Kulonga 11

Mapenzi aakumamanino: ba-Egepita mbubakafwidwa bana babo bataanzi

1 # Kul 12:31 Lino Jehova wakaambila Musa kuti, Nciletela Farao aba-Egepita euumo comwe, Camana buyo eco, uyoomuleka kuti mupole okuno, Amuleka buyo ncobeni uyoomutandilila kuzwa okuno. 2#Kul 3:22; 12:35Lino amba mumatwi aabantu kuti bakumbile, mwaalumi umwi aumwi kumweenzinyina, amwanakazi umwi aumwi kumweenzinyina, zintu zyansiliva azintu zyangolida. 3#Kul 3:21; 12:36; Int 106:46; 2 Sam 7:9; Es 9:4Nkabela Jehova wakapa bantu luzyalo mumeso aaba-Egepita. Alakwe oyo muntu Musa kali mulemu loko munyika ya-Egepita mumeso aabalanda ba-Farao amumeso aabantu.

4 # Kul 12:12,23,29; Am 5:17 Elyo Musa wakati, Mbuboobu mbwaamba Jehova. Mbuli akati kamalangasiku ndainda munyika ya-Egepita, 5#Am 4:10nkabela bana bataanzi boonse bamucisi ca-Egepita balafwa, kuzwa kumwana mutaanzi wa-Farao uukede acuuno cabwami kusikila kumwana mutaanzi wamwanakazi muzike sikuziya, abalo bana bataanzi boonse baŋombe. 6#Am 5:17Kuyooba kulila kupati munyika yoonse ya-Egepita kutanabwenwe, alimwi takukooyooba limbi. 7#Jos 10:21; Job 5:23; Hos 2:18; Mal 3:18Pele bana ba-Israyeli, takukooyooba naba mubwa uubavulumina, naba muntu naba munyama, mukazibe kuti Jehova waanzaanya ba-Egepita aba-Israyeli. 8Aba balanda bako boonse bayooza kukundikotamina, cakuti, Zwa, yebo abantu boonse bakutobela, Kusule lyayaaya njoozwa. Mpawo wakazwa kuli-Farao kafundilide bukali. 9Elyo Jehova wakaambila Musa kuti, Farao takooyooswiilila pe, kuti maleele aangu avule munyika yaEgepita.

10 # Kul 9:12; Dt 2:30; Jos 11:20; Is 63:17; Joh 12:40; Rom 2:5; 9:22 Ba-Musa a-Aroni bakacita aya maleele oonse kumeso aa-Farao, pele Jehova wakayumya moyo wa-Farao, aboobo taakwe naakaleka bana baIsrayeli kuti bazwe mucisi cakwe.

Currently Selected:

Kulonga 11: Ibbaib63

Highlight

Copy