1 CORINTIOS 1

Tamaraeme

1Che Pablo, Tumpa cheparavo jemimbota rupi aiko vaerä Jesucristo jemimondorä. Cherɨvɨ Sóstenes ndive, 2romondo kuae tupapire oporogüɨrovia vae reta Tumpa imbae Corinto pe#Hch 18.1. peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko. 3YandeRu Tumpa jare yandeYa Jesucristo ipɨakavi jare ipɨakatu toï pe ndive.

Yasoropai Espíritu Santo omee mbaepuere vae re

4Yasoropai amee avei Tumpa pe peré, jae omee ipɨakavi peve Cristo Jesús rupi vae re. 5Echa Cristo rupi Tumpa omee peve opaete mbaembae, peñee ngatu vaerä jare pearakuaa katu vaerä. 6Jökorai ïru vae reta oecha vaerä añete vae ko jókuae amombeu peve Cristo regua vae. 7Jökorai agüɨye vaerä oata peve metei ave Espíritu Santo omee mbaepuere vae, peäro reve yandeYa Jesucristo ou ye regua. 8Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe. 9Tumpa ombopo avei iñee vae ko. Jae peparavo, peiko vaerä metei rami Taɨ yandeYa Jesucristo ndive.

¿Oyemboyao ra Cristo iyeugüi?

10Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake. 11Echa Cloé jo pegua reta omombeu cheve peregua, cherɨvɨ reta, kërai peñoraro peiko oyoupii. 12Echa amogüe pe reta pere: “Che ko aï Pablo ndive.” Jare amogüe jei: “Che ko aï Apolos ndive.”#Hch 18.24. Jare ïru reta jei: “Che ko aï Pedro ndive.” Jare ïru reta jei: “Che ko aï Cristo ndive.” 13¿Oyemboyao ra Cristo oï iyeugüi? ¿Pablo amano pa peré kurusu re?, ani ¿peyembobautisauka pa Pablo jee re? 14Amee yasoropai Tumpa pe kërai che mbaetɨ pombobautisa. Jaeño ete ambobautisa Crispo#Hch 18.8. jare Gayo.#Hch 19.29; Ro 16.23. 15Jáeramo mbaetɨ etei pepuere pere cheree re peyembobautisauka ko vae. 16Ambobautisa vi Estéfanas#1 Co 16.15. jo pegua reta. Ërei mbaetɨ chemaendúa ambobautisa ra ïru vae. 17Echa Cristo mbaetɨ ko chembou aporombobautisa vaerä. Jaeño chembou amoërakua vaerä ñee ikavi vae. Ërei mbaetɨ aiporu ñee arakuaa katu pegua, agüɨye vaerä amomichi Cristo omano kurusu re vae.

Cristo ko jae Tumpa iyarakuaa jare imbaepuere

18Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.#Ro 1.16. 19Echa oyekuatía oï körai:

“Amboaita yarakuaa vae reta iyarakuaa,

jare iyarakuaa katu vae reta iyarakuaa.”#Is 29.14.

20¿Jama pa iyarakuaa vae? ¿Jama pa mborookuai re oporomboe vae?#Job 12.17; Is 19.12; 33.18. ¿Jama pa iyoakase kuae ɨvɨ pe vae? Echa Tumpa oikuaauka kërai arakuaa kuae ɨvɨ pegua mbokereño ko.#Is 44.25. 21Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

22Echa Judío reta oipota oecha mɨakañɨ. Jare Greciaɨgua reta oeka arakuaa; 23ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere. 24Ërei Tumpa oiparavogüe Judío reta jare Greciaɨgua reta pe Cristo ko, jae Tumpa imbaepuere jare iyarakuaa. 25Echa mbaetɨecha arakuaa Tumpa regua vae, oyapɨraa yé ko kuimbae reta iyarakuaa. Jaeramiño vi ipɨtu yaeecha Tumpa regua vae, oyapɨraa yé kuimbae reta imbaepuere. 26Cherɨvɨ reta, pemaendúa Tumpa peparavo vae re, yepe tei mbaetɨ ko jeta iyarakuaa katu vae reta pepɨte pe ani mbaepuere güɨnoi vae reta, jare mburuvicha reta iñemuña reta. 27Echa Tumpa oiparavo ko mbaetɨ arakuaa ɨvɨ pegua güɨnoi vae reta, omomaraiuka vaerä iyarakuaa katu vae reta. Jaeramiño vi Tumpa oiparavo mbaetɨ mbaepuere güɨnoi vae reta, omomaraiuka vaerä mbaepuere güɨnoi vae reta. 28Tumpa oiparavo ko mbaeä etei vae reta jare oñereröɨro vae reta. Oiparavo ko jókuae mbaeä etei vae reta, omokañɨ vaerä jókuae jërakua vae reta; 29jökorai agüɨye vaerä kia oyemboete jae jóvai. 30Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ. 31Jáeramo, yayapo oyekuatía oï rami. Echa jei: “Kia ikɨ̈reɨ oyemboete vae, toyemboete yandeYa re.”#Jer 9.23-24.

Currently Selected:

1 CORINTIOS 1: GUABD

Highlight

Copy