Kulonga 6

Leza mbwaakasyomezya alimwi kuvuna bantu bakwe

1 # Kul 11:1; 12:31 Pele Jehova wakaambila Musa kuti, Lino ulabona ncensi citile Farao, Nkaambo ajanza ijumu ulabaleka kuya, ncobeni ajanza ijumu ulabatanda kuzwa munyika yakwe. 2#Matl 17:1; 28:3; 35:11; Kul 3:13-15Mpoonya awo Leza wakaambila Musa kuti, Ndime Jehova. 3#Int 68:4; Joh 8:58; Ciy 1:4Ndakalibonya kuli-Abrahamu akuli-Izaka akuli-Jakobo mbuli Leza Singuzuzyoonse, pele izina lyangu lya-Jehova teelyakazibwa kulimbabo. 4#Matl 15:18; 17:4,7,8Alimwi ndakatangana abo cizuminano cakusyomezya kubapa nyika ya-Kanana, nyika yabubala bwabo njibakali kukala-kala mulinjiyo. 5#Kul 2:24Alimwi ndimvwide kutongela kwabana ba-Israyeli bajeswi mubuzike kuba-Egepita, ndaibaluka cizuminano cangu. 6#Kul 3:17; 7:4; 15:13; Dt 26:8; 7:8; Int 81:6; 136:11; 1 Mak 17:21; Neh 1:10Nkaambo kako ambila bana ba-Israyeli kuti, Ndime Jehova. Njoomulemununa kumikuli milemu yaba-Egepita akumuvuna kubuzike bwabo. Njoomufutula akuboko kutandabikidwe ambeta impati, 7#Dt 7:6; 29:13; 2 Sam 7:24; Matl 17:7,8; Ciy 21:7; Int 81:6Njoomutambula, mube bantu bangu, ambebo njooba Leza wanu, Lino muyooziba kuti ndime Jehova Leza wanu iwamulemununa mi kuli milemu yaba-Egepita. 8#Matl 15:18; 26:3Nkabela njoomusisya kunyika eyo njindakakonkezya kupa Abrahamu a-Izaka a-Jakobo, Ndaipa kulindinywe, mukaivube. Ndime Jehova. 9Elyo Musa wakaambila bana ba-Israyeli mbubonya obo, pele teebakamvwa Musa, pe, nkaambo kakupenga kumyoyo yabo akaambo kamilimo miyumu.

10Mpoonya awo Jehova wakaambila Musa kuti, 11Njila, ukaambile Farao mwami wa-Egepita, kuti aleke bana ba-Israyeli, bazwe mucisi cakwe. 12#Jer 1:6Pele Musa wakaamba mumatwi aa-Jehova kuti, Bona! Bana ba-Israyeli tabandimvwi. Ulandimvwa buti Farao, mebo ndemuntu sikamama? 13Pele Jehova wakaambila Musa a-Aroni, wabalailila mbubeelede kwaambila bana ba-Israyeli a-Farao mwami wa-Egepita, kuti bapozye bana ba-Israyeli kuzwa kunyika ya-Egepita.

Mazyalani aa-Musa a-Aroni

14 # Matl 49:9; 1 Mak 5:3 Mbaaba basilutwe banzubo zyabawisaabo. Bana ba-Rubeni mwana mutaanzi wa-Israyeli mbaaba: Hanoki, a-Palu, a-Hezroni, a-Karmi, Nzeezyo inzubo zya-Rubeni, 15#Matl 46:10; 1 Mak 4:24Abana ba-Simeoni mbaaba: Jemueli a-Jamini a-Ohadi a-Jakini a-Zohari a-Saulo mwana wamwanakazi muKanana. Nzeezyo inzubo zya-Simeoni. 16#My 3:17-20; 26:57-58; 1 Mak 6:16-19; Matl 46:11; 1 Mak 6:1Amazina aabana ba-Levi mumazyalani aabo ngaaya: Gerisoni a-Kohati a-Merari, Nkabela myaka yabuumi bwa-Levi yakasika kumwanda amakumi otatwe amusanu aibili. 17Abana ba-Gerisoni mumazyalani aabo mbaaba: Libini a-Simei. 18#My 26:57; 1 Mak 6:18Abana ba-Kohati mbaaba: Amramu a-Izara a-Hebroni a-Uzieli. Myaka yabuumi bwa-Kohati yakasika kumwanda amakumi otatwe aitatu. 19Abana baMerari mbaaba: Mali a-Musi. Nzeezyo inzubo zyaba-Levi mumazyalani aabo. 20#Kul 2:1,2; My 26:59Lino Amramu wakakwata Jokebedi mujwa wawisi, nkabela wakamuzyalila Aroni a-Musa, Nkabela myaka yabuumi bwa-Amramu yakasika kumwanda amakumi otatwe amusanu aibili. 21#My 16:1; 1 Mak 6:37,38Abana ba-Izara mbaaba: Kora a-Nefegi a-Zikiri. 22#Lev 10:4; My 3:30Abana ba-Uzieli mbaaba: Misayeli a-Elisafana a-Sitiri. 23#Rut 4:19,20; 1 Mak 2:10; Mt 1:4; Lev 10:1; My 3:2Nkabela Aroni wakakwata Eliseba mwana musimbi wa-Aminadabu mucizi wa-Nasoni, elyo wakamuzyalila Nadabu a-Abihu a-Eleazara a-Itamara. 24#My 26:11Abana ba-Kora mbaaba: Asiri a-Elikana aAbiasafu. Nzeezyo inzubo zyaba-Kora. 25#My 25:7,11,12; Jos 24:33Lino Eleazara mwana waAroni wakakwata umwi wabana basimbi ba-Puteeli, nkabela wakamuzyalila Pinehasi. Mbaabo basilutwe banzubo zyaba-Levi mumazyalani aabo.

26 # Kul 7:4; 12:17; My 33:1 Mbombabo ba-Aroni a-Musa Jehova mbaakaambila kuti, Amupozye bana ba-Israyeli kuzwa kunyika ya-Egepita ampi zyabo. 27#Kul 32:7; 33:1; Int 77:20Mbombabo bakaambila Farao mwami wa-Egepita kuti bapozye bana ba-Israyeli kuzwa ku-Egepita, Mbombabo ba-Musa a-Aroni.

28Lino mubuzuba obo Jehova naakaambila Musa munyika ya-Egepita, 29#Kul 7:2Jehova wakaambila Musa kuti, Ndime Jehova. Ambila Farao mwami wa-Egepira zyoonse nzendakwaambila. 30#Kul 4:10; Jer 1:6Pele Musa wakaambila Jehova kuti, Bona! Mebo ndisikamama. Ino Farao ulandimvwa buti?

Currently Selected:

Kulonga 6: Ibbaib63

Highlight

Copy