2 Samuele 6
6
Ibbokesi lya-Jehova mbulyakalonzegwa kuzwa kwa-Abinadabu
1Lino Davida wakayobolola boonse basintaze baba-Israyeli, kabali zyuulu zyotatwe. 2#Kul 25:22; 1 Mak 13:5; 1 Sam 4:4; Int 80:1Mpawo Davida wakanyamuka abantu boonse mbaakali abo kuya ku-Baale-Juda kuyooleta kuzwa oko ibbokesi lya-Leza, ndilyonya liambwa mbuli izina lya-Jehova wamakamu makamu uukala akati kabakerabimu. 3#1 Sam 7:1-2; My 7:9Nkabela bakabika ibbokesi lya-Leza aŋola impya akuligwisya muŋanda ya-Abinadabu yakucilundu, abalo Uza a-Ahio bana ba-Abinadabu bakali kweenzya iŋola impya. 4Mbuboobo mbubakaligwisya muŋanda ya-Abinadabu yakucilundu, abbokesi lya-Leza, nkabela Ahio wakali kusololela ibbokesi. 5Lino Davida abasiluzubo boonse ba-Israyeli bakali kusekelela kubusyu bwa-Jehova azilizyo zyazisamu zyamulombe, abanamalwa atuntimbwa atugoma ansaka azigweele. 6#My 4:15Lino nibakasika kucipolelo caNakoni, Uza wakatandabika ijanza lyakwe akujata ibbokesi lya-Leza nkaambo basune bakati lilosye. 7#1 Sam 6:19Mpoonya awo bukali bwa-Jehova bwakabukila Uza, nkabela Leza wakamuuma nkaambo kakuluba kwakwe, wakafwa nkukonya oko kubbokesi lya-Leza. 8Lino Davida wakabijilwa nkaambo kakusotoka kwa-Jehova nkwaakasotokela Uza, aboobo oku kuntu wakakuulika izina lya-Luumo-lwa-Uza, mbukucaambwa asunu. 9#My 17:12,13; 1 Sam 5:10,11; Int 119:120; Lk 5:8Nkabela Davida wakayoowa Jehova kubuzuba obo, wakati, Ibbokesi lya-Jehova lisike buti kulindime? 10Aboobo Davida teewakayanda kulonzya ibbokesi lya-Jehova kulinguwe kumunzi wa-Davida, pele wakalitola kuŋanda ya-Obedi-Edomu mu-Giti. 11#1 Mak 26:4-5; Matl 30:27; 39:5; Tus 3:9,10; Is 61:9Lino ibbokesi lya-Jehova lyakakala kuŋanda ya-Obedi-Edomu mu-Giti myezi yotatwe, nkabela Jehova wakamupa coolwe Obedi-Edomu abasiluzubo bakwe boonse.
12Elyo mwami Davida wakaambilwa kuti, Jehova wabapa coolwe basinanda ba-Obedi-Edomu aboonse mbajisi nkaambo kabbokesi lya-Leza, Mpawo Davida wakaya kuyoogwisya ibbokesi lya-Leza kuŋanda ya-ObediEdomu akulileta kumunzi wa-Davida cakusekelela. 13#My 4:15; Jos 3:3; 1 Mak 15:2,15; 1 Bam 8:5; 2 Mak 5:6Lino basikuyumuna ibbokesi lya-Jehova nibakamana kweenda intaamu zili musanu aimwi, elyo wakapaila cipaizyo camusune amunyama uuneneede. 14#Kul 15:20; Bab 11:34; 21:21; Int 30:11; 1 Sam 2:18; 1 Mak 15:27Nkabela Davida wakazyana canguzu zyoonse kubusyu bwa-Jehova, alimwi kasamide cikobela camulembo uutuba. 15Mbuboobo Davida aluzubo loonse lwa-Israyeli mbubakalonzya ibbokesi lya-Jehova cakuyowela acakulizya mweembo.
16Mpuwo ibbokesi lya-Jehova nilyakasika buyo kumunzi wa-Davida, Mikala mwana musimbi wa-Saulo wakasondela acipulo, nkabela naakabona mwami Davida ulasotoka akuzyana kubusyu bwa-Jehova, wakamusampaula mumoyo wakwe. 17#1 Mak 15:1; Int 132:8; 1 Bam 8:5Lino bakaleta ibbokesi lya-Jehova, bakalitula amweenya walyo mukati kacilao ncaakalibambila Davida. Mpawo Davida wakatuula zituuzyo azipaizyo zyakutontozya kubusyu bwa-Jehova. 18Nkabela Davida naakamana kutuula zituuzyo azipaizyo zyakutontozya, wakakondezya bantu muzina lya-Jehova wamakamu makamu. 19#1 Mak 16:43Alimwi wakaabila bantu boonse, nkukuti imbungano yoonse yaba-Israyeli, nibaba baalumi nibaba banakazi, umwi umwi caabilo cacinkwa acituli can yama acibunge camicelo iiyanikidwe, Elyo bantu boonse bakapambukana umwi aumwi kuŋanda yakwe, 20#Muk 7:16; Is 59:15; 1 Sam 19:24; Bab 9:4Mpawo Davida wakaboola kuzoolongezya basiŋanda bakwe. Nkabela Mikala mwana musimbi wa-Saulo wakeza kuzoocinga Davida, wakati, Ma! Weebeka sunu mwami wa-Israyeli naakalivumbula kumeso aabasimbi babalanda bakwe mbubonya mbubalivumbula basikambotwembotwe! 21#1 Sam 13:14; 15:28Lino Davida wakaambila Mikala kuti, Ndakali kubusyu bwaJehova, nguwe iwakandisala kwiinda uso abasiluzubonyina boonse, kuti andibike mbuli mweendelezi wabantu ba-Jehova, Nzoosekelela kubusyu bwa-Jehova. 22Nzoosowa bulemu alimwi akwiinda mbundacita sunu, nzooba mubombe amumeso aangu ndemwini, elyo abo basimbi mboamba nzoolemekwa loko kulimbabo. 23#1 Sam 15:35; Is 22:14Lino Mikala mwana wa-Saulo takazyala mwana pe mane kusikila kubuzuba mbwaakafwa.
Currently Selected:
2 Samuele 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
