Kulonga 12
12
Milao ya-Pasika mbuyakabambwa
1 #
Lev 23:5; My 9:1-5; 28:16; Dt 16:1-2 Lino Jehova wakaambila Musa a-Aroni munyika ya-Egepita kuti, 2#Kul 13:4; Dt 16:1Mwezi uno uyoomubeda mwezi mutaanzi; uyooba mwezi mutaanzi wamwaka kulindinywe. 3Ambila imbungano yoonse ya-Israyeli kuti, mubuzuba bwakumi bwamwezi uno baleelede kubweza umwi aumwi kabelele mbuli ziinga zyabamawisaabo, ciinga cimwi acimwi cibe akabelele komwe. 4Na ciinga caceya kukuba akabelele, ciswanaane aciinga ncecibambene aco, mweelwe wabantu mbuubede. Amubale bantu mbubalya, mubone na kabelele kalazulila? 5#Lev 22:19; Mal 1:8,14; Heb 9:14; 1 Pet 1:19Kabelele kanu kaleelede kuba kagutu kamwaka omwe katakwe kampenda; amukagwisye kumbelele na kumpongo, 6#Lev 23:15; My 9:3; 26:18; Dt 16:1,6mukakayobole mane kusikila kubuzuba bwakumi aane bwamwezi uno, Lino bantu boonse bambungano ya-Israyeli baleelede kujaya, umwi aumwi kabelele kakwe ciindi calundindiwana. 7Lino baleelede kukombola bulowa akububika kuminsende yoonse yobile akucikunguzyo kumaanda nkobayoolida. 8#My 9:11; 1 Kor 5:8Baleelede kulya nyama masiku ayo ngaonya iiyokedwe. Bailye antoomwe azinkwa zitakwe bumena azisyu zilula. 9Mutailyi abuniini imbisi na iijikidwe amaanzi; amulye iiyokedwe mumulilo, mutwe amyeendo azyamukati zyoonse buyo. 10#Kul 23:18Alimwi mutasii imbutikwa pe, Na kwasyaala imbutikwa, ileelede kutentwa mumulilo. 11#Dt 16:5Alimwi mbuboobu mbumweelede kwiilya, Amulye kamulyaangide muzikungu, ansangu kumaulu aanu, amisako mumaanza aanu. Amulye cakubindaana; ngupasika wa-Jehova. 12#Kul 11:4,5; Am 5:17; My 33:4Nkaambo masiku ayo ngaonya njooinda akati kanyika ya-Egepita, akujaya bana bataanzi boonse bacisi ca-Egepita, nebaba bantu nebaba banyama, abaleza boonse ba-Egepita njoobabeteka. Ndime Jehova. 13#Heb 11:28Nkabela bulowa buyoomubeda citondezyo mumaanda momubede. Ndabona buyo bulowa, ndaindilila, aboobo tamukooyoosikilwa luumo lwakumunyonyoona ciindi eco ncensi ume nyika ya-Egepita,
14 #
Kul 23:15; 34:18; Lev 23:4,5,6-8; 2 Bam 23:21; My 28:17-25; Dt 16:3-8 Buzuba obuno buyoomubeda ciibalusyo. Buyoomubeda ipobwe lyaJehova. Muyoobulemeka, bube ipobwe mumazyalani aanu oonse mane kukabe kutamani. 15#1 Kor 5:7; Matl 17:14; My 9:13; 28:17; Dt 16:3Mazuba aali musanu aabili muleelede kulya zinkwa zitakwe bumena, Mubuzuba butaanzi muleelede kugwisya bumena boonse bwamumaanda aanu, Kufumbwa muntu uulya bumena, kuzwa kubuzuba butaanzi kusikila kubuzuba bwamusanu aabili, oyo muntu ulanyanzigwa bu-Israyeli. 16Mubuzuba buta an zi kuleelede kuba ambungano iisalalisya, alimwi mubuzuba bwamusanu aabili kuleelede kuba imbungano iisalalisya, Takukooyoocitwa milimo niiba imwi mumazuba ayo, cita kubamba zilyo muntu nzyeelede kulya. 17#Kul 13:3Lino muleelede kujatisya eci ciyanza cazinkwa zitakwe bumena, nkaambo mubuzuba obu mbubonya ndakagwisya makamu aanu munyika ya-Egepita, aboobo muleelede kubamba buzuba obuno mumazyalani aanu oonse, bube ipobwe lyalyoonse. 18#Lev 23:5Mumwezi mutaanzi, mubuzuba bwakumi aane bwamwezi, ciindi cagoko, munoolya zinkwa zitakwe bumena, mane kusikila kubuzuba bwamakumi obile abumwi, ciindi cagoko. 19#Kul 23:15; 34:18; My 9:13Mazuba aali musanu aabili takweelede kujanwa bumena mumaanda aanu. Nkaambo kufumbwa muntu uulya bumena, oyo muntu uyootandwa kuzwa kumbungano ya-Israyeli, naba mweenzu naba muzyalwe mucisi. 20Tamukooyoolya zilyo neziba zimwi zili abumena. Mumaanda aanu oonse muleelede kulya zinkwa zitakwe bumena.
