1 Ba-Korinto 7
7
Makani aakukwata
1Lino makani ngimwakandilembela ngaaya. Ncintu cibotu kumwaalumi kutaba alulalano amwanakazi niluba luniini. 2Nekubaboobo nkaambo kamamambe, umwi aumwi abe amwanakazi wakwe mwini, alakwe mwanakuzi umwi aumwi abe amulumaakwe mwini. 3Mulumi uleelede kupa mwanakazi wakwe zyeelede, alakwe mwanakazi ape mulumaakwe mbubonya. 4Mwanakazi takonzyi kucita mbuli mbwayanda kumubili wakwe mwini, mulumi nguujisi bwami. Mbubonya obo alakwe mulumi takonzyi kucita mbuli mbwayanda kumubili wakwe, mwanakazi nguujisi bwami. 5Mutaondonganyi, cita muzuminane kucita obo ziindi zimwi kuti mubike myoyo yanu kukukomba, elyo kusule muboole kuswanaana. Saatani atamutepauli kukutalyeendelela kwanu. 6Pele aya makani ngindaamba niimiyeeyo yangu, teensi mulazyo pe. 7#Mt 19:12Nkaambo ninjanda kuti bantu boonse babe mbuli ndime. Nekubaboobo umwi aumwi ulijisi caabilo cakwe mwini ncapegwa kwa-Leza, umwi boobu, umwi bumbi.
8Pele abo batakwete, abalo bamukabafu, ndabaambila kuti ncibotu kulimbabo kuti bakale obo, mbuli ndime ndemwini, 9#1 Tim 5:14Nekubaboobo kuti tabakonzyi kulyeendelela, bakwate, nkaambo kukwata nkubotu kwiinda kufwa luunyaunya.
10 #
Mt 5:32; 19:9; Mk 10:11-12; Lk 16:18 Kulibaabo bakwete kale ndalailila boobo, nkabela teensi ndime endailila, ngu-Mwami, Mwanakazi teelede kulekana amulumaakwe. 11Kuti ulimulekede kale, uleelede kukala katakwetwe, nanka kuyanzana amulumaakwe. Alakwe mwaalumi teelede kuleka mukaakwe. 12Pele bantu bamwi ndabaambila boobo. (Majwi aya ngaangu ndemwini, teensi aa-Mwami). Akuli umwi sibunyina uujisi mukaakwe uutali muzumini, lino moyo wakwe wanooyanda kukala kulinguwe, atamuleki. 13Alimwi, akuli umwi mwanakazi uujisi mulumaakwe uutali muzumini, lino moyo wakwe wanooyanda kukala kulinguwe atamuleki, 14#Rom 11:16Nkaambo mulumi uutali muzumini ulasalazigwa kumukaakwe, alakwe mukazi uutali muzumini ulasalazigwa kumulumaakwe. Kwatakuli boobo bana banu nibatasalali, anukuti lino balasalala. 15#Rom 14:19Pele kuti sikutazumina ulayanda kulekana, mbubo, balekane, Kwakuli boobo, sibunyina naba mwaalumi naba mwanakazi taangidwe kulukwato, Nduumuno ndwaakatwiitila Leza. 16#1 Pet 3:1Nkaambo webo, mwanakazi, sa tozi kuti inga ulafutula mulumaako? Ayebo, mwaalumi, sa tozi kuti inga ulafutula mukaako?
17 #
1 Kor 7:20,24 Umwi aumwi aende mbubonya mbwaabilwa mulimo wakwe kwa-Leza, akale mbwaakabede kuciindi Leza ncaakamwiita, Mbuboobu mbundailila mumbungano zyoonse, 18Sa kufumbwa muntu wakali mupalule ciindi ncakaitwa? Atabweedezyi lulomo lwakwe, Sa kufumbwa muntu wakali silulomo ciindi ncaakaitwa? Atapalulwi, 19#Gal 5:6; 6:15; Rom 2:25Bupalule tabukwe makani, alwalo lulomo talukwe makani. Kulomya milazyo ya-Leza nkokujisi makani, 20Kufumbwa muntu akale mbubonya mbwaakabede ciindi ncaakaitwa. 21Na koli muzike nowakaitwa, taakwe makani, Pele kuti kokonzya kuba mulubusi, konaba boobo, 22#Ef 6:6; Flm 1:16Nkaambo oyo iwakali muzike kuciindi ncaakaitwa mu-Mwami ngumulubusi wa-Mwami. Mbubonya obo alakwe iwakali mulubusi kuciindi ncaakaitwa ngumuzike wa-Kristo. 23Mwaakaulwa muulo. Nkaambo kaako mutabi bazike babantu. 24Umwi aumwi, bakwesu, uleelede kukala kubusyu bwa-Leza mbubonya mbwaakabede kuciindi ncaakaitwa.
