Esita 8
8
Cilaililo cakaamba luvuno lwaba-Juda
1 #
Es 2:7
Mubuzuba obo mbubonya Ahasuera wakapa Esita namalelo lubono lwa-Hamani, sinkondonyina waba-Juda, Alimwi Moodekai naakaboola kumwami (nkaambo Esita wakamwaambila kuti wakalini kulinguwe), 2#Matl 41:42; Es 3:10; Dan 5:29; Lk 15:22mwami wakagwisya nwenwe njaakabwezede kuli-Hamani, akumupa Moodekai; alimwi Esita wakabika Moodekai ajulu lyalubono lwa-Hamani.
3Elyo Esita wakaamba cabili kumwami, kaliwaala kumaulu aakwe amisozi akumukombelezya kuti azime bubi mbwaakacita Hamani mu-Agagi aciyungo ncaakayungila ba-Juda. 4#Es 4:11Mwami wakatambika kafunko kangolida kuliEsita, elyo wakafugamuka akwiima kunembo lyamwami, ulati, 5Kuti kacibotela mwami, kuti wakondwa mulindime, kuti kaciba ciluzi mumeso aamwami, kuti kandimukonda, kaliba jwi lyakusandamuna zilaililo zyakabambwa a-Hamani mu-Agagi zyaamba lunyonyoono lwaba-Juda muzisi zyoonse zyamwami. 6#Neh 2:3; Int 137:6Nkaambo ime inga ndilaumuna buti nkembona lunyonyooko luwida mukowa wangu? 7#Tus 13:22Mwami Ahasuera wakati kuliEsita namalelo akuli-Moodekai mu-Juda, Amulange ndilipede Esita lubono lwa-Hamani, bakamwaanzikide acaanzikilo akaambo wakabika maanza kuba-Juda. 8#Dan 6:8; 2 Tim 2:19Lino amulembele ba-Juda andinywe mbomuyanda zilaililo nzomuyanda; amulembe muzina lyamwami akucisimba acisimbyo camwami, nkaambo taakwe muntu uukonzya kuzima mulao uulembwa muzina lyamwami akusimbwa alusimbo lwamwami.
9 #
Es 3:12; 1:1,22 Aboobo balembi bamwami bakaitwa mubuzuba bwamakumi obile mwaatatu bwamwezi watatu uutegwa Siva; lugwalo lwakabambwa mbwaakalailila Moodekai, kuba-Juda, abeendelezi, abaleli, abasimutwe bazisi kuzwa ku-India kusikila ku-Etiopiya, zisi zili mwaanda amakumi obile azisanu muzibili, kalulembwa mubulembo bwacisi amululimi lwamukowa woonse, alimwi kuba-Juda mubulembo alulimi lwabo, 10#1 Bam 21:8Moodekai wakalemba muzina lyamwami akusimba lugwalo acisimbyo camwami. Wakatuma magwalo abasimposo kabatantide mabbiza aakalijisi luno, mabbiza aakazyedwe mucimpati camwami, 11#Es 3:13; Is 10:6mwakazumizigwa amwami mulingawo kuti ba-Juda bali muminzi yoonse babungane akulivuna, kunyonyoona, kujaya akufwidilizya boonse basilumamba bamukowa acisi coonse cababasoka, kujaya bana abakaintu babo, akusaala lubono lwabo, 12#Kul 15:9,10mubuzuba bwaambwa muzisi zyoonse zyamwami Ahasuera, nkokwaamba kuti buzuba bwakumi mwaatatu bwamwezi wakumi mwiibili, uutegwa Ada. 13#Es 3:14,15Majwi aamucilaililo aeelede kuya kuzisi zyoonse akutuminwa maleya kumikowa yoonse; ba-Juda bakeelede kulibambila kuti bajokezezye basinkondonyina.
14Aboobo basimposo bakazwa, kabatantide mabbiza aamwami aakalijisi luno, kabafwambaanizigwa akulailila kwamwami, cilaililo calo kacaambwa kubuleya mu-Susa munzi wamwami. 15#Tus 28:12,18Moodekai wakazwida kumwami kasamide zikobela zya bwami zisiyasiya azituba, amunsini wangolida acibaakani camalembo aaluleme alimwi aasalala; munzi wa-Susa wakasekelela. 16#Es 9:17; Job 11:17; Int 18:28; Tus 4:18Ba-Juda bakalijisi lumunikilo, alutangalo, alukondo alulemeko; 17#1 Sam 25:8; Neh 8:10; Int 18:43; Matl 35:5; Kul 15:16; Dt 2:25; Es 8:2nkwaakasika majwi aacilaililo camwami, muzisi aminzi yoonse, ba-Juda bakalijisi kukondwa akubotelwa, akupobola akulisenya, Ncobeni, banji babamasi bakaba ba-Juda, nkaambo kakuti kuyoowa ba-Juda kwakalinjilide mbabo.
Currently Selected:
Esita 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
