JOHAN Ngühip
Ngühip
Ngühlangmaibü Johan ei Jisu kho thon akibü Mühghaü Ngüh, ao “kaodak müt la yeikei hoba sen yoa kikei.” Ho leei lenngaibü tegü, Jisu theletbü Khümenbou, Mühghaü Shou, hoba ho webü shuongeikei hao to mailembü danko haoen la langkei nahaptila shanga ho Ngühlangmaibü dokei (20.31).
Thon akibü Mühghaü Ngüh kho Jisu to jenshuoktian phaiaje Jisu kho theletbü Khümenbou, Mühghaü Shou dogo lenla shanga Ngühlangmaibü thedang phejana seikümseilei juong lenouakei. Khübü khonei seikümseilei danko tangkhitbü shuong wanan lenakei. Müt atei lai Jisu to mailembei hoba hao eik la yeikei hoba ateije hao khulimbei hoba maialem kho shangabü ho le janyinbüa lenakei. Lip 13-17 sühkoa Jisuei hao lapyou hao eikshuong to thangjambü, hoba hao peiseia thüngbü jiha haoen la lamlelabü hoba maang kaanglabü ngüh lenbü doakei. Küpbü lip shuonga Jisu lapbü hoba matjembü, hao peiseia thüngbü hoba langngaibü. hoba langngaian phaia hao eikshuong jungto longan lenbü shangabü lenda. Yaksanyu asangalanbüa lapbü ngühli (8.1-11) kho kailepbü phanga jinakei, aishanga shangiedbü sepeibü le juongnyua ajinoukei hoba ateije lubü kaoena jinkuda.
Johanei, athonbü langkei jongsak kho Khrista danko hapda, kho jongdak tou khangda hoba aoyouei kho lamnyu, ngühmai hoba langkei dogo sungletda khübü jungto louda dogo wanenkuda. Maangamailabü yoa che kho langkeia hanghangko jungeibü hangsilam, tetlabüei, dei, wentek, ngesakbü, sanlombou si haoeibü san, hoba semlühli si khoeibü hek tegübü ka Johanei tükdebü soushou aenei ngühtet la jungeibü ho che ki.
Komdak
Ngühip 1.1-18
Johan Baptibou hoba Jisueibü Shaangbou Eikshuong 1.19-51
Jisueibü Pühdak Khangenbü 2.1–12.50
Jerusalem hoba Nyangko Thonbü Chalou Shuong 13.1—19.42
Bunyubou Langngaibü hoba Longan Lenbü 20.1-31
Ngühküp: Galila hao longan lenbü 21.1-25
Currently Selected:
JOHAN Ngühip: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.