1 CORINTIOS 5

Aguasa oyapo vae oñejäa vaerä

1Jërakua oime pepɨte pe güɨreko ichɨraanga vae.#Dt 22.30. Jókuae nunga aguasa mbaetɨ oporogüɨroviambae reta ipɨte pe. 2¡Jökorai reve peyembotuicha! Pepɨatɨtɨta tëi ko jókuae teko re, peekɨ vaerä pepɨte güi jókuae iyapoa. 3Echa yepe tëi mbaetɨ aï pe ndive, ërei chepɨa pe oime aï pe ndive, jare ajäa ma jókuae teko iyapoa. 4Peyemboatɨ yandeYa Jesucristo jee re jare chepɨa pe aï pe ndive yave, yandeYa Jesucristo imbaepuere rupi, 5jókuae kuimbae toñemee Satanás ipo pe okañɨtei vaerä jete, jare jekove oyemboasaukata yandeYa ou ye yave.

6Mbaetɨ ko ikavi peyembotuicha peiko vaerä. ¿Mbaetɨ pa peikuaa jókuae mbɨyape imbovúa yepe tëi mbovɨ ërei ombovu opaete mbɨyaperä vae?#Gl 5.9. 7Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua#Ex 12.5. pegua, omano ma yanderé. 8Jáeramo yayapo arete, ërei agüɨye mbɨyape imbovúa indechigüe ndive ani ikavimbae ndive. Jaeño mbɨyape oyembovumbae#Ex 13.7; Dt 16.3. ikavigüe jare añetegüe ndive.

9Aikuatía ma peve, agüɨye vaerä peñemoïru iyaguasa pota vae reta ndive; 10mbaetɨ ko poyókuai peyemboyao etei vaerä kuae ɨvɨ pe iyaguasa pota vae reta güi, ani imbaepotarai vae reta güi, ani imonda vae reta güi, ani itumpa-raanga pota vae reta güi. Echa jökorai yave, ngaraa pepuere peiko kuae ɨvɨ pe. 11Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe. 12Echa mbaetɨ ko chepuere ajäa oporogüɨroviambae vae reta, pe reta pejäa ko pe ndive ñogüɨnoi vae oporogüɨrovia vae reta. 13Tumpa ko ojäata jókuae oporogüɨroviambae vae reta. Jáeramo peekɨ pepɨte güi jókuae ikavimbae iyapoa.#Dt 13.5; 17.7.

Currently Selected:

1 CORINTIOS 5: GUABD

Highlight

Copy