2 Makani 18
18
Josafati mbwaakatanga mulongo a-Ahabu
1 #
Dt 8:10,18; 1 Sam 2:7,30; 1 Bam 3:13; 1 Mak 29:11,12; 2 Mak 17:5; Int 112:2-9; Tus 3:13,16; 4:5-8; Muk 5:19; 1 Tim 4:8; Matl 6:2; 2 Bam 8:18; 2 Kor 6:14 Josafati kajisi buvubi abulemu bunji. Nkabela wakatanga mulongo walukwatano aluzubo lwa-Ahabu. 2#1 Bam 22:2; 2 Mak 19:2Lino myaka imwi niyakamana, wakaya kukuswaya Ahabu ku-Samariya. Nkabela Ahabu wakamujayila imbelele aŋombe zinji, walo abantu mbaakeza abo, alimwi wakamukombelezya kuya kukulwisya Ramoti-Gileadi. 3Ahabu mwami wa-Israyeli wakaambila Josafati mwami wa-Juda kuti, Sa tatukonzyi kuya ayebo ku-RamotiGileadi? Elyo wakamuvwiila kuti, Ndili mbubonya mbuli nduwe, abalo bantu bangu bali mbubonya mbuli bantu bako. Tulaya toonse kunkondo.
Mikaya mbwaakasinsima mapenzi
4 #
1 Sam 23:2-9; 2 Sam 2:1; 1 Bam 22:5,6; 2 Mak 34:26; Jer 21:2; Ezk 20:3 Elyo Josafati wakaambila mwami wa-Israyeli kuti, Atutaangune kubuzya makani kuli-Jehova. 5#Jer 23:17; Ezk 13:3; Mt 23:16-19Mpawo mwami wa-Israyeli wakabunganya basinsimi, bantu bali myanda yone, wababuzya kuti, Sa ncibotu kuti tuye kukulwisya Ramoti-Gileadi, na sa ncibotu kuleka? Nkabela bakavuwa kuti, Koya kukulwisya. Leza ulaaba munzi mumaanza aamwami. 6Pele josafati wakabuzya kuti, Sa takusyeede aumwi musinsimi wa-Jehova, kuti tubuzye kumulomo wakwe? 7Mwami wa-Israyeli wakavwiila Josafati kuti, Kwasyaala muntu omwe ngutukonzya kubuzya ijwi lya-Jehova kumulomo wakwe, pele ndimusulide, nkaambo tasinsimi aandime makani mabotu pe; mazuba oonse ulasinsima makani mabi. Ngu-Mikaya mwana wa-Yimla. Pele josafati wakaamba kuti, Mwami ataambi obo pe. 8Mpawo mwami waIsrayeli wakaita silutwe, wamulailila kuti, Fwambaana kuleta okuno Mikaya mwana wa-Yimla. 9Lino mwami wa-Israyeli a-Josafati mwami wa-Juda bakalikede umwi aumwi acuuno cakwe cabwami, kabasamine zikobela zyabo, kucipolelo cakumulyango wa-Samariya, alimwi basinsimi boonse bakali kusinsima kumeso aabo. 10Nkabela Zedekiya mwana wa-Kenana kalicitilide meja aabutale, elyo wakati, Mbuboobu mbwaamba Jehova. Aya ngaakutonsya ba-Aramu mane bakanyonyooke. 11Abalo basinsimi boonse bakasinsima mbubonya, Bakati, Koya kukulwisya Ramoti-Gileadi, ukazunde. Jehova ulauaba mumaanza aamwami.
