Esita 9
9
Ba-Juda mbobakalwanya bamasi
1 #
Es 8:12; 3:13; 2 Sam 22:41; Is 14:2 Kubuzuba bwakumi mwaatatu bwamwezi wakumi mwiibili uutegwa Ada, ijwi acilaililo camwami nocakeelede kucitwa, buzuba mbubonya basinkondonyina baba-Juda nebakali kulangila kubazundilila cakati sandamuke; ba-Juda bakakomenena basinkondonyina. 2#Es 8:11,17; Int 71:13; Kul 23:27Ba-Juda bakabungana muminzi yabo muzisi zyoonse zyamwami Ahasuera, kuti bajaye babo bakaliyungide kunyonyoona kwabo; taakwe muntu wakakonzya kubaimina, nkaambo kubayoowa kwakalinjilide mikowa yoonse, 3#Tus 16:7Ncobeni, boonse basilutwe bazisi abeendelezi abaleli abaabo bakalijisi mulimo wamwami bakabagwasya ba-Juda; kumuyoowa Moodekai kwakalinjilide mbabo, 4#2 Sam 3:1; 1 Mak 11:9; Int 1:3; Tus 4:18; Is 9:7nkaambo Moodekai wakali mupati muŋanda yamwami, alimwi impuwo yakwe yakamvwigwa muzisi zyoonse, Moodekai wakali kuya bujana nguzu. 5Aboobo ba-Juda bakauma basinkondonyina apanga kabajaya akubajaya akunyonyoona mbuli mbobakayanda bakabasulaika. 6Mu-Susa munzi wamwami ba-Juda bakajaya baalumi bakali myanda yosanwe; 7bakajaya Pasandata, a-Dalaponi a-Asapata, 8a-Porata a-Adalia, a-Aridata 9aPamasata, a-Arisai a-Aridai a-Vaizata, 10#Kul 20:5; Es 5:11; Job 18:19; Int 21:10; Es 8:11bana basankwa ba-Hamani mwana a-Hamedata, asinkondonyina waba-Juda; pele teebakabika munwe kulubono lwabo.
11Buzuba obo, mweelwe wabaabo bakajayidwe mumunzi wa-Susa wakabikwa kunembo lyamwami. 12Elyo mwami wakati kuli-Esita banaakwe, Mumuunzi wa-Susa ba-Juda balijayide akunyonyoona bantu bali myaanda yosanwe alimwi abana baalumi bali kumi ba-Hamani, Ino kabi, balicitidenzi muzisi zimwi zyamwami? Lino uyandanzi? Uyakupegwa. Ukumbilanzi? Uyoocitilwa ncico, 13#2 Sam 21:6,9Esita wakati, kuti kazumina mwami, kabazumizigwa kuti bacite junza mbuli mbokulaililwa sunu. Alimwi bana ba-Hamani bali kumi kabaanzikwa acaanzikilo. 14Mwami wakalailila kuti kukacitwe boobo; cilaililo cakatuminwa buleya, bana bali kumi ba-Hamani bakaanzikwa, 15alimwi ba-Juda bakali mu-Susa bakabungana mubuzuba bwakumi mwaane bwamwezi uutegwa Ada akujaya bantu bakali myaanda yotatwe mu-Susa; pele teebakabika munwe kulubono lwabo. 16#Lev 26:7,8; 1 Tes 5:22Ba-Juda bamwi bakali muzisi zyamwami abalo bakabungene kuti balivune buumi bwabo bapilukilide basinkondonyina akujaya zyuulu zyakali makumi osanwe mwaabili amusanu wabo; pele teebakabika munwe kulubono, 17Eci cakali mubuzuba bwakumi mwaatatu bwamwezi uutegwa Ada, amubuzuba bwakumi mwaane bakalyokezya kabacita buzuba obo kuba bwakupobola akukondwa. 18Ba-Juda bakali mu-Susa bakabungana mulibwakumi mwaatatu amulibwakumi aane, akulyokezya mulibwakumi mwaasanu kabacita obo buzuba bwakupobola akukondwa. 19#Dt 16:11,14; Int 118:15; Ciy 11:10; 1 Sam 25:8; Neh 8:10-12; Es 8:17Nkenkakaako ba-Juda bamutunzi, bakala muminzi iitazingulukide abwaanda, bacita buzuba bwakumi aane bwamwezi uutegwa Ada, kuti bube buzuba bwakukondwa akupobola akulisenya akutuminana zinono.
Ipobwe litegwa “puri”
20Moodekai wakabalembela boobo boonse ba-Juda bakali muzisi zyoonse zyamwami Ahasuera, kulibaafwafwi akulibakule; 21#Int 145:4lugwalo lwakwe lwakabalaya kuti babambe bwakumi mwaane abwakumi aasanu bwamwezi uutegwa Ada myaka yoonse; 22#Int 30:11; Mt 5:4; Joh 16:20-22; Inc 2:44-46kbuli mazuba ba-Juda mobakafutuka kulibasinkondonyina mulingawo, mazuba aamumwezi aakalisandidwe kulimbabo kuzwa kumause kukukondwa, kuzwa kukulila kumazuba aakulyokezya; aya mazuba akeelede kucitwa mazuba aakupobola akukondwa, kabatuminana zinono alimwi akupa bacete zipo. 23Aboobo ba-Juda bakazumina kuti cikabe cilengwa camwaka woonse mbuli Moodekai mbwaakalembede. 24#Es 3:6,7Nkaambo Hamani mwana a-Hamedata mu-Agagi, sinkondonyina waba-Juda, wakayungide kubanyonyoona akuwaala nkakata iitegwa “puri”, kuti abazunde, abanyonyoone; 25#1 Sam 24:12,13; Es 7:10; Int 7:16; 37:12,13pele, mwami naakateelela makani, wakalailila amagwalo kuti ciyungo cakwe cibi cakayungilwa ba-Juda cikajokele nguwe mwini, walo abana bakwe kuti bakaanzikwe acaanzikilo. 26Aboobo balaaulika mazuba ayo kuti ngama-Puri akaambo kankakata iitegwa “puri”. Elyo akaambo kayaayo oonse akalembwa mulugwalo olu, alimwi akaambo kaceeco cakacitika kulimbabo, 27#Es 8:17; Is 56:3,6; Zek 2:11ba-Juda bakazuminina kuti balo lwabo abana babo, alimwi abaabo boonse bakaswanaana ambabo, bakacite cilengwa citakasandulwi cakubamba mazuba aya obile mbuli mbwaakalembede Moodekai, kuciindi cakaambwa myaka yoonse, 28kuti aya akayeeyegwe akubambwa azyalani lyoonse, amunzi woonse, acisi coonse, amunzi mupati woonse, kuti mazuba aya aama-Puri atakazimwi akati kaba-Juda, alimwi kuti luyeeyo lwangawo lutakamani kubana babo.
29 #
Es 2:15; 8:10 Esita namalelo, mwana a-Abihila, wakalemba awalo munguzu zya bwami kaimika lugwalo olu lwabili ama-Puri; 30magwalo akatumwa anguwe kuliboonse ba-Juda bamuzisi zili mwaanda amakumi obile azisanu muzibili zyaAhasuera kaajisi majwi aaluumuno alusyomeko, 31aaimika ma-Puri aciindi ncaakeelede kubambwa, mbuli mbwaakaambide Moodekai, ambuli ba-Juda mbobakalisungwide kulimbabo beni alimwi abana babo mumakani aakuliimya akulila. 32Cilaililo ca-Esita cakaimika kukosola oku kwama-Puri alimwi kwakalembwa mubbuku.
Currently Selected:
Esita 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
