Daniele 4
4
Nebukadinezara mbwaakasondoka
1 #
Dan 3:4
Mwami Nebukadinezara ulajuzya bantu bamisyobo yoonse azisi zyoonse amyaambo yoonse bakede munyika yoonse. Luumuno luvule akati kanu. 2#Int 66:16; Dan 3:26Ndali kuyeeya kuti ncibotu kumutondezya zitondezyo amalele Leza wakujulu ngaakacita kulindime, 3#Dan 6:27; 2:44Ma! Zitondezyo zyakwe zilayoosya, amalele aakwe alagambya! Bwami bwakwe mbwami butamani, abweendelezi bwakwe mbwakumazyalani amazyalani!
4Mebo nde-Nebukadinezara ndakaliliibide muŋanda yangu akukala kabotu muŋanda yangu yabwami. 5#Dan 2:1,28Ndakalota ciloto icakandiyoosya; miyeeyo njendakali kuyeeya abulo bwangu azilengano zyamoyo wangu zyakandipenzya. 6Lino ndakalailila kuti basongo boonse ba-Babuloni baletwe kulindime, kuti bandipandulwide ciloto mbocaamba. 7#Matl 41:8; Is 8:19Elyo kwakanjila basondi abacape aba-Kasidi abaŋanga, nkabela ndakakanana ciloto mumatwi aabo. Pele kucipandulula teebakandipandulwida pe. 8#Dan 1:7; 5:11-14; Int 25:14; Is 63:11Lumwi kwakanjila Daniele, ngonguwe iwakaulikwa izina lya-Belitsazara mbubonya mbuli izina lya-Leza wangu. Mulinguwe muli muuya wabaleza basalala. Lino ndakamulwiida ciloto, ndati, 9#Dan 1:20; 2:48O Belitsazara, mupati wabasondi boonse, ndizi kuti mulinduwe muli Muuya wabaleza basalala, alimwi taakwe makani aasisidwe kulinduwe. Nceeci ciloto ncindakalota. Kondipandulwida mbocaamba. 10#Int 37:35,36; Ezk 31:3; Is 10:33,34Zilengano zyamumoyo wangu abulo bwangu nzeezi. Ndakabona musamu akati kanyika, Bwiime bwawo bwakali bulamfu. 11Oyu musamu wakamena akujata inguzu, mane lumwi mutwe wawo wakasika kujulu, alimwi wakaboneka koonse koonse akusikila kumagolelo aanyika. 12#Ezk 17:23; Malo 4:20Matu aawo akali kabotu, amicelo yawo yakavulisya, aboobo boonse bakajana zilyo mulinguwo. Banyama bamusokwe bakali kujana cenzule kunsi lyawo, abayuni bakujulu bakali kukala mumitabi yawo, abaumi boonse bakasaninwa nguwo.
13 #
Int 103:20; Is 6:3,8; Dan 8:13; Mt 18:10; Mk 1:24; Lk 4:34; Jud 1:14 Lino muzilengano zyamumoyo wangu abulo bwangu ndakabona mulangizi uusalala ulaseluka kuzwa kujulu, 14#Dan 5:20; Am 3:6; Lk 3:9; Mt 3:10; Ezk 31:12Wakoongolola loko, waamba kuti, Amugonke oyo musamu akunyungaula mitabi yawo. Amucele matu aawo akumwaya micelo yawo. Banyama bazwe kunsi lyawo, abalo bayuni bazwe mumitabi yawo. 15Nekubaboobo amuleke cisiko camiyanda yaco kacicisyeede munyika, caangidwe caanzyo cansimbi amukuba, akati kamweemvwe wamusokwe. Atete kumumee wakujulu, azilyo zyakwe zibe bwizu bwaansi antoomwe abanyama. 16#Dan 7:25; 11:13; 12:7Moyo wakwe usanduke, utabi limbi moyo wabuntu, abe amoyo wabunyama, mane myaka iili musanu aibili imumanine. 17#Int 9:16; 83:18; Dan 2:21; 5:21Aya makani akosoka kujwi lyabalindizi; azwa kumajwi aabasalala, kuti baumi boonse bazibe kuti Syakeemba nguuendelezya mubwami bwabasyaansi, alimwi ulabupa kufumbwa ngwayanda akubusya naba muntu uubombede abweendelezye. 18#Matl 41:8,15; Is 47:12-14; Dan 5:8,15Nceeci ciloto ncindakalota mebo ndemwami Nebukadinezara. Lino webo, O Belitsazara, pandulula ciloto mbucaamba, nkaambo basongo boonse bamubwami bwangu bakacilwa kundipandulwida mbucaamba, pele webo ulakonzya, nkaambo muuya wabaleza basalala mulikede mukati kako.
