MATHI Ngühip
Ngühip
Ngühlangmaibü Mathi ei Hangbü Laia Mühghaüei hao mütli la thekubü loushedbü thekubü Khümenbou Jisu Khrtista ngühlang maibü shanga lenda. Kho ngühlang maibü Jihuda mütli, aoyou dan shuong yoa Jisu bukkei hoba salang kikei, lausikei ho kaodak khümbo shangabü ki.
Mathi ho thenlo maiko thenakei. Ho Jisu bukbü ka khangda, hoba hoei hao baptibü hoba takteibü shanga lenda, hoba kho phaia haoeibü songlen, lenbü, hoba Galila maitikubü khangenbü kümsilei shanga lenda. Kho phaia Ngühlangmaibüei Jisu Galil ka Jerusalem to wakou khangbü shangabü, Jisu la thonbü balea haüthükbü hoba hao peiseia thüngbü hoba langngaibü thükkabou younaka sühko thenda.
Ho Ngühlangmaibüei Jisu kho Mühghaü Ngühkhüm sepeila hau kibou Lenbou yaangbou, hoba Mühghaü sangle shanga lenbou che dogo shean lenda. Haoeibü songlen juongbou kho ngühkung ngao la huokshaila thükakei: (1) Shongha Songlenbü, laobounei thechüh, kümsilei, haülabü, hoba khuthükbü Sangle mütli shuongeibü nyekthe sühshang shangabü lenda (lip 5-7); (2) Haoeneibü songlen haang shanga Anthüknyi to songlenbü (lip 10); (3) Khuthük Sangle shangabü ngühphatbü (lip 13); (4) Eik yeienbü ngühtet lenbü (lip 18); hoba (5) Toubü meten thonbü hoba loula kibü khuthük sangle shangabü lenbü (lip 24-25).
Komdak
Thensilen ngühli hoba Jisu Khrista bukbü 1.1–2.23
Johan Baptikuboueibü khangenbü 3.1-12
Jisu Baptibü hoba Takteibü 3.13–4.11
Galila Jisueibü khangenbü kümsilei 4.12–18.35
Galil ka Jerusalem sühko 19.1–20.34
Jerusalema hoba nyangko thonbü bale 21.1–27.66
Bunyubou langngaibü hoba longan lenbü 28.1-20
Currently Selected:
MATHI Ngühip: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.