12Lino mutumwa iwakaya kuyooita Mikaya wakamwaambila kuti, Bona! Majwi aabasinsimi boonse alazuminana kukwaamba makani mabotu aamwami. Ijwi lyako libe mbubonya mbuli majwi aabo. Amba kabotu. 13#My 22:18,20,35; 23:12,26; 24:13; 1 Bam 22:14; Jer 23:8; 42:4; Ezk 2:7; Mik 2:6,7; Inc 20:27; 1 Kor 11:23; 1 Tes 2:4Pele Mikaya wakavuwa kuti, Ncobeni Jehova mbali muumi, kufumbwa cintu Leza wangu ncaamba, ncencico ncenti ambe. 14#1 Bam 18:27; Am 4:4Elyo naakasika kumwami, mwami wakamubuzya kuti, Mikaya, sa twiinke ku-RamotiGileadi kuyoolwisya, na tuleke? Wakati, Koya, ukazunde. Bayooabwa mumaanza aanu. 15Pele mwami wakamwaambila kuti, Ziindi zili zyongae nzendeelede kukulailila kuti undaambile lusinizyo luzutu muzina lyaJehova? 16Elyo wakati, Ndakabona ba-Israyeli boonse balimwaikide azilundu mbuli imbelele zitakwe mweembeli. Lino Jehova wakati, Aba tabajisi mwami; bapiluke kulimbabo caluumuno. 17Mpoonya awo mwami wa-Israyeli wakaambila Josafati kuti, Sa teendakakulwiida kuti takonzyi kusinsima aandime makani mabotu, pele makani mabi luzutu? 18#Int 103:20; Dan 7:9Mikaya wakati, Mbubo! Amuswiilile ijwi lya-Jehova. Ndakabona Jehova ulikede acuuno cakwe cabwami, amakamu oonse aakujulu aliimvwi kunembo lyakwe, kululyo akulumwensi. 19Lino Jehova wakabuzya kuti, Ino nguni uukonzya koongelezya Ahabu mwami wa-Israyeli, kuti ainke kuyoonyonyooka ku-Ramoti-Gileadi? Nkabela boonse bakapambukana mukwaamba kwabo, 20#Job 1:6; 2 Tes 2:9mane lumwi kwakeza muuya akwiimikana kubusyu bwa-Jehova, wakati, Mebo ndakonzya kumoongelezya, Jehova wakamubuzya kuti, Uyoomoongelezya buti? 21#1 Bam 22:21,22; Hos 4:12; Zek 13:2; Joh 8:44Wakati, Njooinka akuba muuya wabubeji mumilomo yabasinsimi bakwe boonse, Wakati, Ncobeni uyoomoongelezya, uyookonzya. Koya, ukacite obo. 22#Job 12:16; Is 19:14; Ezk 14:9; Mt 24:24,25; 2 Tes 2:9-11; Jak 1:13Lino bona! Jehova wabika muuya wabubeji mumilomo yabaaba basinsimi bako, pele makani Jehova ngaamba aanduwe mabi.
23 #
Jer 20:2; Mk 14:65; Inc 23:2 Mpawo Zedekiya mwana wa-Kenana wakaswenenena kuli-Mikaya, wamuuma kuseya, wati, Muuya wa-Jehova wandisia buti kuyooambila nduwe? 24Mikaya wakavuwa kuti, Uyoobona mubuzuba obo mboyoonjila muŋanda yamukati kukuyuba. 25Lino mwami wa-Israyeli wakati, Amujate Mikaya, mumutole kuli-Amoni mweendelezi wamunzi akuli-Joasi mwana wamwami, 26#1 Sam 25:21; 2 Mak 16:10; Lk 23:2mubaambile kuti, Mbuboobu mbwaamba mwami. Amubike muntu oyu muntolongo, mumusanizye insima yakubuya amaanzi luzutu mane nkaboole caluumuno. 27Pele Mikaya wakati, Na ncobeni ulaboola caluumuno, teensi Jehova wakaamba kumulomo wangu. Alimwi wakati, Amuswiilile nubantu nyoonse.
Ahabu mbwaakazundwa
28Lino mwami wa-Israyeli a-Josafati mwami wa-Juda bakainka kuRamoti-Gileadi. 29#1 Sam 28:8; Tus 10:24Nkabela mwami wa-Israyeli wakaambila Josafati kuti, Mebo ndalyeenenya akunjila munkondo, pele webo sama zikobela zyako. Aboobo mwami wa-Israyeli wakalyeenenya, elyo bakanjila munkondo. 30Lino mwami wa-Aramu wakalailila basilutwe bankalaki zyakwe kuti, Mutalwisyi muntu naba omwe, naba muniini naba mupati, cita mwami waIsrayeli alike. 31#Tus 13:20; Int 46:1Mpawo basilutwe bankalaki nibakabona Josafati, bakayeeya kuti ngonguwe mwami wa-Israyeli, aboobo bakaleya kumulwisya. Elyo josafati wakalila, nkabela Jehova wakamugwasya. Leza wakabagwisya kulinguwe. 32Basilutwe bankalaki nibakabona kuti engwe mwami waIsrayeli, bakaleka kumutobela. 33Pele umwi muntu wakafusya buta bwakwe cakutaziba, wayasa mwami wa-Israyeli akati kazikwabilizyo zyacikungu azyacamba. Elyo wakaambila sinkalaki kuti, Piluka, undigwisye munkondo, nkaambo ndiyasidwe. 34Nkabela inkondo yakavuta buzuba obo, amwami wa-Israyeli wakalitabilidwe munkalaki kalangide aba-Aramu mane kusikila mangolezya, elyo kuciindi camabbililo aazuba wakafwa.
Currently Selected:
2 Makani 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.