21 #
My 9:4; Jos 5:10; Ezr 6:20; Lk 22:7 Mpoonya awo Musa wakaita bapati boonse ba-Israyeli, wabaambila kuti, Kamuya mukalisalile imbelele muziinga zyanu, mukajaye cipaizyo ca-Pasika. 22Alimwi amubweze cisankanya cahisopo, akucinika mubulowa bwamumutiba, mukazile cikunguzyo aminsende yobile abulowa bwamumutiba, Lino kutabi naba omwe akati kanu uuzwa muŋanda yakwe mane bukace. 23#Heb 11:28; Ezk 9:6; Ciy 7:3; 9:4; 2 Sam 24:16; 1 Kor 10:10Jehova ulainda kuti aume ba-Egepita, Abona bulowa bwakucikunguzyo abwakuminsende yobile, Jehova ulaindilila amulyango oyo, takooyoozumizya sikujaya kuti anjile mumaanda aanu kukumuuma. 24Eci ciyanza muleelede kucijatisya, nywebo abana banu, cibe mulao walyoonse. 25Lino mwaakusika kunyika eyo Jehova njayoomupa, mbubonya mbwaakasyomezya, muleelede kujatisya milimo eyi. 26#Kul 13:8,14; Dt 32:7; Jos 4:6; Int 78:6Nkabela bana banu nebayoomubuzya kuti, Ino milimo eyi ilaambanzi? 27muleelede kuvuwa kuti, Ncecipaizyo ca-Pasika ca-Jehova, nkaambo wakaindilila maanda aabana ba-Israyeli bamu-Egepita ciindi eciya naakajaya ba-Egepita; wakavuna maanda esu. Elyo bantu bakakotama, bakomba. 28Nkabela bana baIsrayeli bakaakucita obo mbubonya mbuli Jehova mbwaakalailila ba-Musa a-Aroni. Mbubonya obo mbubakacita.
Ba-Egepita mbubakafwidwa bana babo bataanzi
29 #
Kul 4:22-31; My 8:17; 33:4; Int 78:51; 105:36; Is 37:36 Lino kumalungasiku Jehova wakauma bana boonse bataanzi bamucisi ca-Egepita, kuzwa kumwana mutaanzi wa-Farao iwakakede acuuno cabwami kusikila kumwana mutaanzi wamwaange wamuntolongo, abalo bana bataanzi boonse baŋombe. 30#Matl 11:6; Tus 21:13; Ezk 7:27; Jak 2:13Mpawo Farao wakabuka masiku, walo abalanda bakwe boonse aba-Egepita boonse, nkabela kwakaba kulila kupati mu-Egepita, nkaambo katakwe iŋanda niiba yomwe iyatakajisi mufu. 31#Kul 10:9Nkabela wakaita ba-Musa a-Aroni masiku, wati, Amunyampuke, muzwe akati kabantu bangu, nywebo abana ba-Israyeli boonse. Kamuya, mukakombe Jehova, mbubonya mbumwaamba. 32#Matl 27:34Azyalo imbelele zyanu aŋombe zyanu, kamuya azyo, mbubonya mbumwakaamba, mwiinke. Ambebo amundikombele.
