Isaia 12
12
1Ary hiteny ianao amin'izany andro izany hoe: Hidera Anao aho, Jehovah ô; Fa na dia tezitra tamiko aza Hianao, dia#Na: Fa tezitra tamiko Hianao, nefa afaka ny fahatezeranao, ka mampionona ahy Hianao. 2Indro, Andriamanitra no famonjena ahy; dia hatoky aho, fa tsy mba hatahotra; Fa Jehovah Tompo no heriko sy fiderako, fa efa famonjena ahy Izy. 3Koa amin'ny fifaliana no hantsakanareo rano amin'ny loharanom-pamonjena. 4Ary hiteny ianao amin'izany andro izany ka hanao hoe: Miderà an'i Jehovah, miantsoa ny anarany, ampahafantaro any amin'ny firenena ny asany. Ampahatsiarovy fa efa misandratra ny anarany. 5Mankalazà an'i Jehovah, fa asa lehibe no nataony; Ary aoka ho fantatra any amin'ny tany rehetra izany. 6Miantsoa mafy sy mihobia, ry mponina any Ziona; Fa lehibe ao afovoanao ny Iray Masin'ny Isiraely.
Currently Selected:
Isaia 12: MG1865
Highlight
Share
Copy
Want to have your highlights saved across all your devices? Sign up or sign in
