Kulonga 25

Bantu mbubakaambilwa kuleta zipo zyakuyasya cikombelo

1 # 1 Mak 29:3; 2 Kor 9:7 Lino Jehova wakaambila Musa kuti, 2#1 Mak 29:3; 2 Kor 9:7Ambila bana ba-Israyeli kuti bandiletele mulumbo. Amutambule mulumbo kubantu boonse bazumina mumyoyo yabo. 3Ngooyu mulumbo ngumweelede kutambula kulimbabo: ingolida ansiliva amukuba, 4masani aanyanzabili amasani aakamwemvwe amasani aasalala pyu, amasani aatuba, aboya bwampongo, 5zikanda zyabagutu zisalazidwe, amatobo, azisamu zyamuunga, 6mafuta aamumalampi, misamu yamafuta aakunana, atununkilizyo twakutenta, 7#Kul 28:15mabwe aaonukisi, amabwe aakusyomaika mucikombelo cabupaizi amukatobo kacamba. 8#Lev 4:6; Heb 3:6; Ciy 21:3Lino bandicitile cikombelo, nkale akati kabo. 9Cikombelo azibelesyo zyaco zyoonse, amuzicite mbubonya mbundamutondezya.

Ibbokesi lyacizuminano

10 # Kul 37:1; Dt 10:3; Heb 9:4 Alimwi bacite ibbokesi lyazisamu zyamuunga. Bulamfu bwalye bube tukokola tobile acisela, abwaamba bwalyo kakokola komwe acisela, abwiime bwalyo kakokola komwe acisela. 11Uliziluluzye ingolida iisalala, mukati aanze, alimwi ulibikile moombe wangolida cakuzinguluka. 12Alimwi ufule incoko zyone zyangolida, zibikwe kumaulu aalyo, incoko zyobile kulubazu lumwi ancoko zyobile kulubazu alumwi. 13Lino beza miziyo yamuunga akwiiziluluzya ingolida. 14Eyi miziyo ulaisyomeka muncoko zyakumabazu aabbokesi, mwiiyumuzye ibbokesi. 15#1 Bam 8:8Miziyo ileelede kusyaala muncoko zyabbokesi, tazyeelede kugwisigwa pe. 16#Kul 16:34; 31:18; 40:20; Dt 10:2; 31:26; 1 Bam 8:9; 2 Bam 11:12Alimwi omo mubbokesi ubike milao njensi kupe. 17#Heb 9:5; Kul 37:6; Rom 3:25Lino beza cuuno caluzyalo cangolida iisalala, Bulamfu bwaco bube tukokola tobile acisela, abwaamba bwaco kakokola komwe acisela. 18Alimwi cita baangelo bakerubi bobile bangolida, bacifula mubisi, kumpela zyobile zyacuuno caluzyalo. 19Ucite kerubi umwi kumpela imwi aimwi; bakerubi bacitwe antoomwe acuuno caluzyalo ampela zyaco zyobile. 20#1 Bam 8:7; 1 Mak 28:18Lino bakerubi balatandabika mababa aabo akuvumbilila cuuno caluzyalo; amasyu aabo alangane; masyu aabakerubi alange cuuno caluzyalo. 21#Kul 26:34; 40:20Lino bika cuuno caluzyalo atala lyabbokesi; alimwi mukati kabbokesi bika milao njensi kupe. 22#Kul 29:42; 30:6,36; Lev 16:2; My 17:4; Ezk 9:3; Jak 2:13; 1 Sam 4:4; 6:2; 2 Bam 19:15; Int 80:1; 90:1; Is 37:16Nkukonya oko nkotuyooswanaanina. Njooambaula ayebo kuzwa kujulu lyacuuno caluzyalo akatikati kabakerubi bobile bali abbokesi lyacizuminano. Nkukonya oko nkonjookwaambila milao yoonse njoelede kulailila bana ba-Israyeli.

Intafule yazinkwa zyamabonwabonwa

23 # Kul 37:10; 1 Bam 7:48; 2 Mak 4:8; Heb 9:2 Alimwi ukabeze intafule yamuunga. Bulamfu bwayo bube tukokola tobile, abwaamba bwayo kakokola komwe, abwiime bwayo kakokola komwe acisela. 24Uiziluluzye ingolida iisalala akwiicitila moombe uuzingulukide wangolida. 25Uicitile mubala uuzingulukide uuli abwaamba bwajanza, ayooyo mubalo ube amoongola wangolida koonse koonse. 26Alimwi uicitile ncoko zyone zyangolida akubika incoko kuzyooko zyone zyakumaulu aayo. 27Kufwaafwi kumubalo kuyooba incoko, zijate miziyo yakuyumuzya intafule. 28Amiziyo, ubeze miziyo yamuunga akwiiziluluzya ingolida, elyo intafule ilanyampuzigwa njiyo. 29#Kul 37:16; My 4:7Alimwi ukacite mitiba, amyuungo, azilongo, amfulu zyakupaizya; zyoonse uzicite angolida iisalala. 30#Lev 24:5-8Lino zinkwa zyamabonwabonwa uzibike antafule kubusyu bwangu ciindi coonse.

31 # Kul 37:17; 1 Bam 7:49; Zek 4:2; Heb 9:2; Ciy 1:12; 4:5 Alimwi cita ciimikilo calampi cangolida iisalala. Matako aaco amubili waco abe acifulamubisi; inkomeki zyaco atunkuli twaco amalubaluba aaco, zyoonse ziyoojatilila mulincico. 32#My 8:4; Kul 37:18,19Nkabela mumabazu aaco muyoozwa mitabi iili musanu aumwi, mitabi yotatwe kulubazu lumwi lwaciimikilo, amitabi yotatwe kulubazu alumwi lwaciimikilo. 33Mutabi umwi aumwi ubezedwe ankomeki zyotatwe zili mbuli micelo yaalmondi, zili atunkuli amalubaluba; mitabi yoonse iili musanu aumwi iizwa kuciimikilo ibe mbubonya obo. 34Aalo aciimikilo cini abezwe inkomeki zyone zili mbuli micelo yaalmondi, zili atunkuli amalubaluba. 35Alimwi kube kankuli kunsi lyamitabi yobile, akamwi kunsi lyamitabi yobile, akamwi kunsi lyamitabi yobile, kumitabi yoonse iili musanu aumwi iizwa kuciimikilo. 36Tunkuli amitabi, zyoonse zilajatilila mulincico, coonse cacifulamubisi, ingolida iisalala. 37#Ciy 1:12; Kul 27:21; 30:8; Lev 24:3,4; 2 Mak 13:11; My 8:2Alimwi kocicitila malampi aali musanu aabili, ubike malampi kuti amunikile kunembo lyaco. 38Amano zyaco ankayi zyaco zyoonse zibe zyangolida iisalala. 39Cicitwe atalenta lyangolida iisalala, ciimikilo azibe Jesyo zyaco ezi zyoonse. 40#Inc 7:44; Heb 8:5; Kul 26:30; My 8:4; 1 Mak 28:11,19Uleelede kucicita mbubonya mbuli cinkozya ncowakatondezegwa mucilundu.

Currently Selected:

Kulonga 25: Ibbaib63

Highlight

Copy