GÉNESIS 11
11
O ɨvate yae vae Babel pe
1Jókuae ara rupi opaete vae ɨvɨ pegua reta imiarise metei vae ñee peño. 2Oyakavo reta yave kuaraɨ oëa kotɨ güi, oväe reta chupe metei ñuu kavi ɨvɨ Sinar jee vae pe, jare joko pe oñemoëta reta. 3Jayave jei reta oyoupe: “Yayapo ladrillo jare yamboyɨ tata pe.” Jare jökorai ikavi yae chupe reta ladrillo, ita jekovia pe, jare mbae ipomoasɨ ɨvɨ yasuru rami vae oiporu reta tuyuapo jekovia pe. 4Jayave jei reta: “Yayapo metei tëta guasu jare ñamopüa metei o ɨvate yeyé vae, ojo ara re oya vae; ñanerërakua vaerä güɨramoi opa yave ñañemoai moai ɨvɨ iárambo.”
5Jare yandeYa ogüeyɨ omae vaerä tëta guasu re jare o ɨvate yeyé kuimbae reta oyapo ñogüɨnoi vae re, 6jare jei: “Kuae reta metei ramiño, jare iñee reta metei ramiño vi; añave omboɨpɨ reta kuae mbaravɨkɨ jare ngaraa mbae omboavai reta kuae oyemongeta oyapo vaerä vae güi. 7Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”
8Jökorai yandeYa opa omoai moai joko güi ɨvɨ iárambo rupi. Jare mbaetɨ ma ipuere opa oyapo reta jókuae tëta guasu. 9Jáeramo kuae tëta jee Babel, echa joko pe yandeYa opa omoambuae opaete vae reta iñee, jökorai joko güi opa omoai moai ɨvɨ iárambo rupi.
Sem iñemuña regua
(1 Cr 1.24-27)
10Kuae jae ko Sem iñemuña reta: Sem güɨnoi cien año yave oa chupe taɨ Arfaxad, mókoi año ma ɨporu guasu oasa güire. 11Sem oiko taɨ Arfaxad oa güire quiniento año, oa vi chupe taɨ reta jare tayɨ reta.
12Arfaxad güɨnoi treinta y cinco año yave oa chupe taɨ Sala. 13Arfaxad oiko taɨ Sala oa güire cuatrociento tres año, oa vi chupe taɨ reta jare tayɨ reta.
14Sala güɨnoi treinta año yave oa chupe taɨ Heber. 15Sala oiko taɨ Heber oa güire cuatrociento tres año, oa vi chupe taɨ reta jare tayɨ reta.
16Heber güɨnoi treinta y cuatro año yave oa chupe taɨ Peleg. 17Heber oiko taɨ Peleg oa güire cuatrociento treinta año, oa vi chupe taɨ reta jare tayɨ reta.
18Peleg güɨnoi treinta año yave oa chupe taɨ Reu. 19Peleg oiko taɨ Reu oa güire dosciento nueve año, oa vi chupe taɨ reta jare tayɨ reta.
20Reu güɨnoi treinta y dos año yave oa chupe taɨ Serug. 21Reu oiko taɨ Serug oa güire dosciento siete año, oa vi chupe taɨ reta jare tayɨ reta.
22Serug güɨnoi treinta año yave oa chupe taɨ Nacor. 23Serug oiko taɨ Nacor oa güire dosciento año, oa vi chupe taɨ reta jare tayɨ reta.
24Nacor güɨnoi veintinueve año yave oa chupe taɨ Taré. 25Nacor oiko taɨ Taré oa güire ciento diecinueve año, oa vi chupe taɨ reta jare tayɨ reta.
26Taré güɨnoi setenta año yave oa chupe taɨ Abram, Nacor jare Harán.
Taré iñemuña reta
27Kuae jae ko Taré iñemuña reta: Taré taɨ jae ko Abram, Nacor jare Harán; jare Harán taɨ jae ko Lot. 28Jare Harán räri omano tu Taré güi, tëta Ur pe, Caldeaɨgua reta iɨvɨ pe. Harán joko pe oa jare joko pe vi omano.
29Abram jare Nacor opa omenda. Abram jembireko jee Sarai, jare Nacor jembireko jee Milca. Milca jare Isca tu jae ko Harán. 30Ërei ngatu Sarai mbaetɨ imembɨ, echa imembɨmbae ko.
31Jare Taré oë tëta Ur güi, Caldeaɨgua reta iɨvɨ güi, ojo vaerä ɨvɨ Canaán jee vae kotɨ. Güɨraja jupíe taɨ Abram, jare jɨmɨmino Lot, jare taɨtatɨ Sarai. Ërei yogüɨraja ma oväe reta tëta Harán jee vae pe yave, joko pe opɨta reta oñemoëta. 32Jare Taré omano tëta Harán pe, dosciento cinco año güɨnoi yave.
Currently Selected:
GÉNESIS 11: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
