Kulonga 2

Bwanike bwa-Musa

1 # Kul 6:20; My 26:59; 1 Mak 23:13,14 Lino umwi mwaalumi waluzubo lwa-Levi wakaakukwata mwana musimbi wa-Levi. 2#Inc 7:20; Heb 11:23Nkabela oyo mwanakazi wakaminta, wazyala mwana mulombe. Abone kuti mubotu, wakamusisa myezi yotatwe 3Elyo naatakacili kukonzya kumusisa, wakabweza cinzuma camatete, wacisyungulula abulongo abunzuka, wabika mwana mulincico, wacibika akati kamatete kunkomwe yalwizi. 4#Kul 15:20; My 26:59Nkabela mucizi wakwe kaimvwi kulekule kuti abone cisi citike kulinguwe. 5#Inc 7:21Elyo mwana musimbi wa-Farao wakeza kuzoosamba kulwizi, abalanda bakwe basimbi bakali kweenda kumbali lyalwizi. Lino wakabona cinzuma akati kamatete, watuma mulanda wakwe musimbi, wacibweza. 6Elyo naakacivununa, wakabona mwana, nkabela mulombe wakali kulila. Mpoonya awo wakamufwida luzyalo, wati, Nguumwi wabana baba-Hebrayo. 7Lino mucizi wakwe wakaambila mwana wa-Farao kuti, Sa njiinke kuyookuyandawida sikumulela akati kabanakazi ba-hebrayo, kuti akulelele mwana? 8Mwana wa-Farao wakamuvwiila kuti, Koya. Mpawo musimbi wakaya, waita banyina mwana. 9Nkabela mwana wa-Farao wakamwaambila kuti, Bweza oyu mwana, undilelele; nookuvozya mali, Lino mwanakazi wakabweza mwana, waakumulela. 10#Inc 7:21Aboobo mwana wakakula, nkabela wakamubweedezya kumwana wa-Farao. Wakaba mwana wakwe. Nkabela wakamuulika izina lya-Musa, nkaambo wakati, Ndakamununa mumaanzi.

Musa mbwaakacijila ku-Midyani

11 # Inc 7:23-28 # Heb 11:24 Lino kuciindi eco, Musa naakakomena, wakainka kuli basimukowanyina, wabona milimo yabo miyumu. Nkabela wakabona muntu mu-Egepita ulauma mu-Hebrayo, umwi wabasikamukowanyina. 12Elyo wakalanga koonse koonse. Abene kuti taakwe muntu, wakajaya mu-Egepita, wamusisa mumusec. 13Lino nebwakaca, wakali kuya bweenda alimwi, wabona bantu bobile ba-Hebrayo balalwana, wabuzya sikubisya kuti, Ino nkaambonzi nouma munyoko? 14Wakati, Ma! Ngwani wakubika kuti ube silutwe wesu na mubetesi wesu? Sa ulayanda kundijaya mbubonya mbowakajaya mu-Egepita? Amvwe obo, Musa wakayoowa, wati, Ncobeni aya makani alizibidwe. 15#Inc 7:29; Heb 11:27; Matl 24:11; 29:2Alakwe Farao wakamvwa makani, elyo wakali kuyanda kujaya Musa,

Pele Musa wakaloboka kuzwa kuli-Farao, waakukala munyika ya-Midyani. Lino wakakala kumbali lyacikala. 16#Kul 3:1; Matl 29:10; 1 Sam 9:11Nkabela mupaizi waku-Midyani kajisi bana basimbi bali musanu ababili. Abo basimbi bakeza, bateka maanzi, bazuzya zinywido kuti banywisye imbelele zyawisaabo. 17Elyo beembeli bakasika, babatanda, pele Musa wakanyampuka, wabavuna, wabanywisizya imbelele. 18#My 10:29Basike buyo kuli-Reueli wisaabo, wakababuzya kuti, Ino nkaambonzi mwafwambaana sunu? 19Bakavuwa kuti, Umwi muntu mu-Egepita watuvuna mumaanza aabeembeli, alimwi watutekela maanzi akutunywisizya imbelele. 20#Matl 31:54Wakabuzya bana bakwe basimbi kuti, Uli kuli muntu? mwamusiilanzi? Amukamwiite, azoolye insima. 21Lino Musa wakazumina kukala amuntu oyo, nkabela wakapa Musa mwanaakwe musimbi Zipora. 22#Kul 18:3; Heb 11:13Oyo wakazyala mwana mulombe, nkabela wakamuulika izina lya-Gerisomu, nkaambo wakati, Ndali mweenzu munyika imbi.

23 # Kul 7:7; Int 12:5; Matl 18:20; Dt 24:15; Jak 5:4 Lino abe mazuba manji mwami wa-Egepita wakafwa. Abalo bana ba-Israyeli bakali kunyontauka nkaambo kabuzike bwabo, elyo bakalila, nkabela kukwiila kwabo kwamubuzike bwabo kwakamvwigwa kuli-Leza, 24#Matl 15:13-14; Kul 6:5; Int 105:8Leza wakamvwa kunyontauka kwabo, elyo Leza wakaibalukwa cizuminano cakwe ncaakatangene a-Abrahamu a-Izaka a-Jakobo, 25#2 Sam 16:12; Lk 1:25Leza wakabona bana ba-Israyeli. Leza waka ziba makani aabo.

Currently Selected:

Kulonga 2: Ibbaib63

Highlight

Copy