Deuteronomo 23

Bantu bakasigwa kunjila mumbungano

1Muntu uupwayikide nanka uunyungukide bwaalumi teelede kunjila mumbungano ya-Jehova.

2Mwana wamumanembe teelede kunjila mumbungano ya-Jehova; bana bakwe akusikila kuzyalani lyakumi tabeelede kunjila mumbungano ya-Jehova.

3 # Neh 13:1-2; 4:3-7; Rut 4:5 Mu-Moabu na mu-Amoni teelede kunjila mumbungano ya-Jehova; bana bakwe tabeelede kunjila mumbungano ya-Jehova lyoonse mane kusikila kuzyalani lyakumi; 4#My 22:1-6; Matl 14:18; Dt 2:29; 1 Sam 25:11; 1 Bam 18:4; Is 63:9; Mt 10:40,42; 25:41-46; Jos 24:9nkaambo teebakamutambula azilyo amaanzi munzila ciindi eciya nemwakazwa mucisi ca-Egepita, pele bakatamba Balamu mwana wa-Beori waku-Petori ku-Mesopotamiya, kuti amutuke. 5#My 23:7–24:9; Tus 26:2Nekubaboobo Jehova Leza wanu taakwe naakaswiilila Balamu. Jehova Leza wanu wakasandula lutuko kuti lumubede cilongezyo, nkaambo Jehova Leza wanu wakamuyandisya. 6#Ezr 9:12Tamweelede kuyandaula abuniini kubaletela luumuno acoolwe mazuba oonse aabuumi bwanu.

7 # Matl 25:24-26; Kul 22:21; 23:9; Dt 10:19; Lev 19:34 Tamweelede kusampaula ba-Edomu, nkaambo mbanyoko, Tamweelede kusampaula ba-Egepita, nkaambo mwakali beenzu mucisi cabo. 8Bana babo bamusela watatu balakonzya kunjila mumbungano ya-Jehova.

Makani aakulisalazya muzilao

9Ciindi cakuya kuyoolwisya basinkondonyoko, muzilao zyanu amucenjele kuti mulikasye kuzintu zyoonse zibi.

10 # Lev 15:16; My 5:2,3; 1 Kor 5:11,13 Na kuli muntu naba omwe akati kanu uulisofwaazya masiku, aye aanze lyazilao, atanjili muzilao; 11lino kumabbililo asambe amubili; izuba iyabbila buyo, anjile muzilao.

12Muleelede kuba abusena anze lyazilao nkomukonzya kwiinka. 13Alimwi uleelede kuba afosyolo akati kazibelesyo zyako, lino ciindi cakuligwasya anze lyazilao, uleelede kusya andilyo, ukaliile zibi zyako. 14#Matl 15:1; Lev 26:12; Jer 32:40; 2 Kor 6:16; Kul 3:5Nkaambo Jehova Leza wanu uleendeenda akati kazilao, kuti amuvune akwaaba basinkondonyoko mumaanza aanu; nkaambo kako zilao zyanu zileelede kusala la, ataboni cintu neciba comwe cuusya insoni, atamufutatili.

Milao yamuzike uulobokede aimwi

15 # 1 Sam 30:15 Muzike uuloboka simalelaakwe akuza kulindinywe, mutamupilusyi kulisimalelaakwe pe; 16#Kul 22:21; 23:9; Tus 22:22; Jer 7:6; Zek 7:10; Mal 3:5; Jak 2:6akale anywebo akati kanu, kufumbwa nkwalisalila muminzi yanu, kufumbwa kumubotela. Mutamupenzyi pe.

17 # Lev 19:29; Tus 2:16; Matl 19:5; 2 Bam 23:7 Kutabi naba omwe akati kabana basimbi ba-Israyeli na akati kabana baalumi ba-Israyeli uucita bwaamu bwamuzikombelo. 18Mutaleti zyakuyola zyamwanakazi mwaamu nanka zyakuvola zyamubwa muŋanda yaJehova Leza wanu kukuzuzikizya cikonke, nkaambo ezi zyoonse zyobile nzezisesemyo kuli-Jehova Leza wanu. 19#Kul 22:25; Lev 25:36-37; Dt 15:7-11; Neh 5:2,7; Int 15:5; Lk 6:34Toelede kukolotya sikamukowanyoko cakujana impindu, nkokuti impindu yamali niiba impindu yacakulya niiba impindu yacintu cili coonse cikolotesegwa. 20#Lev 19:34; Dt 15:10Muzwakule ulakonzya kumukolotya cakujana impindu, pele sikamukowanyoko toelede kumukolotya cakujana impindu pe, kuti Jehova Leza wanu amupe coolwe mumilimo yanu yoonse munyika eyo njemuyoovuba.

21 # My 30:1-16; Mt 5:33; Job 22:27; Int 61:8; Muk 5:4,5 Na wakonkezya Jehova Leza wako cikonke, utamuki kucizuzikizya, nkaambo ncobeni Jehova Leza wako ulaciyandaula, aboobo mulaba cibi mulinduwe. 22Pele na tokonkezyi, tokwe cibi. 23#Int 66:13Cenjela kuti ucite zyoonse zyazwa mumulomo wako, nkaambo ncowaamba amulomo wako wacikonkezya Jehova Leza wako amoyo wako.

24 # Mt 12:1; Lk 12:15; 1 Kor 6:10; Kol 3:5 Na wasika kumuunda wamasaansa wamweenzinyoko, ulakonzya kulya misaansa cakukuta, pele toelede kubweza mucibwezelo cako. 25Na wasika kumaila aamweenzinyoko aaciimvwi, ulakonzya kupulaula akupuka, pele toelede kugonka maila aamweenzinyoko acigonsyo.

Currently Selected:

Deuteronomo 23: Ibbaib63

Highlight

Copy