33 #
Kul 11:8; Int 105:38; Matl 20:3 Lino ba-Egepita bakakulubizya bantu kuti babatande kuzwa munyika yabo, nkaambo bakaamba kuti, Toonse tuli bafu. 34Aboobo bantu bakabweza mimpelela yabo kaitana kufu ta, azijikilo zyabo zyakaangwa azisani zyabo amakuko aabo. 35#Kul 3:21-22; 11:2Alimwi bana ba-Israyeli bakacita mbubonya mbuli Musa mbwaakabaambila. Bakakumbila kuba-Egepita zibelesyo zyansiliva azibelesyo zyangolida azyakusama. 36#Matl 15:14; Kul 3:22Nkabela Jehova wakapesya bantu luse mumeso aaba-Egepita. Bakabapa nzebakakumbila, aboobo ba-Egepita bakasaalwa.
Ba-Israyeli mbubakapola kuzwa ku-Egepita
37 #
My 33:3,5; Matl 47:11; 12:2; 46:3; Kul 38:26; My 1:46; 11:21 Elyo bana ba-Israyeli bakeenda kuzwa ku-Ramese kuya ku-Sukoti. Bakali baalumi bali zyuulu zili myanda iili musanu aumwi basimyeendo, kutaamba banakazi abana. 38Amakamu amwi aabantu bamisyobo misyobo akali abo, ambelele aŋombe, matanga manji loko. 39#Kul 6:1; 11:1Nkabela bakajika mimpelela yabo njebakaletelela kuzwa ku-Egepita, bacita zibunge zitakwe bumena, nkaambo teezyakasasa, nkaambo nebakatandwa kuzwa ku-Egepita, bakabula ciindi cakulindila-lindila acakulibambila bulilu.
40 #
Matl 15:13; Gal 3:17; Inc 7:6 Lino ciindi bana ba-Israyeli nebakakede ku-Egepita cakasika kumyaka iili myanda yone amakumi otatwe. 41#Kul 7:4Neyakamana myaka iili myanda yone amakumi otatwe, mubuzuba obo mbubonya makamu oonse aa-Jehova akazwa mucisi ca-Egepita. 42Kali masiku aakulindila Jehova, kuti abapozye kuzwa kunyika ya-Egepita, aboobo masiku ayo ngaonya aba masiku aakuli ndila Jehova kubana boonse ba-Israyeli mumazyalani aabo oonse.
43 #
My 9:14
Lino Jehova wakaambila ba-Musa a-Aroni kuti, Ngooyu mulao waPasika, Kutabi muzwakule naba omwe uulya, 44#Matl 17:12,13Pele muzike uulidwe amali ulakonzya kulya, amana kupalulwa. 45#Lev 22:10Mweenzu na mubelesi teelede kulya pe, 46#My 9:12; Joh 19:33,36; Int 34:20Ipobwe lileelede kuligwa muŋanda yomwe. Nyama yalyo tiielede kugwisigwa anze. Alimwi kutatyolwi cifuwa cayo neciba comwe. 47Imbungano yoonse ya-Israyeli ilacita obo. 48Na kuli mweenzu uukala-kala kulinduwe, alimwi ulayanda kulya Pasika wa-Jehova, baalumi bakwe boonse bataangune kupalulwa. Bamane kupalulwa, baswene afwaafwi kukulya, abe mbubonya mbuli muzyalwe mucisi. Pele uutapalwidwe atalyi pe. 49#My 9:14; 15:15; Gal 3:28Kulaba mulao omwe buyo kumuzyalwe mucisi akumweenzu uuswayaswaya akati kanu.
50Lino bana ba-Israyeli boonse bakacita mbubonya mbuli Jehova mbwaakalailila ba-Musa a-Aroni. 51#Inc 7:36Nkabela mubuzuba obo mbubonya Jehova wakapozya bana ba-Israyeli kuzwa kunyika ya-Egepita ankamu zyabo.
Currently Selected:
Kulonga 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
