonga ali misamu minji loko kumabazu oonse obile. 8#Zek 2:11; Mal 1:11; Ciy 17:15Elyo wakandaambila kuti, Aya maanzi alatozya kucisi cakujwe, alaya ku-Araba, alanjila mulwizi. Anjila buyo mulwizi, maanzi aalula aakooko ayootontozegwa. 9#Joh 5:25; 6:63; 1 Kor 15:45Lino kufumbwa oko mulonga nkuusika, zintu zyuumi zyoonse ziyoovula ziyoopona, alimwi kuyooba inswi zinji loko, nkaambo aya maanzi asika kuti maanzi aamulwizi atontozegwe, aboobo zintu zyoonse ziyoopona kufumbwa oko mulonga nkuusika, 10#Mt 4:19; My 34:6; Jos 23:4; Ezk 47:15Nkabela basikuzuba bayooima kulinguwo; kuzwa ku-Engedi akusikila ku-Eglaimu koonse koonse kuyooyanikwa insabwe; kuyooba inswi zyamisyobo minji loko mbubonya mbuli inswi zyakulwizi lupati. 11Pele myeezi amatoolo, ezi tazikooyootontozegwa pe, anooyooli epale. 12#Job 8:16; Int 1:3; Is 61:3; Ciy 22:2Alimwi ankomwe zyamulonga kumabazu conse obile, kuyoomena misamu yoonse iiligwa, Matu aayo takooyookunkumuka, amicelo yayo tiikooyookuba pe. Inooyoozyala micelo mipya myeezi yoonse, nkaambo kamaanzi aazwa kucikombelo aasika kulinjiyo. Micelo yayo inooyooligwa, amatu aayo anooyoosilisigwa.
Migaano yanyika
13 #
Matl 48:5; 1 Mak 5:1; Jer 3:18; Ezk 48:4,5 Mbuboobu mbwaamba Mwami Jehova. Njeeyi migaano njimweelede kwaabanya nyika kumisyobo iili ikumi aibili yaba-Israyeli. Ba-Josefa baleelede kuba azyaabilo zyobile. 14#My 34:2; Ezk 48:29Muleelede kwaabana zyaabilo zyeelene, Ndakasumpula ijanza lyangu akukonkezya kupa bamausowanu, nkabela nyika eyi ncobeni iyooba lukono lwanu.
15 #
Ezk 48:1; My 34:8 Mbuboobu migaano yanyika mbiibede. Kulubazu lwakunyika ulazwa kulwizi lupati, ulainda ku-Hetiloni, kusikila kumanjililo aa-Hamati; kuzwa oko ulainda ku-Zedadi, 16#2 Bam 14:25; Am 6:2,14; 2 Sam 8:8ku-Berota, ku-Sibraimu (uuli akatikati kamugaano wa-Damasko amugaano wa-Hamati), kusikila ku-Hazere Hatikoni kumugaano wa-Haurani, 17#My 34:9Mugaano ulainda kuzwa kulwizi akusikila ku-Hazari-enoni kumugaano wa-Damasko, alimwi kulubazu lwakunyika lyakooko ngomugaano wa-Hamati.
18Kulubazu lwakujwe, mugaano ulazwa ku-Hazare Enoni, akatikati ka-Haurani a-Damasko, ulainda mumulonga wa-Jordano, akatikati ka-Gileadi anyika ya-Israyeli, kusikila kulwizi lwakujwe akusikila ku-Tamara. Mbuboobo mbuubede mugaano wakujwe.
19Akulubazu lwakumusanza ulazwa ku-Tamara kusikila kumaanzi aaMeriboti Kadesi, kuzwa oko ulainda mukalonga kaku-Egepita kusikila ku-Lwizi Lupati. Mbuboobo mbuubede mugaano wakumusanza.
20Kulubazu lwakumbo, Lwizi Lupati luyooba mugaano kusikila kuntu kulangene amanjililo aa-Hamati, Mbuboobu mbuubede mugaano wakumbo.
21Aboobo muleelede kwaabana nyika mbuli misyobo yanu noba-Israyeli, 22#Inc 2:5; Ef 2:19-22; Rom 10:12Muleelede kuwaala zisolo zyakwiiabana, nywebo abeenzu bakede akati kanu, bazyede bana akati kanu. Bayooba mumeso aanu mbubonya mbuli bazyale banyika, bana ba-Israyeli; baleelede kwaabilwa lukono akati kamisyobo yaba-Israyeli. 23Kufumbwa mweenzu nkwakala, muleelede kumupa lukono mumusyobo oyo nguwonya, mbwaamba Mwami Jehova.
Currently Selected:
Ezekieli 47: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