19 #
2 Sam 18:32; Jer 29:7 Mpawo Daniele, ngonguwe Belitsazara, wakagamba ciindi cilamfulamfu, amiyeeyo yakwe yakali kumupenzya. Lumwi mwami wakati, Belitsazara, ciloto citakupenzyi, nikuba kupandulula kwaco. Lino Belitsazara wakavuwa kuti, O simalelaangu, ciloto cibe cabaabo bakusulide, akupandulula kwaco kube kwabaabo bakubusizya inkondo. 20Musamu nguwakabona, iwakakula akujata inguzu mane bwiime bwawo bwakasika akujulu, alimwi wakaboneka koonse koonse kunyika yoonse, 21iwakali amatu mabotu amicelo mmu, alimwi mulinguwo mwakali zilyo zyakusanizya boonse, musamu banyama bamusokwe ngubakajana cenzule kunsi lyawo, abayuni bakujulu bakali kukala mumitabi yawo— 22#Job 20:5; Dan 2:38; Jer 27:6-8nduwe, O mwami ookulide akujata inguzu. Bupati bwako bwakomena, bwasika akujulu, abwami bwako bwasika akumagolelo aanyika. 23#Dan 5:21Lino mwami mbwaakabona mulangizi uusalala ulaseluka kuzwa kujulu cakwaamba kuti, Amugonke musamu oyo akuunyonyoona, pele amuleke cisiko camiyanda yawo cicisyeede munyika, caangidwe caanzyo cansimbi amukuba, akati kamweemvwe wamusokwe, alimwi atete kumumee wakujulu, akwaabana zilyo abanyama bamusokwe, mane myaka iili musanu aibili imumanine— 24#Job 34:19; Int 107:40; Is 46:10,11mbuboobu makani mbwaapandululwa, O mwami. Kwazwa mulazyo kuli-Leza wakujulu, makani aamwami simalelaangu. 25#Int 106:20; 9:16; 58:11; 64:9; 83:18; Jer 27:5Uyootandwa kuzwa kubantu, acikalilo cako ciyooba antoomwe abanyama bamusokwe. Uyoosanizigwa bwizu mbuli musune, alimwi uyooteta kumumee wakujulu, nkabela myaka iili musanu aibili iyookumanina, mane lumwi ukazibe kuti Leza wakujulu nguuendelezya mubwami bwabantu akubupa kuliyooyo kufumbwa ngwayanda. 26#Mt 21:25; Lk 15:18Pele mbuli mbukwakalaililwa kuti cisiko camiyanda yamusamu cisyaale, bwami bwako buyookusyaalila, buyooba bwako kuzwa kuciindi nonooyoozi kuti Ijulu ndelyeendelezya. 27#Is 58:7; Ezk 18:7; Inc 8:22; 1 Pet 4:8; Int 41:1Nkaambo kako, O mwami, lulayo lwangu lutambulike kulinduwe. Leka zibi zyako akucita bululami. Manisya milandu yako kukufwida bapengede luzyalo. Inga ciindi caluumuno lwako ciyoolampisigwa.
28Aya makani oonse akaba ncobeni kuli-Nebukadinezara. 29Kumane myezi iili ikumi aibili, wakali kweendeenda kuŋanda yabwami yaku-Babuloni. 30#Tus 16:18; Is 26:10Elyo mwami wakaamba kuti, Sa teensi oyu munzi mupati, Babuloni, ngunjakide kunguzu zyangu zigambya kuti ube cikalilo cabwami aŋanda yabulemu bwangu? 31#Dan 5:5; Inc 12:23Naakacili kwaamba majwi aya, kwakamvwigwa ijwi lizwa kujulu, liti, Swiilila, Nebukadinezara! Eci caambilwa nduwe. Bwami bwakuleya. 32Ulatandwa kuzwa kubantu. Cikalilo cako cilaba antoomwe abanyama bamusokwe. Ulasanizigwa bwizu mbuli itjombe, nkabela myaka iili musanu aibili ilakumanina, mane ukazibe kuti Leza wakujulu nguuendelezya mubwami bwabantu akubupa kufumbwa ngwayanda, 33#Job 20:5; Int 37:35,36Mpoonya awo mubuzuba obo mbubonya makani akazuzikizigwa kuli-Nebukadinezara. Wakatandwa kuzwa kubantu, wali kulya bwizu mbuli musune, amubili wakwe wakateta kumumee wakujulu. Masusu aakwe akalampa mbuli milimba yasikwaze, amaala aakwe akaba mbuli maala aabayuni.
34 #
Dan 12:7; Ciy 4:10; Int 10:16; Jer 10:10; Mik 4:7; Lk 1:33; Ciy 11:15 Amane mazuba, mebo nde-Nebukadinezara ndakatambya meso aangu kujulu, elyo busongo bwangu bwakandiboolela, nkabela ndakalumba Leza wakujulu, ndakatembaula akulemeka oyo uuliwo lyoonse. Bwami bwakwe mbwami butamani, abweendelezi bwakwe bucili wo mane kusikila kumazyalani amazyalani. 35#Int 39:5; 33:11; Is 40:15; 46:10,11; 1 Sam 3:18; Job 34:29; 9:12; Is 45:9Bantu boonse bakede ansi tabayeeyegwi kuti ncintu kulinguwe. Ulacita kufumbwa ncayanda akati kamakamu makamu aakujulu abantu bakede ansi. Taakwe uukonzya kukasya ijanza lyakwe nanka kumubuzya kuti, Ncinzi ncocita? 36#Job 42:12Lino kuciindi eco nciconya busongo bwangu bwakandiboolela, abwalo bulemu bwabwami bwangu, bupati bwangu akumweka kwangu zyoonse zyakandiboolela, Basinkuta bangu abapati bangu bakandiyandaula, aboobo ndakaimikwa nji mubwami bwangu akuyungizizigwa bulemu bunji. 37Lino sunu mebo nde-Nebukadinezara ndalemeka akutembaula akulumba Mwami wakujulu, nkaambo milimo yakwe yoonse njakasimpe, anzila zyakwe zililuleme, abaabo beenda cakulisumpula ulakonzya kubafwiinsya.
Currently Selected:
Daniele 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