25 #
1 Tim 1:12,13 Kumakani aabasimbi batakwetwe nsijisi mulazyo uuzwa ku-Mwami, pele ndamupa miyeeyo yangu, alimwi ndi muntu uufwididwe lweetelelo ku-Mwami, nkabe musyomesi. 26Lino nginjeeya ngaaya. Ncibotu nkaambo kamapenzi aasunu kuti muntu akale mbubonya mbwabede. 27Sa ulaangidwe kumwanakazi? Aakuli boobo, utakanzi kwaangununwa. Sa ulaangulukide? Aakuli boobo, utakanzi kukwata. 28#Lk 21:23Pele kuti kokwete, tobisizye. Alakwe musimbi kuti kakwetwe, tabisizye. Nekubaboobo abo bakwatana bayoojana mapenzi aakunyama, nkabela mebo ndayanda kumuyokola. 29#Rom 13:11; Lk 14:26Ncindaamba nceeci, bakwesu. Ciindi ncifwiifwi. Kuzwa sunu abo bakwete banakazi babe mbuli batakwete. 30Abaabo balila babe mbuli batalili, abaabo basekelela mbuli batasekeleli, abalo basimakwebo mbuli batakwe buvubi. 31#1 Joh 2:15-17Abaabo babelesya zintu zyaansi batapangiki moyo kukubelesya nzizyo. Nkaambo ziyanza zyaansi ano zili mukwiindilila, 32Ndayanda kuti mutabi amapakasyo, Oyo uutakwete ulalipakasizya kumakani aa-Mwami, kuti abotezye Mwami, 33#Lk 14:20; Ef 5:29Anukuti eyo uukwete ulalipakasizya kumakani aansi, kuti abotezye mukaakwe, 34Awalo mwanakazi uukwetwe amusimbi uutakwetwe balaandene mbubonya. Oyo uutakwetwe ulalipakasizya kumakani aa-Mwami, kuti asalale nikuba kumubili nikuba kumoyo. Anukuti oyo uukwetwe ulalipakasizya kumakani aansi ltuti abotezye mulumaakwe. 35Ayaaya ndaamba kuti mugwasigwe ngao. Nsiyandi kumujasya kakole pe, ndayanda buyo kuti kube ziyanza zilemu, alimwi kuti mupangike moyo kumakani aa-Mwami cakutalipakasizya.
36Nekubaboobo, aakuli mwaalumi uuyeeya kuti tacitili musimbi wakwe kabotu, aakuli wakubuka kale, alimwi kuleelede kuba boobo-mbubo, acite mbwayanda. Tabisizye pe, bakwatane. 37Pele mwaalumi aajatisyanka mumoyo wakwe, kuti tasinikizigwa kucita ncaatayanda, pele uli anguzu mwini, akanza mumoyo wakwe kuti musimbi wakwe kakede mbwabede, mwaalumi oyo ulacita kabotu. 38Lino oyo uukwata ulacita kabotu, pele oyo uutakwati ulacita kabotu cakwiinda.
39 #
Rom 7:2
Mwanakazi ulaangidwe kumulumaakwe ciindi ncacipona, pele afwa mulumi, ulilubukide kukwatana kufumbwa ngwayanda, nkukuti na munaKristo. 40Nekubaboobo cilainda kubota kuti wakala mbuli mbwabede. Mbuboobu mbunjeeya mebo, nkabela ndasyoma kuti ambebo ndijisi Muuya wa-Leza.
Currently Selected:
1 Ba-Korinto 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
