Ifyakutaŋga 11
11
1Popele aŵamucalo capansi ŵonse ŵali ŵamulaka umo nekulaŵila kumo.
2Popele apo lomba, pakulukwenda kumutulesuŵa, ŵalibwene iŵesa mucalo caSina; naŵo ŵaliikele kopele uko. 3Popele ŵalukuŵulansyanya ati: Twendeni, ŋgatuwumbe incelwa, tukasioce. Naŵo ŵali nencelwa pamupunda wamabwe, nematipa amafuta nao pamupunda wasyamende. 4Kaŵili ŵalilaŵile ati: Twendeni, tuliiŵacile umusi nenanda itali makosa, iyakuficilila lukoso kwiulu, popele tukalicitile impupo isikulu: twikesa kupalaŋganisiwa pamenso pacalo conse. 5Popele apo ŵaYawe ŵaliselucile ati mbone umu si nenande'tali, iyi ŵalukwiŵaka aŵana ŵaŵantunsi. 6Popele ŵaYawe ati: Ŵoneni, aŵa ŵantu ŵamo, kaŵili ŵonse ŵali nemulaka umo; popele efifi ŵalukutatika ukucita: popele ŵukumo tapali-po icintu icakukaniwa kuli ŵo ici ŵalukulandicila ati tukacita. 7Twendeni, tuseluke pansi, tufuluŋganye apo umulaka waŵo, ŵekalukumfwansyanya ukulaŵila kwaŵo aŵene naŵene. 8Popele apo ŵaYawe ŵaliwapataŋgenye ponse ponse pamenso pacalo conse ukuŵafumyo'ko: naŵo ŵalicilekele ukwiŵako'musi uyo. 9Pakuti pali fyefyo isina lyauo lyaliilicilwe ati niBabeli; pakuti apo peŋka ŵaYawe ŵalifuluŋgenye umulaka waŵamucalo ŵonse: kaŵili ukuŵafumyo'ko ŵaYawe ŵaliŵapalaŋgenye ponse ponse pamenso pacalo conse.
10Ifitentekwa fyakwe Syemi nififi: Syemi wali ikele imyaka umwando'mo, nekufyala Afakesadi, pakupite'myaka iŵili ukufuma kumpindi yaŵuloŵe: 11popele ukufuma kumpindi iyo afyele Afakesadi, Syemi waliikele nemweo imyaka imyanda isanu, nekulukufyaia aŵana aŵalalume neŵanakasi.
12Popele Afakesadi ali ikele imyaka amakumi atatu naisanu, eli aŋgafyala Syela: 13kaŵili ukufuma kumpindi iyo afyele Syela, Afakesadi aliikele nemweo imyaka imyanda ine nemyaka itatu peulu, nekulukufyala aŵana aŵalalume neŵanakasi.
14Popele Syela waliikele imyaka amakumi atatu, eli aŋgafyala Ebeya: 15kaŵili, ukufuma kumpindi iyo afyele Ebeya, Syela wali ikele nemweo imyaka imyanda ine nemyaka itatu peulu, nekulukufyala aŵana aŵalalume neŵanakasi.
16Popele Ebeya waliikele imyaka amakumi atatu naine, eli aŋgafyala Paleci: 17kaŵili, ukufuma kumpindi iyo afyele Paleci, Ebeya aliikele nemweo imyaka imyanda ine nemyaka amakumi atatu peulu, nekulukufyala aŵana aŵalalume neŵanakasi.
18Popele Paleci waliikele imyaka amakumi atatu, eli aŋgafyala Laga: 19kaŵili, ukufuma kumpindi iyo afyele Laga, Paleci waliikele nemweo imyaka imyanda iŵili nemyaka isanu naine peulu, nekulukufyala aŵana aŵalalume neŵanakasi.
20Popele Laga waliikele imyaka amakumi atatu naiŵili, eli aŋgafyala Saluji: 21kaŵili, ukufuma kumpindi iyo afyele Saluji, Laga waliikele nemweo imyaka imyanda iŵili nemyaka isa nu naiŵili peulu, nekulukufyala aŵana aŵalalume neŵanakasi.
22Popele Saluji waliikele imyaka amakumi atatu, eli aŋgafyala Nako: 23kaŵili, ukufuma kumpindi iyo afyele Nako, Saluji waliikele nemweo imyaka imyanda iŵili, nekulukufyala aŵalalume neŵanakasi.
24Popele Nako waliikele imyaka amakumi aŵili naisanu naine, eli aŋgafyala Tela: 25kaŵili, ukufuma kumpindi iyo afyele Tela, Nako waliikele nemweo imyaka umwando'mo nemyaka ikumi naisanu muli isanu naine, nekulukufyala aŵana aŵalalume neŵanakasi.
26Popele Tela waliikele imyaka amakumi asa nu naaŵili, nekufyala Ablama naNako naKalani.
27Lombe'fitentekwa fyakwe Tela nififi: Tela walifyele Ablama na Nako naKalani; naKalani naye walifyele Loti. 28Popele Kalani walifwile pamenso aŵawisi ŵaTela, mucalo ico afyalilwemo, kuUle uwaŵaKalidaya. 29Popele apo Ablama naNako ŵaliupile aŵakasi: isina lyamukasi wakwe Ablama lyali niSalai, nesina lyamukasi wakwe Nako nalyo lyali niMilika, umwana wakwe Kalani wisiŵo Milika nalseka. 30Sombi Salai wali ninumba, taakwete neli mwana. 31Popele Tela walipintile Ablama, umwana wakwe, naLoti, umwana wakwe Kalani, mwinsikulu wakwe, naSalai umulokasi wakwe, umukasi I wakwe Ablama umwana wakwe; nekufuma pamo naŵo kuUle uwaŵaKalidaya, mukulukuya kucalo caKa nani; naŵo ŵalificile kuKalani, nekulukwikala kopele uko. 32Popele insiku syakwe Tela syalikumene imyaka imyanda iŵili nemyaka isanu peulu: popele apo Tela walifwile kuKalani.
Currently Selected:
Ifyakutaŋga 11: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
