Tonon-kiran'i Solomona 2
2
Tenin'ny ampakarina, raha nitoetra irery izy
1Izaho dia voninkazo eny an-tanety#Na: any Sarôna ihany sy lilia eny an-dohasaha.
2Toy ny lilia eo amin'ny tsilo, dia toy izany tompokovavy havako eo amin'ny zazavavy.
3Toy ny hazo poma amin'ny hazo any an'ala, dia toy izany ny malalako eo amin'ny zatovo. Mahafinaritra ahy indrindra ny mipetraka eo ambanin'ny alokalony, sady mamy ao am-bavako ny voany. 4Nentiny ho ao an-tranon-divay aho, ary ny fanevany eo amboniko dia fitiavana. 5Hatanjaho amin'ampempam-boaloboka aho, ary velombelomy amin'ny poma aho, fa mararim-pitia. 6Aoka ny tànany ankavia hanondana ahy, ary aoka ny tànany ankavanana hanohona ahy.
7Mampianiana anareo amin'ny gazela#Anaram-biby haingan-tongotra na amin'ny dieravavy any an-tsaha aho, ry zanakavavin'i Jerosalema: Aza manaitra na mamoha ny fitiavana raha tsy efa sitrapony.
8Injay, ny feon'ilay malalako! Indro, tamy izy ka miantsambotsambotra eny an-tendrombohitra ary mitsambitimbikina eny amin'ny havoana. 9Ny malalako dia tahaka ny gazela#Anaram-biby haingan-tongotra na ny diera#Anaram-biby haingan-tongotra tanora; Indro, mijanona eo ala-tranonay#Heb. ivelan'ny rindrinay izy, mitsidika eo am-baravarankely, manarangarana eo amin'ny makarakara. 10Niteny ny malalako ka nanao tamiko hoe: Mitsangàna, ry tompokovavy havako, ry tsara tarehiko, ka andeha ary! 11Fa, indro, lasa ny ririnina, ritra tsy misy intsony ny ranonorana; 12Miposaka eo amin'ny tany ny voninkazo; Tonga ny taona fanaovam-peo fifaliana, ary re atỳ amin'ny tanintsika ny feon'ny domohina. 13Ny aviavy#aviavimbazaha mahamanitra ny voany tanora, mamony ny voaloboka ka mamerovero tsara. Mitsangàna, ry tompokovavy havako, ry tsara tarehiko, ka andeha ary! 14E, ry voromailalako ao amin'ny tsefatsefaky ny harambato, dia ao amin'ny fialokalofana amin'ny fiakarana mideza, aoka hahita ny endrikao sy handre ny feonao aho; Fa mamy ny feonao, sady mahafinaritra ny endrikao. 15Sambory ny amboahaolo, dia ireo amboahaolo madinika izay manimba ny tanim-boaloboka; Fa efa mamony izao ny voalobotsika. 16Ahy ny malalako, ary azy aho, dia ilay miandry ny ondriny eny amin'ny lilia. 17Mandra-pangatsiatsiaky ny andro, ka efa hilentika ny masoandro#Heb. mandositra ny aloka, mitodiha, ry ilay malalako, ary aoka ho tahaka ny gazela#Anaram-biby haingan-tongotra na ny diera#Anaram-biby haingan-tongotra tanora eny an-tendrombohitra be hantsana#Na: tendrombohitra manelanelana ianao.
Currently Selected:
Tonon-kiran'i Solomona 2: MG1865
Highlight
Share
Copy
Want to have your highlights saved across all your devices? Sign up or sign in
