Kulonga 24
24
Musa abapati mbubakatanta cilundu ca-Leza
1 #
Kul 28:1; Lev 10:1,2; My 11:16 Lino wakaambila Musa kuti, Amutante nkwabede Jehova, yebo a-Aroni a-Nadabu a-Abihu abapati ba-Israyeli bali makumi aali musanu aabili, mukombe kulaale. 2Musa alike nguelede kuswena afwaafwi kuli-Jehova. Bamwi batasweni afwiifwi pe, abalo bantu tabeelede kumusindikila.
3Mpawo Musa wakaakulwiida bantu majwi oonse aa-Jehova, ambeta zyoonse, nkabela bantu boonse bakavuwa ajwi lyomwe, bati, Makani oonse Jehova ngaamba tulaacita. 4#Dt 31:9; Matl 28:18; 31:45Lino Musa wakalemba majwi oonse aa-Jehova. Nkabela nebwakaca, wakafumina kuyooyaka cipaililo munsi acilundu, amisumpululu iili ikumi aibili mbubonya mbuli mweelwe wamisyobo yabana ba-Israyeli. 5Lino wakatuma bamwi balombe babana ba-Israyeli kuyoopaizya zipaizyo, nkabela bakatuulila Jehova iŋombe, zibe zipaizyo azituuzyo zyakutontozya. 6#Heb 9:18Lino cisela cabulowa, Musa wakacibweza akucibika mumutiba, acimwi cisela wakacisansaila acipaililo. 7Mpawo wakabweza ibbuku lyacizuminano akulibala mumatwi aabantu, Nkabela bakaamba kuti, Coonse Jehova ncaamba, tulacicita, tulaswiilila. 8#Mt 26:28; Mk 14:24; Lk 22:20; 1 Kor 11:25; 1 Pet 1:2; Heb 9:19-20; 10:29Elyo Musa wakabweza bulowa, wabusansaila abantu, wati, Amubone! Mboobu bulowa bwacizuminano Jehova ncatangene anywebo mbuli majwi aya oonse.
9Mpawo Musa a-Aroni, Nadabu a-Abihu, abapati bali makumi aali musanu aabili babana ba-Israyeli, bakatanta, 10#Matl 32:30; Kul 3:6; 33:20,23; Is 6:1,5; Joh 1:18; 1 Tim 6:16; 1 Joh 4:12; Ezk 1:26; 10:1; Ciy 4:3; Mt 17:2nkabela bakabona Leza wa-Israyeli. Kunsi lyamaulu aakwe kwakabonwa mbuli cibuye camabwe casafiri, cisalala mbuli kujulu kwini. 11#Kul 19:21; Matl 16:13; Dt 4:33; Matl 31:54; Kul 18:12Takwakabika maanza aakwe kubapati abo baba-Israyeli pe. Bakabona Leza, alimwi bakaiya akunywa.
12 #
Kul 32:15; Dt 5:22 Mpawo Jehova wakaambila Musa kuti, Tanta kulindime kucilundu, nkakupe zilembelo zyamabwe, amulao amilazyo njendembede kukubaiisya. 13#Kul 33:11Elyo Musa wakanyamuka a-Joshua similimo wakwe, nkabela Musa wakatanta kucilundu kuli-Leza. 14Wakaambila bapati kuti, Amutulindile okuno mane tuboole kulindinywe. Amubone! Aroni a-Huri mpobali; uujisi makani aatole kulimbabo.
15 #
Kul 19:9; Mt 17:5 Mpawo Musa wakatanta acilundu, nkabela ijoba lyakavumba cilundu. 16#Kul 16:10; My 14:10Bulemu bwa-Jehova bwakalikede acilundu ca-Sinai, ajoba lyakalicivumbide mazuba aali musanu abumwi, elyo mubuzuba bwamusanu aabili wakaita Musa mujoba. 17#Heb 12:18Nkabela bulemu bwa-Jehova atala acilundu bwakaboneka mumeso aabana ba-Israyeli mbuli mulilo uuyakisya. 18#Dt 9:9Elyo Musa wakanjila mujoba. Wakatanta acilundu, nkabela Musa wakakala awo acilundu mazuba aali makumi one isikati amasiku.
Currently Selected:
Kulonga 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
